راي في موضوع تفتيح العربية

**M R. Z E C O** · 12-04-2014 04:44 PM

صديقي العضو

فالبداية ونظرا لكثرى الواضيع التي تتمحور حول تفتيح العربية قررت كتابة هذا الموضوع لافادة السادة الاعضاء

1 ما هو تفتيح العربية ؟
تفتيح العربية هو استخدامها استخدام رياض حاد لفترة معينة

2 ما هي الفايده المقترحه او المرجوة عند تفتيح العربية ؟
تحسن اداء العربية وسرعه الاستجابة وتحسن التسارع

طيب ايه البيحصل لما نفتح العربية ؟
البيحصل ان كمبيوتر العربية بيفهم او بيتعود ان سواقتك رياضية وبالتالي بيديك العزم والقوة التناسب سواقتك وهي نفس فكرة رفع ال rpm اثناء تشغيل التكييف وعشان كده بتحس بتحسن الاستجابة

طيب ولو انا عندي نظام سبورت في العربية مش هيبقى احسن لو فتحت وهيا على السبورت
فهيبقا عندي نظام اسبر من الاسبورت نفسه ويبقى فالعادي كانه سبورت؟

لا طبعا حضرتك بيبقى عندك الكمبيوتر فيه نظامين economic او normal والتاني الهو sport فعند التحويل الى نظام سبورت بتزيد الاستجابة والسرعة والتسارع الخ ... دون الحاجة لتفتيح

افهم من كده ان ممكن اشتري عربية عادية وخليها زي الفيها سبورت ؟
هو ممكن بس بنسبة 50% ليه عشان انت بتفتيحك بتزود العزم والتسارع اللكمبيوتر بيظبطة بس ما بتزودش حساسية الفرامل ولا تتقل الدركسيون والعفشه ...

وده كان رايي في موضوع تفتيح الماتور وانه قائم على ازالة الشوائب او لا

تقبل مروري zeco

**drcobra** · 17-04-2014 10:13 PM

تسلم

**starlanos** · 17-04-2014 10:21 PM

تسلم ياكبير
بس كمل جميلك واشرح بالتفصيل ازاي نفتح الماتور
يعني الاول علي كام ننقل والتاني وهكذا
دنا بدور عليه من زمان

**M R. Z E C O** · 17-04-2014 10:30 PM

المشاركة الأصلية كتبت بواسطة starlanos

تسلم ياكبير
بس كمل جميلك واشرح بالتفصيل ازاي نفتح الماتور
يعني الاول علي كام ننقل والتاني وهكذا
دنا بدور عليه من زمان

هو موضوع تفتيح العربيه بيتم بخطوات
اولا والاهم تتاكد من سلامه الطريق والعربية سلامه تامه زيت كوتش الخ
بعدين على حسب العربية لو مانوال
هتحرق على كل النقلات لغاية 5000 لفه مثلا ولو اوتو هتجيب الاستبترونيك وتحرق عالنقلات برضو وتحاول توصل سرعه عاليه نسبيا مش لازم اخر العربيه بس 160 هتفي بالغرض وزياااده لو العربية ثابته وجرايه و 100 او 120 لو على قد حاله بس المعم السواقه الاسبور ولو عاوز رايي الممضوع مش مستاهل وربنا يحفظك ويحفظنا من شر الطريق

**starlanos** · 18-04-2014 02:27 AM

المشاركة الأصلية كتبت بواسطة zeco

هو موضوع تفتيح العربيه بيتم بخطوات
اولا والاهم تتاكد من سلامه الطريق والعربية سلامه تامه زيت كوتش الخ
بعدين على حسب العربية لو مانوال
هتحرق على كل النقلات لغاية 5000 لفه مثلا ولو اوتو هتجيب الاستبترونيك وتحرق عالنقلات برضو وتحاول توصل سرعه عاليه نسبيا مش لازم اخر العربيه بس 160 هتفي بالغرض وزياااده لو العربية ثابته وجرايه و 100 او 120 لو على قد حاله بس المعم السواقه الاسبور ولو عاوز رايي الممضوع مش مستاهل وربنا يحفظك ويحفظنا من شر الطريق

يعني حتي الاول خمس الاف مش غلط ولا انته اية رائيك
هيا لانوس تو ٢٠٠٥
ماننيوال

**M R. Z E C O** · 18-04-2014 03:48 PM

انا جبت قبل كده 6000 لفه عادي بس اعم حاجه اتاكد من سلامة الماتور لو مش قد كده خليك 4500. 5000 لفة
هو وانته بتدوس ساعات تحس ان العربية اتكتمت وانته على 3500 تقريبا شد زياده هتلاقي الوحش طلع بس متكررش الموضوع كتير لانه مش حلو على المدى البعيد ماتورك عامل كام كيلو؟