تحياتى[/QUOTE]
يا جماعة إرسوا على بر ... أيهما أنشف وأيهما أطرى :grinder:
عرض للطباعة
راجع الجلب بنفسك أولاً أكسر الدركسيون أقصى الشمال وأنظر إلى جلب المقص اليمين بنفسك خاصة الجلبة التى ستجدها أمامك مباشرة هى الجلبة الشائع تلفها أولا بحكم تصميمها ولأن الحمل عليها كبير ستجد المطاط متآكل عندها
وإذا أردت النظر إليها فى العجلة الشمال قم بلف الدركسيون أقصى اليمين وأنظر أيضاً
من خلال تعاملى مع ميجان 2 المقص قوى جداً وأغلب المقصات تتلف من عند جلبة معينة ففى الغالب يكون التلف من عند الجلب
وهناك مقصات يتم تغيير الجلب بها و أخرى لا يمكن تغيير الجلب ولذلك يتم تغيير المقص بالكامل مع العلم أن أغلب الميكانيكية يتساهلوا فى حالة تلف الجلبة وسلامة المقص نفسه فى حال النوع الذى يتم تغيير جلبه ويقولوا لك غير المقص بالكامل مع أنه بالإمكان تغيير الجلبة فقط
عكس مقص بى إم دبليو الفئة الثالثة موديل 2007 مثلاً تجده مصنوع من خامات بها ألومنيوم وسهل إنحنائه فى المطبات والطرق الوعرة وطبعاً وزنه أخف من المصنوع من الحديد وأداؤه أعلى لكن ليس على طرقنا الوعرة
بالنسبة لعمر الكاوتش قد يكون له تأثير بسيط .......... لكن نوع ووزن ومقاس الجنط والكاوتش عامل مؤثر طبعاً فى الإحساس براحة الجلوس
بالنسبة لتربيط العفشة .... من خلال خبرتى مع العفشة الأمامية لميجان 2 .... أنا غير مقتنع بما يسمى بتربيط العفشة إطلاقاً
فالتربيط هو عكس الفك ... ما الذى يتم فكه مع الاستعمال ؟
الصواميل مثلاً ؟
أى صواميل ؟
المقص مثلاً له 3 صواميل ربط .... وتيش السواى بار له 2 صامولة .... وبار الدركسيون الخارجى له صامولة ربط وصامولة زنق .... والبطاحة لها 3 مسامير وصامولة تجميعها مع المساعد بالمنتصف
كل هذه الأجزاء أذا تم ربطها جيداً استحالة تفك مرة اخرى تلقائيا مع الاستعمال وهذا عن تجربة
لذلك أنا غير مقتنع بما يسمونه تربيط العفشة !
استهلاك الكاوتش لنفس النوع وتاريخ الصنع قد يختلف من سيارة لأخرى ومن طريق لآخر وليس لموضوع الستوك والمشترى من الخارج دخل بهذا ... إلا فى حال نزول السيارة بنوع ردئ ورخيص الثمن و بردجستون تنتنتج أنواع رديئة
الزميل محمد
انا كان معايا ميجان جنط حديد اصلى مقاس 15 و كاوتش بريدجستون تركى نازل مع العربي اللى انا بسميه كاوتش استوك
من اول ما استلمت العربية و هى بتحدف شمال و كمان فيه رجه خفيفة فى الدريكسيون على السرعة
روحت التوكيل كذا مرة و مفيش فايدة
طلعت على واحد بتاع كاوتش محترف، قالى الكاوتش ده تعبان جداً و فعلاً نزلناه مع بعض و قعدنا نرصص فيه و ننقل مكان العجل لغاية لما العربية ظبطت
مشيت بالعافية على الكاوتش ده لغاية 40 الف كم و طبعاً خلال هذه الفترة سمعت الكثير من الشكاوى من الكثير من الملاك من رداءة الكاوتش و كان كمان فيه جوديير بينزل ارداء من البريدجستون
بعد ال 40 الف غيرت اربع فرد بريدجستون تورانزا يابانى كان لسه نازل جديد و مش عايز اقولك حسيت بايه بعد التغيير
عفشة ناعمة و تماسك و هدوء حسيت انى غيرت العربية
لاحظ انى دخلت على سايت بريدجستون علشان اشوف مواصفات الكاوتش الاستوك و للأسف لقيتهم كاتبين تحتيه انه تجارى و بينزل لبعض السيارت فقط
نفس الحوار ده حصل مع الاوكتافيا A4
و ده trend عام ان شركات السيارات ما بتنزلش كاوتش ممتاز مع العربية علشان خفض التكاليف
علشان كده بقول من خبرتى الشخصية 50 الف على كاوتش الاستوك مهما كان مشية و الطرق و المدة الزمنية يعتبر كتير
تحياتى
كلام حضرتك صحيح بخصوص التكلفة .... ولكن ليست قاعدة للتعميم لأن كثير من السيارات أيضاّ تنزل بكاوتش محترم ....وقد تكون سيارة العضو صاحب الموضوع كاوتشها نوعه عالى الجودة .... وأنا سيارتى ميجان أيضاً صاحبها الأول اشتراها بكاوتش كونتنتال وشكر فيه ... وأنا بعده اشتريت كونتنتال أيضاً
الكاوتش طبعا عليه عامل كبير جدا..... بس طبعا مش هيبقي لوحده هو سبب كل المشاكل..... لكن ان شاء الله انا نويت أغير الكاوتش... تنصحوني ب ايه .... ويفضل ان يكون طري و صوته هادي.... أشتري ايه؟