الحمد لله على كل حال
النهاردة و انا ماشي على الدائري عند المنيب سمعت صوت فرقعة جامدة و لقيت الزجاج الجانبي من ناحيتي كله واقع و طاير عليا و على الكرسي اللي جنبي...خدت شوية شظايا في ظهري بس الحمد لله بنتي الصغيرة كانت فاعدة جنبي مجرلهاش حاجة

دلوقتي انا مش عارف ايه اللي حصل هل طوبة خبطت في الازاز ولا ده سرطان زجاج...اللي اعرفه انه الزجاج الجانبي كان مفتوح ربعه تقريبا وقت الفرقعة و مع ذلك الازاز كله اتكسر ووفع في الباب


مش عارف بقى اتصرف ازاي...انا خايف لو رحت التوكيل يقولولي ده مش سرطان و مش هنغطيها بالضمان و العكس في التأمين ممكن يقولولي ده سرطان مش حادثة و مش هنغطيها و برضه مش عارف سعر الزجاج الجانبي كام و هيستاهل الخناق معاهم ولا لا...اتمني اللإفادة من اصحاب الخبرة