مشكلة عجيبة في التكييف

**tahoun33** · 09-04-2014 09:00 PM

تكييف عربيتي بيشتغل زي الفل ومرة واحده بيفصل
طبعا أول مرة رحت لبتاع التكييف كنت فاكر ان الشحن بيسرب ,, لكني فوجئت ان مفيش تسريب
بعد كده الراجل قال ان العيب ممكن يكون في الكومبريسور ,, فطبعا اداله وصلة مباشرة علشان يشوفه بيقوم واللا لا وطبعا بعدكده شالها ,, الكومبريسور قام تمام والغريب انه اشتغل بعد كده عادي خالص ,, المهم مشيت من عنده والتكييف فضل يشتغل عادي لمدة شهرين مثلا ,, وبعد كده عمل نفس المشكلة وفصل ,, فرحت انا عامل نفس الحركة وقومته بوصله مباشرة وشلتها ثاني ,, اشتغل تمام ولكن لفترة أقل ( شهر تقريبا ) ,, وبعد كده المدة فضلت تصغر لغاية ما بقت ساعة أو ساعتين وبعدين يتوقف التكييف تاني

عايز حد يقوللي العيب ده من ايه لأني فعلا اتخنقت ومقدرش استغنى عن التكييف خالص

**tahoun33** · 10-04-2014 04:28 PM

ايه يا جماعة 39 مشاهدة ولا واحد يرد ,, ليه كده ,, أين التفاعل

**borio1704** · 10-04-2014 04:53 PM

يا فندم .. ما تزعلش ولا حاجة لإن الموضوع معمول لسه النهاردة الساعة 9 الصبح، ومعظم الناس في أشغالها.. وأكيد لما الناس تبدأ ترجع هتلاقي الردود جت إن شاء الله.

عالعموم.. أنا شايف إن المشكلة كهربية.. وحساس الضغط في الكمبريسور عند حضرتك ودع خلاص.

وكل اللي كان الأخ بتاع التكييف بيعملوه إنه كان بيعمل كوبري عليه علشان الحساس ما يديش إشارة بمنع التشغيل.

للمعلومية.. حساس الضغط معمول لأمان الدايرة والكمبريسور علشان الكمبريسور ما يتحرقش لما الضغط ينزل عن مستوى معين.

...