اريد المساعدة .....ندمت انى اشتريت رانجلر 2014 تقفيل اقل من تقفيل 128

**manchy** · 11-04-2014 11:29 AM

استلمت رانجلر 2014 الخميس الماضي وذهبت للترخيص
بعد ما الحمد لله رخصت وكل حاجة تمام وراجع البيت سمعت اصوات غريبة فى العربية قلت يمكن صوت الهواء من الهارد توب
طبعا انا كنت راكب كيا سيراتو فطبعا قلت عادي عادي
تاني يوم خرجت بالعربية بس بردو نفس الصوت التزيق من ناحية الباب الايمن او من التابلوه
الموضوع بيزيد مع المطبات وفجاه فى ناحية القايم الايمن من اعلى فى بلاستكة ب اتنين مسمار
المسامير مش موجودة اصلا والبلاستكة وقعت والمسامير بتخبط جوة فى القايم او النابلوه
كان العربية قديمة والتابلوه حد فكه قبل كده
وبعدين العربية بتحدف شمال
انا اتخنقت وفكرت ابيعها وهي لسه معملتش 500 كم
مش عارف اروح لمين انا بكره اى اصوات فى العربية من جوه
مين التوكيل اللي اروحله ولا اروح حماية المستهلك
حد يفيدني يا جماعة

**medoghaly** · 11-04-2014 01:05 PM

روح التوكيل قولهم و علي الوضع

**hugan** · 11-04-2014 02:29 PM

مع ان العربيه مش رخيصه
ومنتشره انتشار كبير
معلش كنت عايز اعرف ايه هو الهارد توب

**hugan** · 11-04-2014 10:47 PM

المشاركة الأصلية كتبت بواسطة kar!m

الجزء اللي بيغطي الكابينة من فوق اللي بيتفك .. لما يكون صاج بيبقى اسمه هارد توب و لما بيكون قماش بيبقى اسمه سوفت توب.

1000شكر للتوضيح

**J A G U A R** · 11-04-2014 04:17 PM

شوف التوكيل هايعمل ايه الاول

**shawke hamed** · 12-04-2014 01:22 AM

اولا الف مبروك ثنيا العربية ما شاء الله عليها هيا احدى العربيات الى تنفع على طرق مصر روح بيها التوكيل ومش تعكنن على نفسك

**stonecoldmido5** · 13-04-2014 07:07 PM

الف مبروك اولا , الوضع ده طبيعي يا فندم و بيحصل معايا لان العربية كلها فك و تركيب يعني ممكن حضرتك تفككها كلها و طبعا حضرتك عارف التقفيل المصري فأكيد في بعض المسامير متعادش علي ربطها , و متقلقش حضرتك و عندي تقريبا نفس الوضع في التوكي هيربطوها لحضرتك علي طول , و بالنسبة للحدفة فالعربية دي بتتأثر بالهواء بشكل كبير لان تصميمها مش انسيابي فأي شوية هواء بيغيروا اتجاه العربية و عن تجربة , و حاول حضرتك تجربها في طريق مقفول.

و الله العربية دي تستاهل ماتزعلهش نفسك كلها حاجات بسيطة و متفكرش ابدا تبيعها و الف مبروك مرة تانية,

-

-

الموضوع: اريد المساعدة .....ندمت انى اشتريت رانجلر 2014 تقفيل اقل من تقفيل 128

LinkBack

أدوات الموضوع

عرض

العرض المتطور

-

-

-

-

المواضيع المتشابهه

هو الفيرنا الاتوماتك تقفيل كورى والمانيوال تقفيل مصرى ؟؟؟؟

النترا غبور 2011 تقفيل كورى 100% ولا تقفيل مصر -

كيف أعرف اذا كانت العربية الأوبل تقفيل المانى أو مصرى أو أى تقفيل أخر؟

انا عايز اعرف هى الدايهاتسو تريوس تقفيل يبانى 100% ولا يبانى تقفيل ماليزى ؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة