الحاجه البايخه انوهوم ساعات بياخدوا اجبارى، يعنى مايرجعش نص جنيه باقى، ساعتها بغلس واخد انا الباقي من غير ما اسيب بقشيش
عرض للطباعة
الحاجه البايخه انوهوم ساعات بياخدوا اجبارى، يعنى مايرجعش نص جنيه باقى، ساعتها بغلس واخد انا الباقي من غير ما اسيب بقشيش
بصراحة عمري ما حسبتها بالورقة والقلم هية بتييجي حسب الفكة اللى معايا يعني ساعات بتبقى الفكة حوالي تلاتة اربعة جنيه ساعات أديله جنيه أو اتنين وده في الأغلب وساعات أديله تلاتة جنيه أو الأربعة كلهم كمان لأن بيبقى دايما في بالي ان ده جزء كبير من مرتبه اللى هوة عايش بيه .... وساعات تانية مابيكونش فيه باقي مثلا أو دفعت بكارت الإئتمان وماعيش فكة ساعتها مابديلوش أي حاجة خالص (ظروفه جت كده بقى)
في حاجة تاني عرفتها بالصدفة وانا واقف أكلم مع واحد من بتوع بنزينة وطنية التابعة للقوات المسلحة عرفت منه انهم عساكر جيش مجندين للخدمة الإجبارية وعرفت منه انهم مابيخدوش أي حاجة في مقابل انهم واقفين في البنزينة وساعتها اتغاظت منهم قوي حسيت انهم بيستغلوا العساكر من غير حتى مايدوهم مقابل للاستغلال ده - رغم ان المشروع ده بيجيبلهم أرباح كبيرة طبعا-
في حاجة تاني بالنسبة للي بيقفوا في المواقف والشوارع وأماكن الإنتظار عشان يلموا اتاوات من الناس اللى بتقف في المكان دول بالذات انا مابديهمش أي حاجة نهائي لأنهم كلهم بلطجية وحرامية وضريبة مخدرات إلا من رحم ربي عشان كده لازم دول بالذات الواحد يكون ليه نظرة فيهم ومايديش منهم الا اللى يكون شكله كده غلبان أو مؤدب ومحترم
طيب يا جماعة كل الناس قالت بنديهم علشان دول غلابة و مابياخدوش مرتبات
أنا مش معترض
لكن المشكلة, إننا ليه مانحاولش نتعامل مع الموضوع بطريقة تانية؟
ليه مانفكرش إزاى نخلى أصحاب محطات البنزيم دول يدفعوا مرتبات للعمال, طالما بيكسبوا؟
ده إسمه تلاعب
العمال دى لازم تاخد مرتبات و لازم يكون فيه تأمين عليهم
يعنى ممكن نحاول نبعت للجرايد و البرامج التليفزيونية
و لازم التأمينات تنزل تفتش و يكون فيه غرامات على المحطات اللى فيها عمال غير مثبتين أو مقيدين فى التأمينات
علشان فعلا الناس بتكسب فلوس و بتستهبل قوى
'طبعا بدى بقشيش وديه بتبقى حاجه زوقيه بس اغلبية الوقت نص يجنيه ده انا حتى بتكسف لما مثلا مش اديلو بحس انى بعد ما امشى هيقول ايه المعفن البخيل ده
هههههههههههههه
فية بعض الناس واكتريتهم والله بياخدوا من نفسهم نص او جنية
طبعا لازم ادفع بقشيش
لاكن اللى يضايق فعلا لما تروح تفول بنزين 80 وببقى شايف مثلا الحساب 35 جنيه مثلا فى العداد والاقيه يزود على مزاجه 2 جنيه مثلا بلطجه كده
الصراحه بتحرج اناقشه بدفع وخلاص
بس إلى فعلاً يعصبك لما تبقى فى مطعم او كافيه وتلاقيه طلب منك المفاتيح عشان يركنلك العربيه ..( وتبقى إنتا راكنها أساساً )...
ولما تطلع كل الى تلاقيه إنه زنئلك العربيه فى وسط العربيات ..
