سؤال للبنات : لو خيروكي ما بين تتجوزي مصاص دماء او مستذئب تختاري مين !!
سؤال غريب عجيب بفكر فيه وشاغل تفكيري
لو اتقدم عريسين لبنتي واحد مصاص دماء وواحد مستذئب.
هختار مين فيهم !
ولا الي عندو شقة يكسب :)
https://encrypted-tbn1.gstatic.com/i...6y9HnqPeZtzuxw
مش عارف اذا شفتم الفيلم ده معايا ولا لأ فيلم نيو موون. ... والي بتدور فكرتوا على بنت. حبها شبين واحد مصاص دماء والتاني مستذئب بيتحول الى ذئب على مزاجوا ... وهيا. بتحب الاتنين الصراحة وقعدت تفكر تفكر. ففي النهاية بعد ما استخارت قلبها قررت تسيب ابوها وتتحول هيا كمان لمصاصة دماء البشر وتروح تتجوز الواد الصايع مصاص الدماء .
على فكرة الموضوع ده بجد كتير ما بنشوف ان في بنات بيبقى قدامها عريسين ومحتارة بينهم ومش عارفه تقول لده يجي يتقدم لها ولا تقول للتاني يجي يتقدملها. ... وبالذات اذا البت حلوة كده وزي اللوز والمنافسة الحقيقة شديدة عليها لأن البت ذات نفسها شديدة ... (( بتحصل ... وكل شيء وارد الحدوث )) .
بس حتى ولووو. ... الاختيارات صعبة جدددداً
وتلاقي واحد مصاص دماء البشر ودي حقيقة وبنشوفهم ليل وياااا نهار. تلاقي مثلاً الي متقدم لاختك او لبنتك بيشتغل دكتور محترم شكلاً لكن الواقع انوا (( مصاص دماء البشر )) وتلاقيه بيشفط دم وشقى الناس وعلى تحاليل وعلى اشعه من المركز بتاعوا وعلى. لا لا يا ابني انتا ازاي كنت ساكت على نفسك الفترة دي كلها ازاي ... كويس انك جتلي في اللحظة المناسبة. انشاء الله هنمشي على علاج مع بعض عشرين خمسين ستين سنة. كده وانتا هتبقى كويس ... او مثلاً يكون العريس محامي. بس برضوا مصاص دماء ... عارفين النوعيه بتاعت لا لا اطممممممممممن قضيتك مضمونة ويفضل يشفط في اتعاب من دم وشقى موكلوا لغايت ما يشفطوو كلوو اهو النوعية دي من العرسان انا بسميها (( مصاصين دماء البشر )) مش لازم تلاقي مصاصين دماء البشر يوطي كده على رقبت الضحية علشان يمص دموا. لأ في طرق كتيررررر لمص دم وشقى وتعب الغلبان .
وحتى فكرة المستذئب الواد البلطجي. الي بياخود حقو بدراعوا ويهجم على ده وعلى ده كمان موجودين في المجتمع المصري عندنا. يعني مش عارف ليه الفيلم مصنف في خانت الخيال العلمي او القصص الاسطورية رغم انوا بيناقش قضية مجتمعية بحته .... فتلاقي فعلاً اهل البنت بيبقوى محتاريين بين واحد مستذئب وبين واحد مصاص دماء. او بين واحد مستحمر. وابن حلال. والمستحمر ده بيبقى مطلوووووب جداً جداً جداً. في حالة لو البنت بنتك عصبية وبتتكلم بايديها. فانتا ساعتها محتاج مستحمر .... مينفعش تجيب لبنتك عريس مصاص دماء وهيا تكون مستذئبة او مسترجلة ويقعدوا يعضوا في بعض ليل ويا نهار .... لكن بالرغم من ذلك فالاختيارات بتبقى صعبه وفعلاً في النهاية الي بينتصر هو الي معاه شقة ووظيفة ولا تقلي مستذئب ولا تقلي مصاص دماء ... لان. يا فرحتي يكون مصاص دماء ومعندهوش شقه ... هعمل بيه ايه ساعتها !!
هيقولي استنى ياعمي لمن امصلي دم زبونين تلاته عقبال ما اجمعلك تمن شقة يا عمي !
