(( فــخــور لانـى مــصـرى ))..

**MedaSam** · 08-10-2008 12:22 AM

من الردود .... في ناس متعصبه من الطرفين قوي ..... و في ناس من وجهة نظري واااااقعيه جدا ...... عارفين اللي فيها من الأخر ..... أنا شايف لازم نكون واقعين و احنا بنتكلم علشان نعرف بجد نصلح على قد ما نقدر و نستطيع

كلنا بنحب أمهاتنا و منقدرش نكرهها مهما حاولنا أو بعدنا عنها ...... و بنحبها قوي كمان ..... بس في نفس الوقت ...... مش شرط اني أكون فخور بيها .... الفكره بقي ازاي نصلح منها علشان ساعتها أفتخر بيها بجد ..... و بكده يبقى كمان أثبتنا اننا بنحبها بجد مش بالكلام و الشعارات

طبعا مصر بلد تاريخها طويييييييل و مشرف فعلا و كلام حلو قوي ..... بس بذمتكم هل حال البلد دلوقتي يدل من قريب أو من بعيد علي هذا التاريخ؟ ...... ربنا مش هيحاسب الناس بالتاريخ بتاع بلدها !!!!!

الهجره أو السفر للخارج للعمل أو للدراسه مش عيب و لا حرام .... في ناس كتير بتسافر تأخد خبره علشان ترجع تفيد بلدها ..... و في ناس بتسافر تكمل دراستها علشان برضه ترجع تفيد بلدها ...... و في ناس تانيه ربنا لم يوفقهم و واجهتهم ظروفهم صعبه في البلد ديه ..... فسافروا ليحاولوا في مكان أو بلد أخر ...... كل دوول بيحبوا البلد بس ظروفهم مختلفه ...... مش لازم يعني أفضل قاعد في البلد علشان أثبت اني بحبها

و زي ما قلت قبل كده ..... the terrible تكلم عن 0.0000001 % من اللي موجود في البلد ...... و برضه زي ما قلت قبل كده ...... أحد الحلول ان كل واحد يبدأ بنفسه و يحاول يصلح من نفسه ...... مش عيب أبدا انك تعرف من أهلك و أصحابك اي هيه عاداتك السيئه أو عيوبك و تحاول تصلحها.....

أنا عارف ان في ناس كتير بتعمل كده وما بتلاقيش أي تغير ...... و ده بيخليها تيأس و ترجع زي ما كانت و يمكن أسوأ من الأول ..... علشان كده اللي نفسي أعمله بجد ...... اني أقابل كل الناس اللي مقتنعه بالكلام ده ....... و أتكلم معاهم و ننتناقش ...... عايز أحس بجد اني مش لوحدي اللي باحاول ..... لازم نشجع بعض علشان نستمر ...... و لازم كل واحد يقول ازاي قدر يغير من نفسه للأحسن ..... و ياسلام لو قدر يغير من واحد صاحبه مثلا للأفضل

بجد يا جماعه أنا بفكر في الموضوع من فتره أنا و و احد صاحبي ...... اللي مقتنع بالكلام ده ..... و بيفكر في اللي بفكر فيه ..... ياريييييييت يقوللي

**Meedo** · 08-10-2008 12:30 AM

لو لم أكن مصريا ....................كان يبقى قشطه

**sab3aawy** · 08-10-2008 12:54 AM

المشاركة الأصلية كتبت بواسطة MedaSam

من الردود .... في ناس متعصبه من الطرفين قوي ..... و في ناس من وجهة نظري واااااقعيه جدا ...... عارفين اللي فيها من الأخر ..... أنا شايف لازم نكون واقعين و احنا بنتكلم علشان نعرف بجد نصلح على قد ما نقدر و نستطيع

كلنا بنحب أمهاتنا و منقدرش نكرهها مهما حاولنا أو بعدنا عنها ...... و بنحبها قوي كمان ..... بس في نفس الوقت ...... مش شرط اني أكون فخور بيها .... الفكره بقي ازاي نصلح منها علشان ساعتها أفتخر بيها بجد ..... و بكده يبقى كمان أثبتنا اننا بنحبها بجد مش بالكلام و الشعارات

طبعا مصر بلد تاريخها طويييييييل و مشرف فعلا و كلام حلو قوي ..... بس بذمتكم هل حال البلد دلوقتي يدل من قريب أو من بعيد علي هذا التاريخ؟ ...... ربنا مش هيحاسب الناس بالتاريخ بتاع بلدها !!!!!