وده حصل معايه فى بامبينو إلى فى المهندسين والى خلانى أفشت بجد
بعد ما ركبت وطلعت فتحت الازاز وسئلته كام قلى إلى تجيبه يا باشا رحت مديله 3 ج تقريباً قلى لا يا باشا التيكت ب 5ج .. قلتله إنتا مش قولت إلى تجيبه ؟ راح متنح رحت سايبه وماشى ..مش عارف انا يعنى لو كان قالى 5 ج من الاول ولا أدالى التيكت وانا اديتو الحساب كان حصل ايه .. بس تقدر تقول هو كان فاكرنى هديله 15 ج باركينج :36_1_8[1]: عالم تشل .
السلام عليكم
الكلام ده محترم و من الآخر.:Ta_clap[1]:اقتباس:
أرسل أصلا بواسطة amir
جنيه واحد منك و مني يعمل ليهم مبلغ محترم اخر اليوم
مجتش علي دول
امال بيجيلك قلب تدفع لبلطجيه المواقف جنيه و اتنين و تلاته و مستخسر في اللي مقعدك في عربيتك باشا و بيملالك البنزين؟!!
يمكن الجنيه بتاعي و بتاعك يتحول الي وجبه مشبعه في بيت واحد فيهم
جنيه و احتسب ثوابه عند الله سبحانه و تعالي
بص يا قاعدة عامة وكل الناس دلوقتى ماشية عليها بدام بتحط بنزين 80 يباق لازم تعطى بقشش واسال اى حد
غالبية الوقت بيكون جنية مش أقل من كدا
و لكن لما بحس إن عامل البنزينة عندو لا مبالاه و بيسيح البنزين على الأرض باديلو نص جنية بالعافية كمان.
نص جنيه حلو...او جنيه
عادة 2 جنيه مع التفويل يقل شوية او يزيد حسب الكسور
ولانك ممكن تديله اقل فانا باعتبر الفرق ده صدقة لوجه الله والصدقة تغير مسار القدر .
وبالنسبة للناس اللى مش مع البقشيش او انها شايفة ان جنيه او اتنين كتير اقولهم انه صحيح ان ده مش اجبارى عليك لكن لما تحط 40 او 50 لتر ممكن تعتبر البقشيش ده تمن لتر واحد مثلا ممكن كده كده يتحرق وانت واقف فى الزحمة والاشارات وممكن تعتبره زى اى مصاريف طارئة ممكن تحصلك على الطريق وابسط حاجة مافيا الركن فى اى مكان من السايس الى عسكرى المرور اللى بيطلعلك من تحت الارض .
طبعا ساعتها اقل حاجة حتطلع الشلن (5ج) او البريزة(10ج)
طبعا ان مكنش اكتر !!!
وحاولوا يا جماعة متربطوش البقشيش اوى بشكل اللى بيحطلك البنزين لانه كل ما كان شكله غلس افتكر ان ثوابك حيبقى اكبر لانك ساعتها حيكون عندك سبب يخليك متدفعش فلما تدفع بنية الصدقة حيبقى ثوابك اكيداكبر .
الا بقى لو عمل موقف فى وقاحة او قلة ذوق ساعتها لازم يتعلم ان الرزق مرتبط بالسعى وحسن المعاملة واعتقد انك برده حتاخد ثواب لو منعت عنه البقشيش بنية اصلاحه وتهذيبه .
