خطر التابلت على الأطفال

**amr011111** · 10-04-2014 01:29 PM

السلام عليكم ورحمة الله وبركاته

هل يوجد خطر على الاطفال من اللعب على التابلت عقلياً

**fepsceasar** · 10-04-2014 01:53 PM

الموضوع ده محتاج بحث ..صعب يتجاوب عليه كده
لكن كرأى اكيد بيضعف القدرة على التواصل الاجتماعي
فى نفس الوقت لو شوفتها من ناحية تانية الاستخدام المعتدل ليه ممكن يفيد فى التواصل الاجتماعى خاصة لو كتير من الاطفال معاهم التابلت فممكن كلامهم يكون عن الالعاب والتطبيقات ، لكن لو ابنك هو الوحيد وسط اقاربه واصحابه مش معاه التابلت ممكن يحس انه اقل منهم ومش قادر يتواصل معاهم.. دى اراء اراء..مش بحث علمى

**أبو صلاح** · 10-04-2014 02:16 PM

انا ابني عمره سنيتن
عايش حياته تقريبا امام قنوات الاطفال والتابلت
وبالذات التابت ولو حد خذه من ايده بيصوت ويعيط ويتعصب عنده استعداد يتواصل عليه لمدة اكتر من ساعتين متواصل واقف على رجليه وحاطه على كرسي ومقضيها فيديوهات يويتيوب وجيمز
المشكلة انه في الوقت ده بينفصل عننا تماما وكانه في عالم تاني مهما تحاول تلفت انتباهه

**shiko85** · 10-04-2014 02:47 PM

المشاركة الأصلية كتبت بواسطة أبو صلاح

انا ابني عمره سنيتن
عايش حياته تقريبا امام قنوات الاطفال والتابلت
وبالذات التابت ولو حد خذه من ايده بيصوت ويعيط ويتعصب عنده استعداد يتواصل عليه لمدة اكتر من ساعتين متواصل واقف على رجليه وحاطه على كرسي ومقضيها فيديوهات يويتيوب وجيمز
المشكلة انه في الوقت ده بينفصل عننا تماما وكانه في عالم تاني مهما تحاول تلفت انتباهه

حاول تشاركه, ابن اخويا كده بالظبط و لما بيجى عندنا لو مش جايب التاب بتاعه معاه بيسألنى على التاب بتاعى و بيفضل يلعب عليه بس احنا بنشارك معاه و بنحاول ميقباش منعزل عنا
لو التاب بتاعك فيه tv out وصل التاب على الــ tv و اتفرج معاه او العب معاه جيم هتلاقى ابنك مبسوط جدا و هتقضى وقت كويس

**yuong313** · 10-04-2014 03:28 PM

بالعكس التابليت وسيلة مخاطبة فوق الممتازة لو حملت لابنك برامج تعليمية زي تعليم الاصوات والاشكال والاحجام واصوات الحيوانات لدرجة ان ابني بقي يتكلم قبل ميعاده وذكاءه اصبح مختلف عن باقي قرنائه في نفس سنه
لدرجة اني لاحظت الفرق لما دخلته نيرسري وهو في سن سنتين ونصف كان فيه اسيسمنت الميس ماكانت مصدقة تجاوبه معها
ماشاء الله ولا حول ولا قوة الا بالله