الهجره أو السفر للخارج للعمل أو للدراسه مش عيب و لا حرام .... في ناس كتير بتسافر تأخد خبره علشان ترجع تفيد بلدها ..... و في ناس بتسافر تكمل دراستها علشان برضه ترجع تفيد بلدها ...... و في ناس تانيه ربنا لم يوفقهم و واجهتهم ظروفهم صعبه في البلد ديه ..... فسافروا ليحاولوا في مكان أو بلد أخر ...... كل دوول بيحبوا البلد بس ظروفهم مختلفه ...... مش لازم يعني أفضل قاعد في البلد علشان أثبت اني بحبها

و زي ما قلت قبل كده ..... the terrible تكلم عن 0.0000001 % من اللي موجود في البلد ...... و برضه زي ما قلت قبل كده ...... أحد الحلول ان كل واحد يبدأ بنفسه و يحاول يصلح من نفسه ...... مش عيب أبدا انك تعرف من أهلك و أصحابك اي هيه عاداتك السيئه أو عيوبك و تحاول تصلحها.....

أنا عارف ان في ناس كتير بتعمل كده وما بتلاقيش أي تغير ...... و ده بيخليها تيأس و ترجع زي ما كانت و يمكن أسوأ من الأول ..... علشان كده اللي نفسي أعمله بجد ...... اني أقابل كل الناس اللي مقتنعه بالكلام ده ....... و أتكلم معاهم و ننتناقش ...... عايز أحس بجد اني مش لوحدي اللي باحاول ..... لازم نشجع بعض علشان نستمر ...... و لازم كل واحد يقول ازاي قدر يغير من نفسه للأحسن ..... و ياسلام لو قدر يغير من واحد صاحبه مثلا للأفضل

بجد يا جماعه أنا بفكر في الموضوع من فتره أنا و و احد صاحبي ...... اللي مقتنع بالكلام ده ..... و بيفكر في اللي بفكر فيه ..... ياريييييييت يقوللي

حتى لو كنت مختلف معاك فى الرأى لكن وجود ناس متحضرة زيك يخلينى احس ان لسة فيه امل، ولما بقابل ناس كتير من نفس نوعيتك بحس انى فخور بانى مصرى ، حتى لو انت اختلفت معايا فى النقطة دى لكن وجود من هم مثلك فى حد ذاته هو اثبات ان البلد لسة بخير ، بس هو فى الآخر زى ما انت قلت، لو كل واحد ابتدا بنفسه يبقى اكيد فيه امل وامل كبير كمان

**human** · 08-10-2008 02:52 PM

لو لم اكن مصريا لارتحت نفسيا

و استغل هذا المنبر و ابعت احلى سلام لكل اللى بيسرقونا و بنقولهم كفابه عشان تعبنا بقى

**mabdelaziz** · 08-10-2008 03:43 PM

أنا الحمد لله فخور بإنى مصرى, وشايف إن الوضع اللى احنا فيه فرصة لينا كلنا إننا نعمل حاجة كويسة للبلد لو عندنا إرادة قوية, وضع البلد وحالها طبعاً مش عاجبنى, بس أنا لو اكتفيت بكده يبقى مفيش حاجة ممكن تتصلح, ولو فقدت الأمل فى إصلاح البلد يبقى الحياة مالهاش لازمة.