اوقات عامل البنزينة يجبلى الفلوس ناقصة نص جنية
مبدقش عليه
وسعات
فى عماااااااااااال وهو بيمون يقولك 20 لتر الا ربع وهو هياخد الفرق طبعا حاجة بسيطة مش مشكلة وأهى بتعدى
أنا شايف إن الموضع د ا ذي ما إنت تشوف،أحياناً تلي العامل ارفان من نفسو،د ميستهلش شلن
علي فكرة الناس دي كتير منها بيشتغل بلا راتب معتمدين فقط علي البقشيش
ومتنساش انك بسهولة ممكن تبقي مكانه وهو مكانك الدنيا مش دايمة لحد
ياجماعه انا عن نفسى كنت بعتبرها صدقه جاريه
لكن دلوقتى انا بفول 80 وماشاء الله عمال البنزينات وخصوصا مصر للبترول دلوقتى بيفرضو عليك اتاوه وانت بتفول زى ماهما عاوزين
وكده للاسف ماينفعش انى اعتبره صدقه لانه بيندفع بالغصب للحاجه
والله انا نفسى ناخد موقف ضد الناس دول وكمان هما مش غلابه ولا حاجه
هما موظفين فى الشركات دى بمرتبات عاليه جدا
بس الطمع والجشع ماليهم
حسبنا الله ونعم لوكيل
نصف جنيه او جنيه بالكتير و حسب كميه البنزين اللى بحطه لو بفول بدى جنيه لكن لو صفيحه بس بديله نصف جنيه
انا الصراحة بدفع للي بيحط بنزين و اللي بيمسح الزجاج كل واحد منهم جنيه اصله اكيد غلبان و لا كان ايه اللي يوقفه في عز الثلج الناس دي بصراحة بتصعب عليا جدا و بتحس انك عملت معاه حاجة كويسه و اهي من باب الصدقة
دلوقتى بيعملوا حركه مش كويسه
بجد بقالهم كذا مره متابع و بيعملوها
انت بتحط بنزين مثلا و العداد جاب 50.50 يقوم مزود 50.55 او 50.85 عشان ماتخدش الفكه
و يديك الباقى جنيهات صحيحه عشان ياخد جنيه كمان!!
الموضوع ده و حش و بيخلينى متنرفز عشان انا لما بدفع بدفع بمزاجى
بس كده بيحسسونى انه فرض او اتاوه
حرام عليكم ...
أدوهم جنية على الأقل... (ما يقرب من 1% من قيمة التفويلة)
دول واقفين فى ريحة البنزين طول النهار...
دول مابيخدوش مرتب بالعكس دول بيدفعوا لصاحب المحطة يومية (10 إلى 20 جنية حسب مكان وسمعة المحطة) عشان يوقفوا فى البنزينة...
نــــص مليون قرش
ههههههه
نص جنـية ياباشا
ويجعله عامر
على فكرة الى انا عرفتة ان مرتبات عامل البنزينة يعتمد كليا على هذة العمولة ( القشيش)
ربنا يرزقهم و يرزق الجميع
اللهم امين
اكيد يا جماعة جنيه مش حيفرق كتير خصوصا لو واحد علطول بيفول التانك زيي
و انا كمان مثبت محطة البنزين يعني ما بفولش الا من موبيل اللي في الشاطبي علي الكورنيش فلذلك تلاقي طاقم العمل هناك عارفني و بصراحة مش خسارة فيهم الجنيه لانه برضه بيمسحلك الزجاج
و ربنا هو اللي بيرزق يعني ندعو الله ان يجعلنا اسباب لرزق الناس
محمد فهمي
هو لو العامل بياخد راتب كويس ما كنتش حادفع له اى شئ اللهم كسر العداد لو مش مكمل مبلغ يعنى -
بس انا وصلنى معلومه ان فى بنزينات العمال دى بتدفع لصاحبها نظير انه يشتغلوا- مقابل انه يدوا له نسبه من البقشيش
للاسف احنا مجتمع ظالم والكلام عن الصدقه كلام جميل بس اجمل منه
دفع الظلم
انا باديله قفله الرقم (الفلوس) بعد ما امون في رنج من ربع الي نص جنيه
المشكلة انهم بياخدوه غصب انا بقيت كل مرة وتقريبا اخر 20 مرة حطيت بنزين وبالذات 10 لتر لما بحطها في عربية اخويا بياخد نص جنيه كدة غلاسه ومش بعيد يفضل واقف عشان تديله بئه البقشيش او يمسحلك الازاز وياخد تاني وتالت !!
