صوت موتور نوبيرا 2 عالى

**mnazme** · 10-04-2014 09:22 AM

السلام عليكم ورحمه الله وبركاته

انا معى نوبيرا 2 2006 صوت الموتور عالى ومش ناعم جدا ومسموع من جوه السياره والصوت بيقل شويه على الخامس بس بردوا عالى ومسموع من جوه يعنى كانى مركب شكمان ديفل مع العلم انا مش بحرق على الغيار وبنقل على 3 ونص ار بى ام والحاجه التانيه انى لما ببقى ماشى وبدوس فرامل ودبرياج علشان اهدى الار بى ام بيرفع لحد 2 او 2 ونص بتاع 3 او 5 ثوانى وبعدين ينزل لوحده تانى افيدونى ايه ممكن تكون المشكله انا رايح توكيل أبو رواش يوم السبت باذن الله علشان اكشف عليها كلها فارجو الإفادة قبل ما اروح ويدخلونى في قصص مش هي اللى تكون سبب المشكله دى

**mnazme** · 10-04-2014 04:13 PM

ثلاثين عضو محترم قاموا بمشاهده الموضوع ولم يرد احد عموما شكرا على المشاهدة وفى انتظار ردود من السادة الاعضاء

**MMamdouh** · 10-04-2014 06:42 PM

اخبار الصيانة الدورية ايه؟
اخر مرة نضفت البوابة و الايدل كونترول امتى؟
حطيت العربية على سكانر ولا لا؟

لازم تدينا معلومات عشان نعرف نساعدك

MMamdouh

**mnazme** · 10-04-2014 08:48 PM

المشاركة الأصلية كتبت بواسطة mmamdouh

اخبار الصيانة الدورية ايه؟
اخر مرة نضفت البوابة و الايدل كونترول امتى؟
حطيت العربية على سكانر ولا لا؟

لازم تدينا معلومات عشان نعرف نساعدك

mmamdouh

شكرا لحضرتك يا استاذ ممدوح الحقيقه انا لسه شارى العربيه من اسبوع هى العداد عامل 130000 كم ولم اضعها علي اسكانر علشان كده قولت اوديها التوكيل واعمل تشيك اب كامل عليها بس بردوا محتاج توجيهاتكو ومعلش اسف علي الازعاج هى فين البوابه والايدل كونترول معلش اساله مبتدئين :)

**mnazme** · 10-04-2014 08:52 PM

المشاركة الأصلية كتبت بواسطة ahmad--ezzat

راجع الحساسات
راجع الشكمان
راجع قواعد الموتور

اخر صيانه امتى ؟

شكرا لحضرتك يا استاذ احمد ولكن حضرتك تقصد انهى حساس لان علي حد علمى هناك حساسات كتير وياريت لو مفيهاش تعب تقولى هو فين مكانه

**ahmad--ezzat** · 10-04-2014 11:03 PM

حساس الاكسجين...المعروف عند الميكانيكيه اسمه حساس الا اي دي

اللي هو ال idle والمعروف برضه باسم حساس الهواء

**mnazme** · 10-04-2014 11:48 PM

المشاركة الأصلية كتبت بواسطة ahmad--ezzat

حساس الاكسجين...المعروف عند الميكانيكيه اسمه حساس الا اي دي

اللي هو ال idle والمعروف برضه باسم حساس الهواء

شكرا علي رد حضرتك يا بشمهندس احمد ولكن معلش لو فيها تعب ممكن تقولي ده مكانو فين فى الماتور ولو ينفع بالصور ﻻنى جديد فى القصه دى

**ahmad--ezzat** · 11-04-2014 03:24 AM

راجع الموضوع ده
http://www.nilemotors.net/Nile/71086-a-5.html

**explode** · 15-11-2014 06:15 PM

مساء الخير يا فندم
استفسار صغير من حضرتك
ممكن تقولي عملت ايه في مشكلة عربيتك بالنسبة للصوت العالى والاربي ام اللى بيعلى لما تيجي تدوس دبرياج وفرامل ؟؟
لأنى برضو لسه شاري نوبيرا وفيها نفس المشكلة بالظبط ودايخ ومش لاقي ليها حل خااااااااااااالص
اسف على الازعاج وارجو الرد للأهمية