(( فــخــور لانـى مــصـرى ))..

**Terrible_DaRsH** · 06-10-2008 02:44 PM

فـــــخـــور انــــــــــى مـــصـــرى ..
كل ما اكلم حد من صحابي الاجانب او العرب او غير المصريين عموما
اقول هذه الجمله ( فخور انى مصرى)..
سالت نفسي فى مرة طب ليه انا بقولها ...!
يا ترى لانى وطنى مثلا . ولا بدافع عن بلدى . ولا بقولها وخلاص . ولا فى سبب معين . ولا علشان يبقي شكلى كويس بس ....
السبب هو لانى (( كذاب ))...!!!
فعلا النتيجه انى بكذب .. طب ليه ايه السبب ..
الاسباب كتير جداااا.
اولا مش عاجبنى حال البلد ولا اللى بيحصل لنا.
مستوانا عمال بينزل يوم ورا يوم ... انحدار تام فى مستوانا كشعب..
امثال كتيرة للى بيسال ويقول ليه ؟
اولها :- البطالة . شباب مرمى فى الشوارع من مكان لمكان اخر
قاعدين على القهاوى طول الوقت ,, مخدرات وخناقات ومشاكل ,, معاكسات ورخامه وقله ادب....
بنات واخده راحتها على الاخر (زياده على اللزوم ) من لبس لكلام لمشي لتاخير لحركات .......... الخ الخ..
اطفال :- لا فى ادب ولا احترام للكبير وانتهت براءة الاطفال من زمان ..
سلوك الناس:- انتهى عصر الاخلاق والرجوله والشهامه والادب والحب والمساعده ....
بقي الحال عباره عن ( مصالح ) وعرض وطلب بين الناس ...
محدش عاجبه اى قانون فى البلد .
محدش عاجبه قانون مرور.
محدش عاجبه قانون جمارك.
محدش عاجبه قانون ضرائب.
محدش عاجبه قانون طواريء.
..
مثال اخر .
كـوبرى قـصـر النيل..

ده اصغر مثال للانحدار اللى بقينا فيه .
وصل الامر الى ان تنقل الصورة صحيفة امريكية وتكتب انه مكان العشاق المصرىين ( الحب الزائف) او بمعنى اصح تسليه الشباب .
مثل اخير.
وهو الشحاته , التسول , التشرد الاطفالى , اولاد الشوارع .
فرحانين بحضارة 7000 سنة وكل يوم نقول احنا الحضارة احنا الحضارة
مفيش مواطن حالى عمل ولو ب 1% من الحضارة دى
الفرق ما بينا وبين الغرب ان حنا بنقول وهما بيعملوا
احنا عمالين نفتكر وهما بيورونا
احنا بنتاخر وهما بيتقدموا
احنا كلام وهما فعل ...
طـب ايه الحل..
ايه العمل.
فى ايه الواحد ممكن يعمله.
لو سكتنا على الكلام ده يبقي حرام علينا ..
اوعى تكذب وتقول ان احنا بنتقدم ..
لو كل واحد شال ايده من الموضوع يبقي العمل اننا ننتظر المعجزة.
لكن للاسف راح زمن المعجزات خلااااااص ...

**Dr_Mido** · 06-10-2008 03:01 PM

لا مسمحلكش بنتقدم وبسرعه بس للهاويه مش لقدام
و مفيش حل غير انك هتغير الحكومه و الشعب مع بعض وتجيب اتنين استيراد من برة او منطقه حرة

**Nour_Peugeot** · 06-10-2008 03:03 PM

مهو لازم برده يبقي في وقفة مصرية علشان نتطور من نفسنا بس

بس طول نا البلد منهوبا عمرنا مهنتقدم

**bassemali** · 06-10-2008 03:45 PM

أنا معترض بشده على الكلام ده
لأن كل بلاد العالم عندها نفس المشاكل دي وبصوره أبشع حتى الغرب كمان بيعانوا من البطاله واللي مابيشتغلش هناك بيموت من الجوع ومعدلات إغتصاب الفتيات في أمريكا وصل لحالة أغتصاب تقريبا كل ساعه وحال البنات بتوع بره مش محتاج وصف متهيألي أننا بنشوفه لما بيجوا سياحه هنا ولبسهم وكلامهم وأستعدادهم لممارسة الجنس مع أي حد يعجبها وخلاص وياما فضايح فساد أتورط فيها رؤساء ووزراء هذه الدول وفي شوارع في أمريكا لو مشيت فيها بعد المغرب الحكومه مش مسؤوله عن سلامتك يبقى رغم كل السلبيات اللي عندنا دي لازم تفخر بأنك مصري لأن دي بلدك مش بلد حد تاني ولازم نعرف أن البلد فيها حاجات كتير صح وناس كتير بتنجح وتتقدم لأن لو كلها غلط ماكنتوش عايشين فيها لحد دلوقتي ... وشكرا

