بعد ما بتمون يا ترى بتدى العامل بقشيش؟
عرض للطباعة
بعد ما بتمون يا ترى بتدى العامل بقشيش؟
النص جنيه اللى بتديه للعامل اعتبره صدقة خفية لانهم بيعتمدوا على البقشيش مش المرتب بالاضافه انه اكيد مش حيفرق معاك فى حاجة
بس المطلوب انك تصحح نيتك عشان تاخد ثواب
و زى ما انت بتدى للناس ربنا حيديك
أكيد طبعا
-
الحمدلله بدي للعامل بقشيش
بديلة نص جنية
والله يا جماعه
الموضوع ده علي حسب
يعني لما بجي افول العربيه ويبقي اقل من جنيه لسيبه طبها حتي لو 90 قرش
بعد البنزين ما غلي وانا عربيتي موديل 90 وكربراتير بحط بنزين 80 لو لاقيت
الغريبه ان في بعض محطات البنزين بتاخد بقشيش علي مزاجها
يعني مثلا اللي في مصر والسودان قرب دير الملاك بياخد في التفويله 2.50 بقشيش
كده والفكه برضه بياخدها يعني ممكن تدفعلك 3.50 بقشيش في المره
بياخد اللي عايزه ويديلك الباقي
في بنزينه في بنها قبل كوبري الشموت علي الطريق الزراعي مش مشغالين عداد الفلوس فيحاسبك اللتر بجنيه
يعني برضه في حدود 3 الي 3.50
انا في العادي بسيب جنيه او نص علي الاقل لو حتي داخل احط 5 لتر
بس الموضوع فعلا بقي استهبال خصوصا مع البنزين 80
ده حقك وانت بتدفع حاجه زياده من عندك النيه يعلمها الله
انما تدفع غصبن عنك ده الحاجه اللي تنرفز
بصراحه سعات بكبر وسعات اصمم ادفع جنيه بس او جنيه ونص بقشيش
شباب
الناس دي فعلا بتشتغل و البقشيش يعتبر دخل اساسي ليهم
في محطات بيلمو البقشيش و يتم توزيعه بالتساوي و في محطات لاء
النص جنيه ده كان ينفع قبل هوجه الاسعار الاخيره
انما دلوقتي ادوهم جنيه
جنيه واحد منك و مني يعمل ليهم مبلغ محترم اخر اليوم
مجتش علي دول
امال بيجيلك قلب تدفع لبلطجيه المواقف جنيه و اتنين و تلاته و مستخسر في اللي مقعدك في عربيتك باشا و بيملالك البنزين؟!!
يمكن الجنيه بتاعي و بتاعك يتحول الي وجبه مشبعه في بيت واحد فيهم
جنيه و احتسب ثوابه عند الله سبحانه و تعالي
مصر بلد اللى يقولك فيها صباح الخير وكل سنة وانت طيب لازم تديله فلوس
انا بدفع حسب الفكه المعايا و مبتقلش عن نص جنية
كلام حلو
بس فعلا زى ما الأستاذ محمد رحيم قال, كتير قوى همة بياخدوا بقشيشهم بنفسهم و يديلك الباقى اللى على مزاجه
الفكرة, ان فى كل مكان كل واحد يقولك صباح الخير و كل سنة و انت طيب عايز ياخد فلوس.
