الموضوع: لاصحاب الخبره فى فتيس نيسان صنى الاتوماتيك الشكل القديم 2011

اولا الف الف مبرووووك و يكفيييك شرها يا رب :)
ثانيا : انا معايا نفس العربية 2010 .. سوبر صالون و ماشية 44000 تقريبا
المهم العربية مش بتجمع معايا كويس و السحب مش مظبوط تقريبا علشان انا بركب النترا 2012 مع صحبى و عربيتو مشاء الله سحب و تجميع ممتاز
فنا حسيت بالتشاؤم والله بعد مركبت معاه و غير كدة اخر صيانة كانت معمولة عندى صيانة ال35 الف فنا مش عارف ايه السبب !!!!!
ملحوظة : والدى لما بيركل العربية مش بيخلى الrpm يعدى 2.5 و مش بيزيد عن 80 كم/س فانا حاسس انها مكتومة و لو حضرتك تعرف السبب ياريت تفدنى ضرورى :)

بص يا باشا انت كلامك مظبوط هى الالنترا اكيد تجميعها هيكون اسرع شويه من النيسان صنى لسببين اولا فرق التكنولوجيا لان الالنترا ماتورها احدث شويه من الصنى ثانيا فرق الوزن الصنى اتقل من الالنترا
نيجى بقى لطريقة قياده الوالد للسياره وهى اكيد بتخلى العربيه اتعودت على هذه القياده الناعمه لانه مش بيقرص عليها وده الصح
لان المفروض الطبيعى الواحد يخلى الغيارات تنقل على 4rpm :3rpm بالكتير واكتر من كده بيبقى تعجيل باهلاك الماتور

معنى كلامى ان الصنى والالنترا لو دخلوا فى سباق مع بعض هتلاقى الالنترا فى الاول تكسب بفارق ثوانى بسيط ولكن فى الطوالى الصنى تكسب نظرا لماتورها القوى وثباتها طبعا اعلى من الالنترا وكمان ما تنساش الفرامل احسن من الالنترا بكتير يعنى انت لو حبيت تاكل غرزه او تجمع بسرعه من وضع السكون الصنى مش هتكسفك خالص وهتديك الاداء المطلوب اللى انت محتاجه الفارق البسيط بينها وبين العربيات التانيه هيكون فارق ثوانى بسيطه مش هيفرق معاك خالص لانك اكيد مش هتدخل بيها سباق
ارجو ان اكون افدتك

تمام يا باشا :)
انا سمعت ان الموتور مقفول عند ال160 مش بينفع تعدى بيه هل دة صحيح ؟؟؟
و جمعت معاك ال160 فى اد ايه !!
و لو عايز احسن اداء السحب و التجميع اعمل ايه !!
معلش تقلت عليك :)

انا معايا نفس العربية موديل 2010 وعاملة دلوقتى 122000كيلو نمسك الخشب بالنسبة لموضوع الفتيس مع خبرتي الطويلة مع السوبر صالون خلي جميع النقلات عند الوقوف او العربية باردة من خلال تحريك الفتيس على الوضع N اولا وانت رجلك على الفرامل يعني لو حضرتك دورت العربية وهي على p وعايز تجيب Rهات الاول علي N ,وبعدين هات علي R وبد كدة نزل الهاند بريك وبالعكس لو هاتقف وانت علي Dهات على Nالاول وارفع الهاند بريك وانقل عليP وانسي بعد كدة اي هبدة وهاتحس بسلاسة كبيرة وهاتدعيلي.
ثانيا غير زيت الفتيس وهات فالفولين او ولف وماتجبش اي نوع تاني وهاتحس ان معاك فتيس اخر نعومة وسلاسة في النقلات ولن تجد اي نتشة.
زرار الاوفر دريف بجد اختراع وبيجمع العربية في وقت رهيب وتقدر نطلع من عربيات كتير بعد المطبات الرخمة او مطلع صعب وانت من الثبات بس متمشيش علية كتير قبل كدة شديت مع واحد كيا سراتو بعد مطب كبير وطلعت منة وكان هايعيط.
واي استفسار انا في الخدمة

المشاركة الأصلية كتبت بواسطة ahmed_rahem

العربية مركونة على مطلع او منزل (الشارع مائل ولا عدل)؟ انت لما بتركن بعمل اية؟
لان الهبدة دى معناها ان الفتيس محمل على الـp ودة بيجى من: 1- الشارع مايل او 2- انت جبت الفتيس على الـp وانت بتقف من غير متكون دايس فرامل وشادد فرامل اليد.
جرب النقطتين دول وشوف هيحصل تغيير ولا لأ.



الى قالك كدة مسقش العربية، تجميع العربية وسرعتها مفتوحة بس كل عربية وحالتها، لو عربية صاحبها مهتم بيها هتعمل زى مهوا عايز ولو لأ هتدى على قدها.
دة غبر ان شوارعنا متستحملش السرعات دى خالص.
انا حبت 170 مرتين، مرة على المحور ومرة على طريق العين السخنة ولمدة دقائق قليلة فقط، العمر مس بعزقة.

والسلام ختام

اولا شكرا لاهتمامكم وردودكم بس انا عايز الف نظركم لحاجه انا حريص جدا فى استخدام الفتيس الاتوماتيك وانا فعلا بعمل زى ما الاستاذ احمد كمال والاستاذ احمد رحيم ما قالوا انا قبل ما جيب p بجيب الفتيس على n الاول وبعد كده برفع البريك ثم pعلشان ما احملش على الفتيس

لحد كده تمام
انا بقى المشكله اللى عندى ان العربيه وهى بارده بسيبها دقيقتين ثلاته تسخن ثم ابدا اتحرك بيها على الهادى لغايه ما تسخن مع العلم ان كتالوج العربيه بيقول ممكن تسخنها 60 ثانيه فقط ثم التحرك على الهادى لغاية كده تمام
وهى بارده لما اجيب الفيس على r بسمع هبده جامده مع نتشه جامده برده
و كل لما العربيه تسخين الهبده دى بتقل بالتدريج
ولما العربيه تسخن خالص يعنى توصل لحرارتها يبقى الفتيس على r عادى جدا

ملحوظه اخيره الهبده دى على r وهى بارده فقط والفيس لو جبته على d وهى بارده بيبقى عادى جدا
ارجو ان اكون وضحت المشكله فياريت اللى عنده حل يقولى ده عيب ايه علشان انا محتار وقلقان يكون عيب فى الفتيس

المشاركة الأصلية كتبت بواسطة abdelra0uf

تمام يا باشا :)
انا سمعت ان الموتور مقفول عند ال160 مش بينفع تعدى بيه هل دة صحيح ؟؟؟
و جمعت معاك ال160 فى اد ايه !!
و لو عايز احسن اداء السحب و التجميع اعمل ايه !!
معلش تقلت عليك :)

استاذ رؤوف مفيش حاجه اسمها الماتور مقفول على سرعه محدده انا شوفت فيديوهات على اليوتيوب لناس جايبه بيها ال200 فى العداد وكانت اوتوماتيك
لو انت عنندك مشكله فى السحب ممكن يكون لعده اسباب منها البنزين مغشوش او فلتر البنزين فيه شوائب او مسدود او فلتر الهوا مش نضيف عايز يتنضف او يتغير او البوجيهات او سلك البوجيهات وكمان ما تنساس تظبط الهوا على 32 ادام و29 ورا وان ان شاء الله هتلاقى العربيه تمام معاك