فبقيت بغلس بجد واطلب النص جنيه لان دي مسالة تخص الواحد هو الي يدي ويقدر مش كل مرة والي بيحاسب باحترام ويجيب المبلغ كامل الواحد بيديله بنفس
فالموضوع بينرفز بجد
ربع جنية حلو قوى
بس مرة كنت راكب مع حمايا وبجد مكنش معانا فكة الا ربع جنية وبصراحة حرام ندفع خمسة جنية
راح عامل البنزينة بص لحماية بقلة ادب ورفض ياخد الربع جنية :_Alshmokh08[1]:
انا مع الناس اللي بتنادي بدفع بقشيش للعمال لان دن بجد بيرفع من روحهم وبيخليهم يشتغلوا بجد:36_1_37[1]: لكن لو حسيت ان العامل فارض اتاوه هاخد فلوسي بالكامل ومش هدفع مليم
طبعا لازم البقشيش للبيمون
طبعا دة غير الى بيمسح الزجاج
يعنى بطلع حوالى ب3 غير البنزين
المشكله انك وانت بتمون بيتعمد يسيب فكه فى مبلغ العداد ودى بياخدها الراجل اللى بيحاسب ومعاه الفلوس ويجيبلك الباقى جنيهات او ساعات انصاص تقوم تديله جنيه غصب عنك وبعدين اللى بيمسح الزجاج يعترضك ويقولك طريق السلامه إن شاء الله تقوم تديله نص جنيه لو معاك فكه او جنيه
طب دى مش تبقى فرده؟؟؟
مش كفايه البنزين ولا هما ماشيين بمبدأ
يعنى هى جت علينا احنا؟
هو نص جنية اللى بدفعه لعامل البنزين وبتوع مسح الزجاج على حسب الحاله لو محتاج تنظيف بسيبه يمسحه وبديلوا يا اما نص يا جنية حسب الفكه اللى موجودة لو الزجاج لسه ممسوح ومش محتاج بقوله شكرا حاول مرة اخرى :)
كداكدا أصلا بياخد جزء غير المرتب بالذات بتاع الغسيل
عندنا بيغسل ب15 جندى الى بيغسل العربية 4 كل واحد جندى من كل عربية يعنى 4 جندى من ال15 دال غير التبس و المرتب الى فى بعض المحطات 300 جندى و العادى 200 جندى
ماشي نديهم بقشيش و نعرفهم أنه بمزاجنا و بدون إهانة برضه. لكن في ناس بتستعبط. امبارح ماشي باليل و رايق و لقيت بنزينة فاضية قلت أمون، كنت مكسل أفك الحزام و أفتح الباب. اديت المفاتيح لعامل و حسيت أنه بيستقبلني بترحاب كده. المهم حط بنزين و كله تمام، بصيت ورايا لقراءة العداد بعد ما خلص لقيته 18لتر و نص و الحساب 16.65 جنيه بالضبط (شفتوا أنا فاكر إزاي). و في ثانية راح مزير العداد و بدأ يملا عربية تانية. المهم اداني المفاتيح و اديته 50جنيه بدون كلام و مستني الباقي لقيته جايب لي 21جنيه و قام ماشي!!!!!!!! طبعاً أنا متوقع آخد 32 ولا 33
أعمل إيه طبعاً ما دورتش العربية و ندهت للبيه
قلت له: إيه دول؟ هو أنا مش شايف العداد ولا إيه 18 لتر و 16جنيه 65قرش!!!
قال: دول 21 لتر، تعالى يا محمااااااااد. كام حساب البيه؟
محمد: 21!!!!!!!!
أنا: و الـ21 دول الباقي ولا لتر ولا جنيه يا محمد
............... في الوقت ده كان حضر قدامي 5 من عمال البنزينة
أنا: هو العداد بتاع الطرمبة مش هو اللي أنا شايفه قدامي ده و لا في حتة تانية!!!!
واحد فيهم: خلاص يا بيه ناقص لك كام.... هو قصده على زبون تاني
أنا: المرة الجاية أبقى أصورها لك، شكراً
طلعت و نفثت عليهم تراب الأرض من خلفي :_Alshmokh08[1]:
الموقف ده حصل معايا في أكثر من بنزينة على فكرة
آه يا حرامية ليه كده؟ والله باسيب لهم جنيه و اتنين كل مرة
هل عشان بيحس أننا بنتعامل بحسن نية؟
هل عشان شافني قاعد في وضع صعب أشوف قراءة العداد؟
هل عشان افتكرني بيه لما اديت له المفاتيح؟
هل عشان ما دفعتش حسابي فكة من الأول؟