يعنى ينفع تدخل على مديرك الصبح و تقوله صباح الخير و كل سنة و انت طيب ؟ :devil2:
انا بعمل حاجة مريحة جدا
مبتعمالش بعملة "فاول" دى نهائيا علشان محبش واحد يدلق لتر بنزين على الأرض علشان يظبط الرقم اللى على مزاجه
انا لو بمون تسعين بدخل المحطة اطلب 28 لتر تحديدا، علشان تمنهم 49 جنيه اديله الورقة ام 50 وامشى ، يبقى كدة انا ريحت دماغى وريحته، هو خد البقشيش بتاعه ومتعبنيش فى مسألة الفكة
نفس الحال لو بمون 92، بقول له حطلى 34 لتر ونص، تمنهم 64 جنيه إلا حاجة بسيطة، واديله ال 65 جنيه وامشى
وبكدة ابقى ريحت واستريحت
معلش يا دكتور امير
الموضوع انت لي وجهه نظر تخالفك
عمال البنزين بيشتغلو بدون اجر عدا الريس بتاعهم
طيب دول مش شغالين في بنزينه بتدخل ملاين سنويا
هما ليه اساسا قابلين كده ولا احنا شعب خلاص خد علي الشحاته
تفتكر ده حقه ولا انت بتدفع حاجه زياده من عندك
في اماكن زي سبينس وكارفولا وهايبر اللاماكن المحترمه بتمع البقيش علشان الخدمه تبقي واحده
وبتدي مرتبات مجزيه
انما محطات البنزين سرقه بنزين بيدلق علي الارض معامله سيئه لو مدفعتش المعلوم
هى المشكله دلوقتى انى فيه واحد بيمسحلى العربيه و واحد تانى بيمون فبكون كده لازم ادى ده وده
واروح بدل ما ادى جنيه للى بيمون ادى ده نص وده نص وخلاص
طيب ماهو بالبلدي كده الايد البطاله نجسه
تحب بدل ما يقبلو الشغلانه دي تلاقي واحد فيهم ناططلك بليل في البيت بيقلب رزقه؟
اديك قلت ايه اللي مخليهم يقبلو الوضع ده اقولك ايه اللي رماك علي المر
و علي فكره البقشيش لعامل مليء البنزين مش اختراع مصري ده اللي بيتم في مختلف البلاد الا لو هتنزل تمون انت شخصيا
سبينز و كارفور و هايبر ماركت وضع مختلف لأنهم محلات مش محطات بنزين, و البقشيش بتاعك ده بيساوي الخدمه اللي بتحصل عليها و هي انك قاعد باشا في عربيتك و بنزينك بيتحط
و بعدين ازاي يعني يعاملك وحش ولا يدلق بنزين نكايه بيك؟؟؟
ماهو الحساب بيتم بعد ما يقفلك التانك
كلامك متحامل شويه عليهم
انا مبخليهوش يمسح العربيه الا لو كنت فعلا عايز و ساعتها بديله جنيه هو كمان انما لو نط و فط علي القزاز مره واحده يبقي يقسم مع اللي ملالي البنزين الجنيه و ذنبو علي جنبو
مصر هي البلد الوحيدة اللي فيها كدا انا كنت في الخليج و العامل الهندي هناك بياخد مرتب لكن في مصر العامل مش بياخد مرتب من صاحب البنزينة
بس عاما في مصر الواحد بيسيب نصف جنية و لا حاجة عشان العامل دة مش بياخد مرتب من صاحب البنزينة فبيعتمدوا على البقشيش و بيقسموه و بيطلع يومية كل واحد منة
انا بعمل كالاتى:
بدخل المحطة و اقول للعامل "حط ب40 جنية 92"
بديلة اما 40 جنية و نص او 50 جنية و نص
لو معييش نص جنية و اديتة خمسين فقط و هو جاب باقى الخمسين جنيهات فقط (من غير انصاص) مبديلوش حاجة لانى سمعت ان فيه كتير بيتعمدواالقصة دى عشان ياخدوا الجنية عافية
و سمعت من واحد صاحبى بيحط 80 انهم بيحاسبوه على اللتر ب جنية و بالتالى بيسيب بقشيش بتاع 2 او 3 جنية حسب التفويلة
MMamdouh
ميايه ايه بس
ده انا كنت بمون عربيتي 35 لتر كلها وواحد جنبي معاه نوبيرا بيمون حسابه طلع 97 جنيه
يعني حتاخديلك 3 جنيه
ههههههههههههههههههههههههه ههههههههههههههههههههههههه ه
حسبنا الله ونعم الوكيل في الحكومه اللي تسرق شعبها
الامارات بيخفضوا ثمن الوقود لمزيد من رفاهيه الشعب
ومصر اذاي ناخد فلوس من ولاد ال.......... دول
لأني باتعامل مع بنزينة محترمة في اغلب الاوقات وهي بنزينة امارات مصر اللي قبل داندي مول فهما مستحيل ياخدوا مليم من نفسهم
لما بافول دايماً باسيب جنيه
ولما باحط بـ 25 جنيه باسيب نص جنيه
75 قرش بامون 25 لتر بى 47 جنية
والله انا معظم الوفت بسيب الفكة اللي باقية او بدي جننيه لو واحد محترم ومهذب اللي بيملا
يعني كتير فيهم يعد يفول لحد ما يقف على رقم صحيح عشان تديله زيادة ولا متديلهوش انت ونظامك
لكن في منهم تبقى ميفولش كويس وتبقى شايف العداد بعينك واقف عند مثلا 57.5 ولا 58.3 وتديله ستين وياخدهم ويمشي
انا متفرقش معايا ان شالله لو خد 10 جنيه بس انا اللي اديله مش ياخدهم من نفسه ويمشي مادام شايف قدامه عربية نضيفة وواحد بيحط مثلا 92 يبقى يقول اخدهم انا احسنلي اكيد هو مش محتاج
ده اللي ساعات بيغيظني فيهم
بس 90% نيتي بتبقى اني اسيبلهم حاجة
جنيه اقل حاجة، سندوتش الفول بكام النهاردة و كمان ربنا بيرزق الواحد علشان الرزق يوصل لناس تانية
احب اقول حاجه و احد صحبى شغال مراقب فى محطه و بيقولى الناس اللى شغالى غلى مضخات الوقود مش بيخدوا مرتب خالص بيعتمدوا على البقشيش بس الفلوس دى كلها بتتجمع و فى اخر الورديه بتتقسم على كل العامليين فى المحطه
طبيعى بسيب بقشيش للعامل بس تحديد المبلغ على حسب يعنى احيانا جنيه لو حطيت بنزين وطلعت بسرعه
ولو حد نط لى على زجاج العربيه بالبخاخ بسيب اللى مون واللى مسح الزجاج اثنين جنيه يتصرفوا سوا
على حسب الفكه الى معايا
ممكن ربع جنيه , نص جنيه , جنيه .
