الموضوع: حاجة غريبة بعد ما غيرت لزيت توتال

المشاركة الأصلية كتبت بواسطة joseph661

انا اشتريت عربية مستعملة ومكنتش عارف صاحبها حاطلها زيت اية المهم العربية كانت بتعرف مياه من الشكمان قبل تغيير زيت لكن بعد تغير لزيت توتال الاقى العربية مش بتعرق مياه من الشكمان

تفسير ده اية بقى ؟؟

كل الحكاية ان صاحب العربية كان حاطط زيت تقيل احادى 50 ومعاه زيت شمبر علشان يقفل على الشنابر فى الموتور بتاع عربيتك واضح ان موتور عربيتك خفيف شوية فهو عمل كده علشان الموتور كبسه يبقى مظبوط والدليل التعريق اللى كان بيعرقة قبل ماتغير الزيت وده شائع قوى من تجار العربيات الحرمية والغشاشين بيحطوا زيت شمبر علشان دخنة الموتور تختفى وضعف الكبس يقوى واول ماتغير الزيت تلاقى العربية بتدخن زيت من الجكمان او الموتور كبسه يروح وحسبى الله ونعم الوكيل فيهم لكن زيت توتال 10/10 ماتظلمهوش وربنا يقويك !!

المشاركة الأصلية كتبت بواسطة amrelsaqqa

معرفش بس لو زيت شنبر مش هيظبط الموتور يعنى لدرجة انه يخليه يعرق مية من الشكمان وكأنه زيرو وهو اصلا خفيف ! ، بالاضافة ان زيت الشنبر ريحته مميزة شوية وتأثيره بيبان على العربية
عامة لو كدة هيبان في نقص الزيت لا قدر الله

موضوع تعريق المية ده مرتبط بظروف الجو ومش حكم على العربية انت اللى هتلاحظه بعد تغيير الزيت سرعة استجابة العربية والحرارة واستهلاك البنزين

زيت الشمبر ده مصيبة بيعمل المعجزات وخصوصا لو حطيته مع زيت ثقيل عاده تعاون او مصر للبترول وانا بقول الكلام ده عن واقع وتجربة مع غش العربيات من التجار النصابين وللاسف ممكن تأثيرة مايظهرش غير مع تانى تغيره زيت وخصوصا لو مغيرتش الفلتر بيبقى فية أثار لزيت الشمبر وفعلا بيظبط موتور العربيه لو الموتور حالته مثلا 60% يخليه يعرق ويبقى 90% بس ده على حساب استهلاك الموتور وبيقصفه ولو يعيش على حالته سنتين يخلص علية فى كام شهر ولو موتور مدخن ومفوت بيمنع الدخنة بنسبه 80% ويزود كبس الموتور !!