**r0xer** · 06-10-2008 03:48 PM

المشاركة الأصلية كتبت بواسطة bassemali

أنا معترض بشده على الكلام ده
لأن كل بلاد العالم عندها نفس المشاكل دي وبصوره أبشع حتى الغرب كمان بيعانوا من البطاله واللي مابيشتغلش هناك بيموت من الجوع ومعدلات إغتصاب الفتيات في أمريكا وصل لحالة أغتصاب تقريبا كل ساعه وحال البنات بتوع بره مش محتاج وصف متهيألي أننا بنشوفه لما بيجوا سياحه هنا ولبسهم وكلامهم وأستعدادهم لممارسة الجنس مع أي حد يعجبها وخلاص وياما فضايح فساد أتورط فيها رؤساء ووزراء هذه الدول وفي شوارع في أمريكا لو مشيت فيها بعد المغرب الحكومه مش مسؤوله عن سلامتك يبقى رغم كل السلبيات اللي عندنا دي لازم تفخر بأنك مصري لأن دي بلدك مش بلد حد تاني ولازم نعرف أن البلد فيها حاجات كتير صح وناس كتير بتنجح وتتقدم لأن لو كلها غلط ماكنتوش عايشين فيها لحد دلوقتي ... وشكرا

ربنا يكتر من أمثالك ياعم!

دا الواحد بقى يخاف يخش القسم الإجتماعي ليلاقي حد بيشتم أبوه و أمه لمجرد إنه مصري!

**Mosso** · 06-10-2008 03:52 PM

الحمدلله ,,, الحمدلله ,,, الحمدلله ...
هقولها بأعلى صوتـــي:
((( فخــــــــــــور انــــــــــــــــــــي مـــصـــــري )))

**Terrible_DaRsH** · 06-10-2008 04:16 PM

كـــــــلام غريب ماشفتش زيه فى حياتى !!!!!!!
لا اله الا الله ...

المشاركة الأصلية كتبت بواسطة bassemali

لأن كل بلاد العالم عندها نفس المشاكل دي وبصوره أبشع حتى الغرب كمان بيعانوا من البطاله

رغم ان تعداد الصين اكثر من المليار ولكن مابيعنوش من زياده سكانيه ولا بطالة .. انت بتتكلم ازاى!!!!!!!!!

المشاركة الأصلية كتبت بواسطة bassemali

ومعدلات إغتصاب الفتيات في أمريكا وصل لحالة أغتصاب تقريبا كل ساعه وحال البنات بتوع بره مش محتاج وصف

انا ماقلتش احنا بنعانى من اغتصاب لان دول العالم كلها بتعانى من المشكله دى لان دى مشكله بشر وليست دول يا سيدى !!!!!

المشاركة الأصلية كتبت بواسطة bassemali

متهيألي أننا بنشوفه لما بيجوا سياحه هنا ولبسهم وكلامهم وأستعدادهم لممارسة الجنس مع أي حد يعجبها وخلاص

لبس ايه بس وممارسه ايه !! هما حرين يعملوا اللى عايزينوا هما معندهمش اسلام ولا عادات ولا تقليد ... احنا لازم نخاف على نفسنا علشان منكنش زيهم .. انت بتعلق اخطائك على شماعة الغرب وتقول اشمعنه هما..
خد الحلو منهم وابعد عن الوحش ...

**MedaSam** · 06-10-2008 04:17 PM

مع احترامي لكل أراء الساده المحترمين ...... أنا شايف ان the terrible كتب و اتكلم عن 0.00000001 % من حال البلد المتدني الأن !!

أنا معنديش وقت دلوقتي أقول أمثله أخرى ..... ممكن بعديين ....... بس أنا فعلا نفسي البلد ديه تبقى حاجه تانيه ..... بس للأسف مفيش أمل ان حاجه تتغير على المدى القريب ( ده رأي الشخصي) .... صدقوني باحاول و ربنا بيوفقني أبتدي بنفسي في حاجات كتير و شايف ان دي أقل حاجه نعملها في ظل ظروف معظمها ضدنا

بس حاليا أنا فعلا مش فخور اني مصري ....... و لو لم أكن مصريا ....... يبقى قشطه

**Terrible_DaRsH** · 06-10-2008 04:20 PM

المشاركة الأصلية كتبت بواسطة r0xer

دا الواحد بقى يخاف يخش القسم الإجتماعي ليلاقي حد بيشتم أبوه و أمه لمجرد إنه مصري!

رد سلبي جداااا...
*****************

تنبيه للعضو بالالتزام بالموضوعية وعدم التعرض لشخوص اعضاء المنتدى

**Mosso** · 06-10-2008 04:23 PM

[quote=the_terrible;439827] كـــــــلام غريب ماشفتش زيه فى حياتى !!!!!!!
لا اله الا الله ...

quote]
سيدنا محمد رسول الله,
بس هو حضرتك ايه الغريب في كده؟؟

انا عن نفسي 100% فخور اني مصري و عمري ما هحب بلد تانيه زي مصر
مش موضوع وطنيه بس يمكن لو كنت اصلي من بلد تانيه كنت حبيتها زي مصر