دي مسألة ذوقية
عرض للطباعة
دي مسألة ذوقية
انا بدي فلوس لأي حد بيشتغل فعلاَ خاصة لو ملمحش أو طلب بنفسه و يلزق جنب الباب و كل سنة و إنت طيب و الجو ده .. يعني طالما مش باراشوت في الشارع مفيش مانع طبعاَ كفاية إنه عايز يشتغل بجد .
انا بحترم العمال يتوع إمارات مصر بجد لأن واضح إن بياخدوا توجيهات من الإدارة بتاعتهم بطريقة خدمة العميل مش مجرد بيجيبوهم يقفوا في البنزينة و خلاص .. عشان كدة بحترم البنزينة دي أوي .
يعني سواء إديتله بقشيش أو مدتلوش بيقولك (ألف سلامة يا فندم شرفتنا) و كلهم بيقولوا نفس الجملة عشان كدة إستنتجت إنها توجيهات إدارية .. و اما بيمسحلك الإزاز بيمسحوا و يختفي من قدامك مش يفضل لازقلك عشان البقشيش عشان كدة دول بالذات بصمم إديهم بقشيش .
و بتوع الكافيه الملحق بالبنزينة و إنت بتحاسب الكاشير بيقولك نفس الجملة (ألف سلامة يا فندم شرفتنا) .. واضح إن إدارتهم محترمة .
بديه مالا يقل عن جنيه وساعات اكتر لانى علطول بفول بنزين 80 ولو ان فيه ساعات مساطيل بيسيبوا المسدس فى التانك ويهدر ساعات 2 او 3 لتر على الارض قدام عينى :mad:
العامل في العاشر مع بنزيين 80 بياخد اكتر من جنيه غصب عن الناس
معلوماتى ان المحطات مش بتديهم مرتبات و لكن بيشتغلوا بالبقشيش و بيجمعوه و يقسموه عليهم. و بصراحه الواحد بيعتبرها صدقه لشخص يستحق لانهم فضلوا العمل الحلال و ايضا عمرى ما شفت واحد بيتمحلس او بيتنطط عشان تديله بقشيش وبيرجعلك المبلغ كامل بس فيه فكه كثير عشان يسيبلك الاختيار و كتير منهم معاهم شهادات و اضطرتهم الظروف للعمل فى غير عملهم الاصلى. و ايضا بيتعرضوا كثير للاهانات من بعض اصحاب السيارات.
(بس احيانا بعضهم بياخد البقشيش من غير ما يقول شكرا , هو صحيح الواحد عارف ان الاجر عند الله, انما بيحسسك ان ده حقه ومش فضل من حد .و زى ما هو محتاج تشجعه بالبقشيش بتحس انك محتاج نفس التشجيع عشان تحس انك اسعدت حد و تستمر فى اعطاء الصدقات. مجرد احساس عابر)
اهم شىء ان الواحد لما يدى اى فلوس بقشيش لواحد محتاج او شاب كادح يخليها بنيه صادقه ابتغاء لمرضاه الله عز و جل فقد تدخل احدنا الجنه
(n.b.: جنيه واحد=عشرين رغيف)
عامل البنزين فى الغالب شاب مش لاقى شغل اللى الشغلة ده
اعتبرها مساعدة له
واعتبرها شكر لله على نعمة العربية
"ما نقص مال عبد من صدقة"
فعلا معظم عمال البنزينه مابيخدوش فلوس وفي منهم بياخد 50 او 100 في الشهر حاجه كده
يعني حياته من البقشيش ده