أشتري صني 2014 هاي لين ولا نيو أكسنت rb 2014

**tarek zedan** · 14-04-2014 12:36 PM

هااااااااااااام. يا جماعه انا بقول فيه فرق كبير بين العربيتين بص يا باشا اولا لو ف الماتور فا الصنى تكسب لانها ١٥٠٠ يعنى موفرة فى البنزين عن ال ١٦٠٠ ثانيا اكيد الماتور ١٥٠٠ يابانى اقوى من ال ١٦٠٠ فى السحب وصوت الماكنه ثالثا لو على قطع الغيار اظن ان الاتنين زى بعض ورابعا فى اعادة البيع برضه الاتنين زى بعض خامساااا لو على جمال الصالون فاكيد الار بى تكسب والتابلوة برضه الار بى تكتسح الصنى لاكن لو فى الوسع فالصنى تكتسح الار بى وفقيرة جدا فى التابلوة من الاخر كدة ،،،،،، لو مش هتركز فى المنظر ركز فى اليابانى يعنى الصنى لو بتحب الكماليات اكيد الار بى تكتسح الصنى كفايه التابلوة وانا بصراحه محتار زيك بالظبطت ومعايا 100 الف ومش عارف اجيب ايه منهم كسر الزيرووور بصراحه مقارنه صعبه

**raad13** · 14-04-2014 01:53 PM

ال301 ممتازة و احسن من الاتنين و سعر اعادة البيع هيكون عالي لأن العربية منتشرة جدا!! الصني حقيرة و من يومين نزل خبر عن ان بيتحقق مع الوكيل في النائب العام لانه ضحك على العملاء و خبا عيوب في الصناعة

**tarek zedan** · 14-04-2014 02:47 PM

يعنى ايه وكيل فى الناءب العام مش فاهمك

**Yasser_Tahlawy** · 14-04-2014 07:34 PM

الاخ العزيز "احمد صلاح" عاوز رأيك ف الجوليت علشان انا اشتريت واحدة بيقول صاحبها انها مواصفات خليجى"ABS, EBD, Airbag" على فكرة انا حديث جدا جدا جدا ف عالم بالسيارات و الله يكرمك عاوز نصيحتك لى علشان احافظ عليها بقدر الامكان لغاية بخلص تعليم القيادة عليها وربنا يكرمنى بمبلغ و اجدد.

**ahmzd** · 14-04-2014 11:19 PM

المشاركة الأصلية كتبت بواسطة raad13

ال301 ممتازة و احسن من الاتنين و سعر اعادة البيع هيكون عالي لأن العربية منتشرة جدا!! الصني حقيرة و من يومين نزل خبر عن ان بيتحقق مع الوكيل في النائب العام لانه ضحك على العملاء و خبا عيوب في الصناعة

أولا : أتفق تماما مع اكلام حضرتك عن البيجو 301 .
ثانيا : معلومة تحقيق النائب العام مع توكيل نيسان بسبب عيوب صني خبر صحيح تماما ومنشور على موقع جريدة البورصة وأكثر من موقع آخر .
ثالثا : أنا عن نفسي لا أحترم هذه الصني الأخيرة نهائيا .. لا شكلا ولا موضوعا .. الشكل القديم كان أفضل في كل شيء ما عدا الوسع الداخلي .. والله أعلم .

**raad13** · 15-04-2014 10:20 AM

المشاركة الأصلية كتبت بواسطة tarek zedan

يعنى ايه وكيل فى الناءب العام مش فاهمك

بقول احالة وكيل نيسان صني للتحقيق مع النائب العام, خش شوف الموضوع ده

http://www.nilemotors.net/Nile/415456-a.html

**raad13** · 15-04-2014 10:22 AM

المشاركة الأصلية كتبت بواسطة ahmzd

أولا : أتفق تماما مع اكلام حضرتك عن البيجو 301 .
ثانيا : معلومة تحقيق النائب العام مع توكيل نيسان بسبب عيوب صني خبر صحيح تماما ومنشور على موقع جريدة البورصة وأكثر من موقع آخر .
ثالثا : أنا عن نفسي لا أحترم هذه الصني الأخيرة نهائيا .. لا شكلا ولا موضوعا .. الشكل القديم كان أفضل في كل شيء ما عدا الوسع الداخلي .. والله أعلم .

الصني من اكتر العربيات الي احترمتها الي نزلت مصر في الشكلين القدام لكن الشكل الجديد للأسف دمرت صورة الصني عندي تماما في كل حاجة

**bayoumisoft** · 15-04-2014 11:55 AM

نيو أكسنت rb 2014

**tifa2015** · 15-04-2014 08:16 PM

فى اختلاف جوهرى بينهم والاختيار فى النهاية لحضرتك وهو الوسع من الداخل وكمان الارتفاع عن الارض لصالح الصنى الجديدة اما التقفيل لصالح الار بى طبعا

**أحمد صلاح** · 17-04-2014 12:54 PM

ياسر باشا صباح الفل
ألف مبروووووك يا باشا وربنا يديك خيرها ويكفيك شرها ويا باشا أنا مش متمكن جداً من السيارات في ناس أجدر في العالم ده داخل المنتدى المحترم ، على العموم أنا هأجاوبك على أد معرفتي بالعربية المحترمة دي.
العربية دي عزيزة جداً وصعب تلاقي عربية نضيفة وبصراحة أصيلة جداً عمرها ماعطلت إلا تحت البيت أو أمام ميكانيكي
وموضوع إنها مواصفات خليجي أعتقد إلي يفيدك الميكانيكي بتاعك وهوا بيكشف عليها
قطع غيار العربية دي ببلاش ومتوفرة جداً لأنها هيا هيا اللانوس
موفرة جداً في البنزين ، أنا من سكان الهرم وشغلي في شيراتون المطار وبقالي 4 سنوات رايح جاي والتفويلة بتكفي 6 أيام ومعاهم المشاوير الخارجية
وعلشان تحافظ عليها لازم تعمل السرفيس بتعها في مواعيده ومبدئياً كده لازم تغير السيور وبلية الكاتينة والفلاتر وزيت الموتور (حط زيت شل أو توتال) وأهم حاجة تخلي الميكانيكي يفكلك كرتيرة الفتيس علشان ينزل منها كل الزيت وبعدين تروح تحقن زيت فتيس في اي بنزينة
عيبها أن سحبها بيقل علي المطالع والتحرك من وضع الثبات لما تكون مشغل التكييف وده عادي متقلقش
سحبها جامد جداً بعد الستين وخلي بالك متغركش السرعة أخرك معاها 120 كم في الساعة لأنها خفيفة
تكيفها هايل مع إن العزل بتعها مش أد كدة بس التكييف جامد بصراحة
صوت المكنة واطي جداً ساعات والله مبخدشي بالي إن العربية شغالة وأنا واقف جنبها من قلة صوت الموتور
عملية إعادة البيع سهلة جداً وخصوصاً إن العربية مطلوبة
لما ربنا يكرمك كدة أبقا غير الرشاشات وركب بتاعة الهيونداي لأنها موفرة أكتر كمان في البنزين وعن تجرية