عشان كده فكرت إيه الحاجة اللى ممكن أعملها , فى حاجات كتير طبعاً ممكن الواحد يعملها بس الحاجة اللى عملتها وجابت نتيجة كويسة الحمد لله هى إنى أنشأت موقع على الإنترنت مهمته إظهار الغث من الثمين فى الناس اللى بتقدم خدمات للشعب المصرى, زى الأطباء والمدارس الخاصة والمطاعم وشركات إلحاق العمالة بالخارج وغيرهم وغيرهم.
الموقع بيسهل لأى واحد جرب خدمة معينة -زى مثلاً إنه اكل فى مطعم أو اتعامل مع دكتور وكده يعنى- ممكن يكتب تجربته وانطباعه سواءً كان سلبى إو إيجابى عن الخدمة المقدمة ليه وهل تستاهل الفلوس اللى بيدفعها ولا لأ, وطبعاً لما كل واحد يكتب تجربته فى الموقع بيسهل على أى واحد تانى بيفكر إنه يجرب الخدمة دى بيشوف انطباعات غيره عنها ويقدر يكون فكرة عامة عنها ويقرر إذا كان يدفع فيها أو لأ.
واحدة واحدة الناس اللى بتغش وبتهمل وبتقصر بتظهر والناس الكويسة بتظهر وطبعاً ده ممكن يؤثر على مقدمى الخدمات بالمكسب أو بالخسارة, لو بيكسب يبقى هيتشجع لما يحس إن أمانته واتقانه لعمله الناس حاسه بيهم وبتقدرهم ويحافظ على مستواه أو يحاول يحسنه أكتر.
ولو بيخسر يبقى هيفكر الف مرة قبل مايغش أو ينصب على حد ويصلح من نفسه غصب عنه أو ينسحب من السوق ويبقى ريح واستريح.
الشئ الإيجابى إن الموقع فعلاً لقى إقبال مشجع من الناس وابتدت الناس تكتب تجاربها والتجارب دى أثرت فعلاً وجابت نتيجة, ودى أمثلة:
1- شركة إلحاق عمالة بالخارج اتكتب عنها شكاوى كتير على الموقع وبعدين لقيت واحد من اللى كاتبين شكاوى باعت بعد شهر تقريباً إن الشركة حلت له مشكلته بعد كتابتها فى الموقع.
2- دكتور جراحة تجميل اتكتب عنه تجارب كتير سيئة, بعت لى أكتر من مرة أبطل أنشر تجارب جديدة سيئة عنه لأن الموقع أثر على شغله فعلاً والإقبال قل عليه, ولما رفضت حاول إنه ينشر تجارب إيجابية مزيفة عشان يرفع التقييم بتاعه فى الموقع ويحسن سمعته.
3- محل موبايلات شهير خصص رقم موبايل وإيميل لاستقبال الشكاوى والتحقيق فيها لما اتنشر عنه بعض التجارب السيئة فى الموقع.

وفى مؤشرات تانية إيجابية بس مش عاوز أصدعكم اكتر من كده.
انا بس حاولت أوضح بمثال عملى إن فى أمل بس احنا نشتغل.

مع تقديرى لكل اللى شاركوا فى الموضوع.

**Terrible_DaRsH** · 08-10-2008 08:17 PM

المشاركة الأصلية كتبت بواسطة sab3aawy

وطايح فى الناس كلها محدش عاجبك

ناس ايه .. هو علشان انا وانت اختلفنا فى راى خلق ربنا كلهم متفقين عليه هتزعل الناس منى ..!

المشاركة الأصلية كتبت بواسطة sab3aawy

بس مش ده اسلوبنا هنا

هعديها والامر لله ....

المشاركة الأصلية كتبت بواسطة sab3aawy

حاول تشوف الناس هنا بتتكلم ازاى

حاول انت تشوف ردودى على الناس فى كل المواضيع وانت تعرف الغلط جاى منين ...
ولو كلامى فيه شيء من التهجم ولا حاجه ..
اعـــــــــــتـــــــــــ ـــــــذارى
للادارة وليك انت كمان بس انت كلامك استفزنى مش اكتر ...

وراجع الموضوع ده وانت تعرف اذا كنا بنتقدم ولا ...!
ولو كنت انا غلط فبعتذر مرة تانيه (!)http://www.nilemotors.net/Nile/showthread.php?t=18173

**TICOXX** · 08-10-2008 09:36 PM

ممكن اسأل سؤال بسيط؟

ازاي الواحد يكون فخور بحاجة بيكتسبها عن طريق الولادة زي الجنسية مثلا او اللون او العرق؟
بصراحة انا شايف ان الانسان مش حاجة يفخر بيها كونه ينتمي لجماعة معينة مع اكتسابه لهذا الانتماء بالولادة البيلوجية!! , و لكن الفخر يتعلق بالانجازات الفردية التي قدمها الفرد او جماعة منظمة و كان لها اثر ايجابي في حياته او في حياة من حوله

ففي زيارة للولايات المتحدة مرورا بتكساس ,وجدت ان معظم المزارعين حاطين يفط بتقول "proud to be American" !! فأظن انها فكرة قبلية قديمة منتشرة في العالم كله بدون سبب معين

ممكن اقول اني بحب مصر-و انا فعلا بحبها-او اقول اني بحب امريكا-و برضه بحبها-و ده شيء عادي انك تحب انك تكون مواطن في بلدك

