مقارنة بين عفشة الفلوانس والفانتازيا

**yalahwy2010** · 10-04-2014 03:02 PM

طيب هل لما جلب المقصات تكون سليمة دا معناه ان المقصات مافيهاش مشكلة؟
السؤال التاني بقي.... هل الكاوتش لو بقاله 50000 كم.... بيفرق في كاوتش جديد مثلا
وايه تاني في العفشة ممكن يكون السبب في ان العفشة لما بتتربط بتبقي كويسة ويومين تلاتة بتبوظ تاني؟

**mostafa magdy** · 10-04-2014 03:06 PM

الفنتازيا عفشتها قويه .. مش ناشفه ..
الفنتازيا ناعمه جدا مقارنه بالأوكتافيا ..
كلامي علي إساس إن كان معايا الفنتازيا .. و خاليا الفلوينس فيس ليفت ..
تحياتي ..

**Hany Saad** · 10-04-2014 03:15 PM

المشاركة الأصلية كتبت بواسطة yalahwy2010

طيب هل لما جلب المقصات تكون سليمة دا معناه ان المقصات مافيهاش مشكلة؟
السؤال التاني بقي.... هل الكاوتش لو بقاله 50000 كم.... بيفرق في كاوتش جديد مثلا
وايه تاني في العفشة ممكن يكون السبب في ان العفشة لما بتتربط بتبقي كويسة ويومين تلاتة بتبوظ تاني؟

باشمهندس فهمى....سؤال و عايز إجابته من غير لف و لا دوران :) :) و الأنكار زى ما أنت عارف مش هينفعك

أنت بقالك يا كبير 50 ألف كم بكاوتش الأستوك و مش مبسوط من العفشة!!!

أبتدى حوش يا كبير لطقم بريدجستون تورانزا و بعدين نبقى نتكلم مع بعض عن العفشة ده لو لسه فيها كلام...:)

تحياتى يا هندسة

**zangry** · 10-04-2014 04:04 PM

انا معايا الـa5 وعفشتها ناعمة جدا وده اكيد عشان الكاوتش عندي 15 مش 16 مقارنة بالميجان اللى كانت عندنا الاوكتافيا عفشتها انعم بفرق ملحوظ

**yalahwy2010** · 10-04-2014 04:11 PM

المشاركة الأصلية كتبت بواسطة hany saad

باشمهندس فهمى....سؤال و عايز إجابته من غير لف و لا دوران :) :) و الأنكار زى ما أنت عارف مش هينفعك

أنت بقالك يا كبير 50 ألف كم بكاوتش الأستوك و مش مبسوط من العفشة!!!

أبتدى حوش يا كبير لطقم بريدجستون تورانزا و بعدين نبقى نتكلم مع بعض عن العفشة ده لو لسه فيها كلام...:)

تحياتى يا هندسة

ههههههه....انا هعترف خلاص
انا فعلا شكلي هغير الكاوتش..... بس خايف ألاقي حاجة تانية زي المقصات او علبة دريكسيون.... ربنا يسترها
يعني اتوكل علي الله يا باشمهندس هاني وأغير الكاوتش؟...... ولا استني علي الستين ألف؟
هو بيني وبينك الكاوتش شكله الخارجي مايسرش خالص

**Hany Saad** · 10-04-2014 04:30 PM

المشاركة الأصلية كتبت بواسطة yalahwy2010

ههههههه....انا هعترف خلاص
انا فعلا شكلي هغير الكاوتش..... بس خايف ألاقي حاجة تانية زي المقصات او علبة دريكسيون.... ربنا يسترها
يعني اتوكل علي الله يا باشمهندس هاني وأغير الكاوتش؟...... ولا استني علي الستين ألف؟
هو بيني وبينك الكاوتش شكله الخارجي مايسرش خالص

شوف يا هندسة أنا طبعاً مش عايز أدبسك علشان متزعلش منى و لكن من خبرتى المحدودة أن كاوتش الأستوك بيبقى على قده خالص و مش بيستحمل لغاية 50 ألف كم و أقصد مش بيدى الأداء المظبوط للعفشة لغاية 50 ألف كم....كبيره قوى 40 ألف ده لو عايز أداء (تماسك و فرامل و توفير بنزين و صوت أحتكاك منخفض و كده) أنما عايز كاوتش راكب و الدنيا ماشية و خلاص ده موضوع تانى

لو كاوتش نظيف أنت مشتريه زى بريدجستون تورانزا (مش أستوك) أو ميشلان أو كونيننتال أو ما شابه من الماركات المحترمة أقولك ممكن تدوس بيه لغاية 60 ألف كم....أنما اللى نازل مع العربية يبقى مش هتبقى مبسوط منها

و الله أعلى و أعلم

تحياتى

**Ahmed Selim** · 10-04-2014 07:36 PM

المقصات لو جلبهم سليمة يبقى مفيش مشكلة إن شاء الله الا لو لا قدر الله المقص واخد خبطة و فيه عوجة.

الكاوتش يعمل فرق طبعاً بس في رأيي مش فرق شاسع لو حالته كويسة ( مش ناشف...مفيهوش عالي و واطي الخ)

اللي بيخلي العفشة تحتاج تربيط كتير هو طبيعة الارض اللي بتمشي عليها و طريقة سواقتك فيها

-

-

-

الموضوع: مقارنة بين عفشة الفلوانس والفانتازيا

LinkBack

أدوات الموضوع

عرض

-

-

-

-

-

المواضيع المتشابهه

فيديو مقارنة ظريفة بين الميجان 2 و الفلوانس للى بيفكر ينقل زى حالاتى

عفشة ومساعدين الفلوانس

مقارنة ابعاد اوكتافيا الشكل الجديد والفانتازيا

سؤال عن عفشة الفلوانس

مقارنة مش سهلةبصراحة كدا انا ما كنتش باهتم باى حاجة عن الرينو بس لاما الفلوانس نزلت ب

الكلمات الدلالية لهذا الموضوع

المفضلات

المفضلات

ضوابط المشاركة