الموضوع: طلب من الاخ renamr

السلام عليكم.

انا بقيلي يومين بحاول اوصل لحاجه في مشكلة حضرتك وللأمانه مش عارف لكن عن طريق بعض القراءات فهمت ان تشفير المفتاح الكود نفسه بيكون داخل المفتاح.....وحضرتك بتقول ان معاك المفتاح الاصلي لكن باظ او حصل فيه مشكله يبقى الحل اننا ناخد الكود من المفتاح القديم وده هيكون عند بتاع المفاتيح بس مش اي حد اللينك ده فيه عناوين واحد اخواننا هنا في المنتدى اتعاملوا معاه

اللينك

http://www.nilemotors.net/Nile/showthread.php?t=22724&highlight=%C7%E1%E3%DD%CA%C 7%CD+%C7%E1%E3%D4%DD%D1

الحل التاني هو الراجل اللي عمل لحضرتك المفتاح ده بتاع مفاتيح يعني وخلاص ولا بعلم ان المفتاح ليه شفره ولازم تتوافق مع شفرة الايموبليزر ......عموماً برضه في اللينك اللي مع حضرتك هتلاقي ان ممكن نعمل مفتاح جديد بشفره جديده لل ECU والمفتاح وبالتالي مش هانكون محتاجين الرقم القديم اللي اشك انه مكتوب في العربيه .........

الحل التالت هو تليفون للتوكيل على الرقم ده 16202 وحضرتك خليهم يحولوك على اي مهندس واحكيله الموضوع انا عارف ان الحل عندهم الاول حضرتك شرفنا واحنا ان شاء الله نعملك نسخه من المفتاح......ماشي حاضر بس حضرتك حاول تفهمه اني عملت المفتاح بس المشكله في الكود الاقيه فين ؟ او انا شاري العربيه مستعمله وبسأل على شفرة العربيه المفتاح والكاسيت الاقيهم فين ؟

اتمنى أكون أفادت حضرتك وان شاء الله هاحاول أوصل لعمرو باشا في اقرب فرصه وأسأله لحضرتك وان شاء الله ربنا يقدم اللي فيه الخير والمشكله تتحل فوراً .

تقبل وافر تحياتي أخي الفاضل .

المشاركة الأصلية كتبت بواسطة mem4ever

السلام عليكم اخى العزيز وكل عام وانت بخير لو سمحت اخى ممكن تساعنى اين يمكن ان اد كود السيارة المكون من 8 ارقام لانو كتيب الضمان اتسرق و المفتلح المشفر باظ فلم عملت مفتاح جديد محتاج يتعرف وان املك فقط ارقام المسجل ولا اعرف اين يمكن ان اجد باقى الارقام و فى مشاركة سابقة اخبرن احد الاغضاء انهم بيكونوا مكتوبين داخل السيارة فهل يمكن ان تدلنى فين ممكن يكونوا مكتوبين واتمنى منك المساعدة وشكرا

السلام عليكم

معلش أنا أسف والله أنا لسة داخل المنتدى وبقالي إسبوعين مش بخش عشان رمضان وربكة العيد.....عموماً كل سنة وإنت طيب

المهم أنا عايز أعرف إيه الي بيحصل بضبط لما تيجي تلف المفتاح وتدور العربية؟....هل لمبة التشفير بترعش بسرعة؟؟....في حاجة بتكتبلك على لوحة البيانات بتطلب منك وضع الكود الخاص بالتشفير؟....عملت المفتاح الجديد عند مين؟.....المفتاح القديم إيه الي بايظ فيه؟

أنا بصراحة ما سمعتش خالص إن لازم أدخل كود التشفير الخاص بالمفتاح بعد عمل مفتاح جديد ولو كدة أعتقد الوكيل وحده هو الي يقدر يعمل كدة

لو مجرد اللمبة الخاصة بالتشفير بترعش بسرعة يبقى أكيد المفتاح الجديد مش مضبوط

الله المستعان

حتى لو المفتاح الجديد فعلاً سليم وله كود تشفير مختلف عن كود تشفير الـecu فيجب تغير الكود في الـecu وأنا أؤكدلك إن التوكيل فقط القادر على البرمجة

كلام استاذ فرحات مظبوط لئني فعلاً بحثت على النت ولم اجد اي معلوه تفيد عن كود السياره مطبوع او مكتوب في مكان معين............المعلومه اللي قد تكون مفيده هي ان القادر على معرفة كود السياره التشفير اقصد هو جهاز ال Scan اللي بيكون موجود في التوكيل ومراكز الخدمه.........وده في منتديات اجنبيه ولا اعلم اكثر من ذلك........

ببساطه حضرتك راجع اللي عمل لحضرتك المفتاح وقوله فين الكود ده ؟ هو الاصح انه اكيد محفور على المفتاح نفسه ولا اعتقد ابداً انه موجود داخل الكبينه بأي حال من الاحوال.