الموضوع: سيينا 2008 ولا باليو ولا لوجان؟

و الاهم من الكماليات هو المواصفات الفنية
زى ما قلت الموتور و العفشة و نظام التبريد للموتور و التعليق
و سحب الموتور و انهي عربية تتحمل السحب اكتر
و الثبات كمان (مهم جدا جدا)
و اي حاجة كمان تتعلق بالمواصفات الفنية للعربية

الف الف شكر :)

انا رأيى اللوجان والموجود حاليا تقفيل رومانى مش مغربى . العربية أنا شفتها فى رينو العبور واسعة و عالية وفيها كل الكماليات وب75 الف والهاف ب 70 الف وعالعموم شوف اراء اللى اشتروها وبيشكروا فيها هنا فى المنتدى وشكرا

شكرا يا استاذ طارق على اهتمامك
هو كل الناس بتشكر فى السيينا و برضه اللوجان
و انا عارف ان الاتنين كويسين اوي حسب شهادة ناس كتير بس انا عايز اعرف انهي الافضل في الاتنين و بجانبهم الباليو برضه
و حسب ما عرفت ان اللوجان متستحملش القرص على البنزين فيها و انا رجلي تقيلة شوية و بحرق و لو حرق خفيف فا يا ترى الموضوع ده صحيح؟
و ايه اخبار الباليو و السيينا من الناحية دى برضه
و يا ريت اللى شايف اي من العربيات التلاتة احسن يقول الاسباب عشان اراء الناس مختلفة
و كل واحد له رأيه انما انا عايز اقتنع فا الاسباب خير دليل
و شكرا جزيلا يا شباب

هو انا نسبيا مقتنع بلوجان اكتر بس فيه ناس قالت انها متستحملش الحرق على موتورها انما السيينا تستحمل و موتورها حمال اسية
يا ترى ما مدى صحة الكلام ده؟؟
و شكرا

أنا سألت واحد معاه سيينا هو شكر فى الموتور والحركة بتاعتها ولكن إشتكى من العفشة و إن العربية مش عالية وإنها بتأكل المطبات بضمير ويا سلام لو حد قاعد فى الكنبة الخلفية وبرضه إشتكى من أسعار قطع الغيار وأنا شايف إنها ضيقة من الكنبة الخلفية يعنى عايزة أطفال ورا وشكرا:k46:

الفرق الذي سوف تشعر به هو سعر كل قطعة غيار ستشتريها للسيارة اللوجان الفرنساوي ذات التقفيل المغربي لأن أسعار قطع غيار الفرنساوي عموما ناااااااار و لا تقارن بأسعار قطع غيار الآنوس لأنها رخيصة جدا بالمقارنة باللوجان و إن ميزة الإرتفاع عن الأرض والخامات الجيدة و الشكل الجديد في اللوجان تقابلها ميزة السعر الأرخص و قطع الغيار الرخيصة والمتوفرة و الصيانة الرخيصة و سهولة اعادة البيع بسعر جيد و توافر الميكانيكي اللي بيفهم فيها و حتي مصنعيته بتكون رخيصة يعني أنا أري أنك تشتري لآنوس تاني بس 2008 ، غير لو انت زهقت منها وعايز تغير بس استعد للمفاجأت .

بالنسبة للسيينا فيها حساسات كتير و بتبوظ بسرعة و 1600 منها فيها مشاكل في الحرارة خاصة مع تشغيل التكييف واسأل غيري يمكن يفيدك أكثر ....

و ممكن تقولي ما هي عيوب الآنوس التي واجهتها و تواجهها الآن لأني ناوي عليها زيرو و ما هي نصيحتك لي ؟