بس اغلب الوقت بيبقى نص جنيه .
بقالي سنتين أهو أخش المحطة و أقوله 19.5 أو 49.5 حسب الورقة اللي معايا
مبحبش أقول ليترات...عشان بتلخبط الواحد....فهي أحسن فلوس و يبقي من ضمنها البقشيش عشان موجعش دماغي...
بس فعلا 50 قرش بقت قليله اليومين دول....الناس دي فعلا ملهاش مرتب غير البقشيش اللي بيتقسم عليهم في أخر اليوم:(
نص جنيه او جنيه واحيانا اكتر حسب الفكة الباقية ولما بيرجعلي الباقي جنيهات عشان يضمن الجنيه بتضايق منه بس بقول غلبان وزي معظم الناس ماقالت مش هيفرق اوي معاك بس هيفرق معاه هو وبسيبلة الجنيه تثبيت وبرضة اولى من سايس الشارع اللي مبيعملشي حاجة ( ساعات السايس بيبقى ليه لزمة فعلا ان شا الله يشاورلك من بعيد ان في مكان ويسيبك ويمشي حتى)
اللي بيستفزني فعلا اللي بيدخل على الازاز من غير ماكون باصص وفجأة الاقي الزاز علية مياه وصابون دا بقى بجد بخليه يمسح الحتة اللي عملها وبعدين حاجة من اتنين : لو الازاز محتاج فعلا بخليه يبدأ فيه ولو مش محتاج خلاص شكرا
جنيه او نصف جنيه حسب الفكه وهى بتعتبر صدقه لان اصحاب البنزينات واخدين فى بالهم ان عمال البنزينه بياخدوا بقشيش علشان كده بيدوهم مرتب مش كبير
ودى حاجه بترجع لكل واحد فينا حسب حالته
انا الطبيعى بديله نص جنيه او جنيه
بس ساعات بيرجعلى الباقى ناقص ودى حركه بتنرفزنى جدا
مره خليته يرجع يجيب النص جنيه اللى ناقص ولما جابه وجه وقبل ما يجيلى سبته ومشيت
ومره تانيه لما جابه وجه يدهولى اديته عليه نص جنيه كمان وقولته ابقى رجع الحق كامل لصحابه وسبهم هم يدولك اللى فيه النصيب عشان كده حرام
هم فعلا محتاجين البقشيش ده بس برده مش غصب يعنى
انا ما بحبش حد يضحك عليا او يعمل عليا ناصح
ملهاش لازمه الحركات النص كم دى
أنا مختلف معاكم ياشباب
بعد البنزين ما غلى مابقتش أدى بقشيش لحد سواء محطات حكومية او خاصة يعنى ادفع فى لتر الـ 90 175 قرش وكمان عايز بقشيش
والشباب اللى بيقول دى صدقة خفية برضو باختلف معاه لان فيه ناس تانية كتير أولى بالصدقة دى عن عمال المحطات
يا باشا وهو العمال الغلابه دول ايه علاقتهم بسعر البنزين اللي زاد
وبعدين زي دكتور أمير لما قال اعتبر ان دي اكرامية لواحد خدمك وانت قاعد في عربيتك باشا
يا جماعه معظم المحطات بره مصر HELP YOUR SELF وتروح على كشك متوصل بشبكة كمبيوتر ( متوصله بمكن التعبئة ) عشان تحاسب
طبعا العمال احسن ... عشان اهي فرص عمل وفاتحه بيوت
و بيريحك ويحط هو البنزين