لاصحاب الخبره فى فتيس نيسان صنى الاتوماتيك الشكل القديم 2011
اخيرا وبعد حيره طويله فى اختيار السياره المناسبه لى قمت بشراء نيسان صنى 2011 سوبر صالون ويرجع الفضل لاختيارى بعد الله سبحانه وتعالى الى اعضاء المنتدى المحترمين الذين استفدت منهم كثيرا جدااااااااااااااااااااااا ااااااااااااااااااااااااا
فكل التحيه الى صقور نيسان الاعزاء وارجو ان يتقبلونى اخ لهم فى هذا المنتدى الاكثر من رائع وان يقدرنى الله على رد جميلهم وافاده كل ما هو محتاج الى معلومه او مشوره ان كنت اعلم والله اعلى واعلم .
اولا :تقريرى عن النيسان صنى الشكل القديم 2011 سوبر صالون
ماتور ما شاء الله قوى من السهل جدا انك تجيب بيه سرعات عاليه فى وقت قصير يعنى بالبلدى كده اللى بيقول ان العربيه دى تجميعها وحش يبقى اكيد فى حاجه عنده غلط يا اما عربيته مش مظبوطه او عيب سواق
العفشه ممتازه جدا وملائمه جدا لشوارعنا
الثبات ممتاز حتى سرعة 160
فرامل ممتازه جدا ومتوافقه مع قوة الماتور وعلى فكره abs ده اختراع ومهم جدا
عيب العربيه الوحيد فى راى انها تجميع مصرى وده لاحظته فى وجود زنه او خروشه فى زجاج السياره الامامى يمين ودرج التابلوه مش متثبت كويس يعنى بيقع لما اجى افتحه
وشكلها قديم ولكن عاجبنى وانا شايف ان ده موضوع نسبى يختلف من واحد للتانى
نيجى بقى لموضوع البنزين هى فعلا بتاكل بنزين اكتر من مثيلاتها فى نفس الفئه ولكن فرق بسيط لا يذكر وانا بالنسبه لى متقبل هذا مقابل انى اركب عربيه فيها وسائل امان واعتماديه عاليه بالسعر ده وعلى فكره انا جيبت العربيه من واحد صاحبى ب85000 جنيه
وعداد 48300 كيلو متر بالكتالوج و صيانه توكيل حتى الان ولكن العربيه رشه شنطه واكصدام خلفى
نيجى بقى لحاجه لفتت نظرى فى عربيتى وهى لما اجى ادور العربيه وهى بارده واجيب r بحس برجه جامده فى العربيه وبسمع صوت هبده جامده ولكن اللى بيحصل ده مش موجود لما بجيب الفتيس على d مع العلم ان العربيه لما بتسخن بيبقى غيار الr عادى جدا ومافيش اى اصوات
انا قريت الكتالوج بتاع العربيه ولاقيت مكتوب ان انا ممكن اسخن العربيه 60ثانيه وبعد كده اتحرك بيها على سرعه بطيئه لغايه ما توصل الحراره لدرجتها الطبيعيه
فانا مش عارف ده عيب فى الفتيس ولا ايه ارجو الافاده ضرورى واسف على الاطاله
