تمام أشكرك على المعلومات المفيدة والقيمة دى
عرض للطباعة
لو ممكن حضرتك تقولنا مين هو الميكانيكي اللي شغال في التوكيل ؟ و هل تقصد برازيلي ؟
أنصحكوا يا جماعه تتعاملوا مع برازيلي في الصيانة محترم و فاهم و بيبقى موجود في الإسكندرية و القاهرة ، أنا شخصيا إتعاملت معاه في صيانة الــ60 ألف و ما شاء الله و لا قوة إلا بالله زي الفل و كنت عامل أنا موضوع عن صيانة الـ60 ألف خارج التوكيل
http://www.nilemotors.net/Nile/409980-60.html
متابع
بعد تردد وبسبب ضيق الوقت قررت أعمل الصيانة دى فى التوكيل وأخلص وبعد كده أكون أخدت قرار اعمل الصيانة عند مين بعد جمع المعلومات
الصيانة كلفت 1000 جنيه بالظبط, تغيير زيت وفلتر زيت وفلتر هواء وبوجيهات, والإجراءات المتكررة بقى كل صيانة من تشييك على الفرامل والعفشة والأنوار ... إلخ
بصراحة المرة دى فى الصيانة خلتنى أصمم على إنى أشوف ميكانيكى كويس بره التوكيل, عشان بقوا يستهبلوا ومفيش اهتمام لا بشغل ولا بعملاء زى الأول.
مفيش اهتمام بالرد على الأسئلة بتاعتى عن الصيانة وإجراءاتها.
دلوقتى بقوا يخلوك تدفع والعربية لسه ماخلصتش فى الغسيل, وخلاص بقى مادام دفعت ماحدش مهتم إنه يعرفك العربية هتخلص امتى ومضطر كل شوية تروح تسأل وتشوفها خلصت ولا لسه, الأول كنت بتدفع وتطلع تلاقى العربية مستنياك مغسولة وتمام.
حتى غسيل العربية دلوقتى بقى أى كلام, وساعات اللى بيوصلهالك يقولك كل سنة وانت طيب وعايز فلوس.
المهندسة اللى استلمت منى العربية وكانت مسئولة عنها اسمها هبة حسين فى فرع العامرية, وبصراحة لو قدر لى ورحت التوكيل تانى لأى ظروف مش هتعامل معاها, لأن شكلها مش فاهمة حاجة, لما اتناقشنا فى مشكلة حساس الباور وأنا كنت شاكك إنه ممكن يكون باظ وهما شغالين فى العربية, لأنى مالاحظتش أى تسريب زيت حصل قبل كده.
عشان تثبت لى إن العيب مش منهم, بتقول لى احنا ماعملناش شغل خالص قريب من الحساس, استغربت وقلت لها هو مش البوجيهات اتغيرت؟ فين مكان البوجيهات؟ وكنت فاتح الكبوت وواقفين قدامه, قعدت تدور شوية على مكان البوجيهات فين!!!
بعد كده هشوف ميكانيكى محترم وأشترى قطع الغيار المطلوبة وأخليه هو اللى يعملها.