لكن اظن ان الفخر مفهوم اوسع بكتير من كده و ممكن لما اقول اني فخور بكوني شاركت في معركة 6 اكتوبر.....يبقى هوة ده الفخر

لكن مش لمجرد اني اتولدت بجنسية بلد سواء مصر او تنزانيا او غيرهم فده يديني الحق بالفخر فيما لا يد لي فيه

و اسف على الازعاج

**D . a .\ AYMAN** · 08-10-2008 09:50 PM

المشاركة الأصلية كتبت بواسطة mabdelaziz

هى إنى أنشأت موقع على الإنترنت مهمته إظهار الغث من الثمين فى الناس اللى بتقدم خدمات للشعب المصرى, زى الأطباء والمدارس الخاصة والمطاعم وشركات إلحاق العمالة بالخارج وغيرهم وغيرهم.
.

ماتقولنا ايه هو الموقع ده أو حتى ممكن تبعتهولي على الخاص ... انا أول مرة أسمع عنه بصراحة

وجزاكم الله خيرا كثيرا

**1.8Tee** · 08-10-2008 09:52 PM

المشاركة الأصلية كتبت بواسطة TICOXX

ففي زيارة للولايات المتحدة مرورا بتكساس ,وجدت ان معظم المزارعين حاطين يفط بتقول "proud to be American" !! فأظن انها فكرة قبلية قديمة منتشرة في العالم كله بدون سبب معين

Rednecks ....

**sab3aawy** · 08-10-2008 10:35 PM

المشاركة الأصلية كتبت بواسطة the_terrible

اعـــــــــــتـــــــــــ ـــــــذارى
للادارة وليك انت كمان بس انت كلامك استفزنى مش اكتر ...

وراجع الموضوع ده وانت تعرف اذا كنا بنتقدم ولا ...!
ولو كنت انا غلط فبعتذر مرة تانيه (!)http://www.nilemotors.net/Nile/showthread.php?t=18173

اسفك مقبول يا سيدى مع ملاحظة ان مش علشان انت وانا اختلفنا هزعل الناس منك ولا حاجة، انا مضايقنيش اختلافك معايا لأنه حقك واصلا انت صاحب الموضوع وانا اللى دخلت فيه برأى مختلف، لكن اللى ضايقنى وبشدة انك مش عايز حد يختلف معاك، يعنى حتى لو رأييى استفزك زى ما انت بتقول فهو فى النهاية رأى يصب فى صميم الفكرة دون التعرض بالسوء لشخصك، او بمعنى آخر اخلتف معاك لكن احترمك ، فبالتالى مينفعش ان يكون ردك على الرأى اللى مش متوافق مع رأيك انك تتريق على صاحبه وتسخر منه

عموما حصل خير بس نصيحة محلصة من اخ خدها منى وارميها البحر، حاول تتقبل فكرة ان مش ممكن الناس كلها هيكون رايها زى رأيك وان مش معنى ان فيه اتنين مختلفين ان واحد فيهم صح والتانى غلط ، ممكن اللى انت تكون شايفه اكبر صح فى الدنيا غيرك يكون شايفه اكبر غلط وطرف تالت محايد شايف ان كل واحد فيكم له وجهة نظر جديرة بالاعتبار ، لان مينفعش تكون خصم وحكم فى نفس الوقت

بالمناسبة انا بصيت للرابط اللى انت حاطة بس حقيقة والله مش بهزر مقدرتش اعرف ايه علاقته بما نحن مختلفين عليه هنا، ظاهرة سلبية بتحصل فى دول العالم كله من احقرها الى اكثرها تقدما، تحدث فى السر فى المجتمعات المغلقة المتحفظة وتحدث فى العلن فى المجتمعات التى لايتدخل افرادها فيما لا يخصهم ، لو اى مجتمع قال انها مبتحصلش فيه يبقى بيدفن راسه فى الرمل مش اكتر ،ظاهرة لا ليها علاقة بتقدم ولا تخلف ولا هى داعى لأنى استعر من مجتمعى ولا افخر بيه ولا هى اى حاجة خالص سوى شئ غلط اللى بيمارسوه هم المسئولين عنه ، لا هتجبنا قدام ولا هترجعنا ورا، فممكن تفهمنى وجهة نظرك فى ارتباطها بموضوعنا ،

بس يعنى خالتى بتسلم عليك وبتقوللك فهمنى بالراحة من غير زق علشان نفضل حبايب