أvجو الإفادة عشان عايز أشترى سكودا أوكتافيا a5

**eslamisme** · 11-04-2014 05:36 PM

أنا عايز أشترى أسكودا أوكتافيا a5 بس أنا مش عارف مشكلة الفتيس إلى هى بتاعت البادى فالف بتبقى فى الكوديل من كام لكام ؟ .. بمعنى أنا إلى أعرفه إن المشكلة ديه من أول موديل 2005 بس مش عارف لغاية موديل كام .. و كمان أنا سمعت إن المشكلة ديه برضه موجودة فى ال a4 .. مش عارف الكلام ده صح و لا غلط .. عشان أنا عايز اشترى عربية a5 بس متردد جداً بسبب المشكلة ديه و مش عارف مين يدلنى على الصح

**طارق _عبد السلام** · 11-04-2014 06:09 PM

مفيش مشكله محدده فى الفتيس لموديلات معيينه

اى موديل لاوكتافيا و اى عربيه اوتو لو اهمل فى تغيير الزيت او نوعيه زيت غير مطابقه هيعمل مشكله
المهم تشترى عربيه من حد ثقه وتكشف عليها فى التوكيل والحاله الكويسه تشتريها

**طارق _عبد السلام** · 11-04-2014 08:21 PM

كثره بيع المويلات دى مش لعيوبها على فكره هتلاقى موديلات اعلى كتير وده للانتشار الكبير للعربيه وطبعا لما حد يدفع متوسط 120 الف فى عربيه مستعمله بتكون مجرد نقله له لعربيه اعلى بس بيصاب بلعنه الاوكتافيا :) اللى تخليك مش عارف تركب عربيه بعدها غير بقى لو هتعلى لماركات اعلى منها
ومن ناحيه شرائك قبل الذهاب للتوكيل نظره عامه على الاساسيات بتحكم على العربيه اذا كانت متهانه او مصانه
وبعدها هتعمل اختبار بسيط منك قبل الذهاب للتوكيل والفحص
هتبدأ الاول بحركه عصايه الفتيس فى جميع الاوضاع من الثبات ولا حظ كده لو فيه صوت رزع معين بالاخص فى p
وبعدين هتطلع بالعربيه وتركز قوى فى النقله التانيه والتالته دائما بدايه المشاكل من هنا ... كل ده والعربيه ماشيه ببطىء وتلاحظ سلاسه النقله هل بها نتشه او رزعه وتكمل لحد السادس وتلاحظ الغيارات وتكررها اكتر من مره بالسرعه البطيئه وبعدين تختبر العربيه وانت بتشبعا غيارات يعنى قارص
ولاحظ النقلات وسلاستها بالطالع يعنى لحد السادس وبالنازل يعنى لحد الاول وتشوف هل العربيه عملت نتشه او خنقه او رزعه لو كله تمام وعندك قبول للعربيه اطلع على التوكيل للفحص
واحسنت الاختيار

**طارق _عبد السلام** · 11-04-2014 11:29 PM

المشاركة الأصلية كتبت بواسطة طارق _عبد السلام

كثره بيع المويلات دى مش لعيوبها على فكره هتلاقى موديلات اعلى كتير وده للانتشار الكبير للعربيه وطبعا لما حد يدفع متوسط 120 الف فى عربيه مستعمله بتكون مجرد نقله له لعربيه اعلى بس بيصاب بلعنه الاوكتافيا :) اللى تخليك مش عارف تركب عربيه بعدها غير بقى لو هتعلى لماركات اعلى منها
ومن ناحيه شرائك قبل الذهاب للتوكيل نظره عامه على الاساسيات بتحكم على العربيه اذا كانت متهانه او مصانه
وبعدها هتعمل اختبار بسيط منك قبل الذهاب للتوكيل والفحص
هتبدأ الاول بحركه عصايه الفتيس فى جميع الاوضاع من الثبات ولا حظ كده لو فيه صوت رزع معين بالاخص فى p
وبعدين هتطلع بالعربيه وتركز قوى فى النقله التانيه والتالته دائما بدايه المشاكل من هنا ... كل ده والعربيه ماشيه ببطىء وتلاحظ سلاسه النقله هل بها نتشه او رزعه وتكمل لحد السادس وتلاحظ الغيارات وتكررها اكتر من مره بالسرعه البطيئه وبعدين تختبر العربيه وانت بتشبعا غيارات يعنى قارص
ولاحظ النقلات وسلاستها بالطالع يعنى لحد السادس وبالنازل يعنى لحد الاول وتشوف هل العربيه عملت نتشه او خنقه او رزعه لو كله تمام وعندك قبول للعربيه اطلع على التوكيل للفحص
واحسنت الاختيار

عذرا اقصد الرزع مع r وليس p

**Moratoz** · 13-04-2014 07:33 PM

مبدئيا الفانوس الأمامي ديبو تايواني بحوالي ٥٠٠ جم والخلفي الديبو بحوالي ٢٢٠ اما طقم السيور وبليه الكاتينه والدينمو والبوجيهات والفلاتر ممكن يخشوا في ٢٠٠٠ جم تقريبا