لا يا حبيبي روح مص براحتك وكون نفسك وبعدين تعاللي تكون كونت نفسك واشتريت شقة .
@@@@@@@@@
فعلاً الاختيارات صعبه ... ومتعرفش العريس الي متقدم ده من اي نوع. ياترى بني ادم زينااااا ولا هو مصاص دماء وهيعيش بنتنا في اموال حرام .... ولا هو مستحمر. ولا هو شكلو طبيعي كده وهادي لكن بالليل ووقت بزوغ الشمس والقمر. بيبتدي يتحول الى مستذئب ويطلع عيل ابن ستين تيت. وياخود بنتكم ويعذبهااااا معاه. ... ازاي تسئل عن. عريس. وهتسئل عنوا فين .... في زمن محدش بيعرف فيه حد وكل نظرة الناس لبعض اه ده فلان بتاع الانسر. ولا يكونش قصدك على علان بتاع الفيرنا ولا تكونش قصدك على فلان الي معاه الالنترا النبيتي الحمرة الي وخده بيشلة في الرفرف من جنب اليمين والفلشر بتعها الخلفي محكوووك شوية !!! ده لو بتسئل عن عربية اسهل على كده اما انك تسئل عن عريس وعن أخلاقوا اعتقد بتبقى من سابع المستحيلات ... في الزمن الاغبر بتعنا دهوا. وبعدين المشكلة ولاد لزينة مبيبنش عليهم اذا مستذئب ولا مصاص ولا نوعوا ايه مفيش غير انك تعزمو في يوم. القمر هيكتمل فيه ويبقى بدر كده وتستنى عليه وتشوف هيتحول ولا لأ :)
سلمت امري ليك يا رب .... على اي اسس بتختاروا العريس (( مع الاسف ))
وايه احسن طريقة بتعملوا سيرش بيها عن العريس
وفي النهاية لو عرفتوا انوا مصاص دماء ولا مستذئب ياترى بترفضوا ولا بتقولوا. مصاص مصاص. حد لاقي ... المهم يكون مصاص دماء ابن حلال ويريحها ويهنيهاااا .... وان كان مستذئب نقول مش مشكلة مستذئب مستذئب .... وياسيدي وقت ما يتحول نقول للبت تمتص غضبوا. وتبعد عنوا ساعت مايجي يتحول واهم حاجة ميمدش ايدو عليها او لمن يتحول يجي يطنطط علينا ... فعلاً الاختيار صعب انتم لو كنتم مكانها تختاروا مين. المستذئب. ولا مصاصين الدماء .
https://encrypted-tbn3.gstatic.com/i...Nszt2DyQwrggL4
@@@@@@@@
وتحياتي
تحول الناس في مصر , 6 أكتوبر , انهيار الاخلاق , رؤيا فنيه
اقتباس:
المشاركة الأصلية كتبت بواسطة احمد المصرى
مفيش مصاصين دماء فى اكتوبر متخفش يا باشا هو يتقدم بس وانا هخلصلك عليه عند الحصرى متخفش يعنى
هههه ياباشا ده أكتوبر أساساً الي بناها مصاصيين الدماء
بنوها بتعبهم وشقاهم ومص عمرهم ... وبعدين هنروح بعيد ليه فوق سوبر ماركت شهير انا عارفوا وانتا عارفوا ... ومن غير ذكر أسماء في كام دكتور كده هناك ومنهم دكتور قلب أول ما تروحلوا يعملك رسم قلب واحد بالمجهود وواحد من غير مجهود وبعدين يقولك لا لا أعملي أيكووو وبعد مايعملك أيكو يقولك لا لا حطلي جهاز تسجيل على صدرك في صوت شخرة كده في القلب وعاوز أعرف القلب بيطلع الصوت ده منين !!! أنتا مدخن ... لا لا لازم تسيب التدخين ويديك شوية نصايح ... وبعديها يكتبلك على تحاليل وأشعه وبلى أزرق ويسف منك ماشاء الله شيء وشويات ... وكل ده وانتا اساساً كنت رايح تحلل سكر تراكمي وسكر صايم ودخلت عندو بالغلط .
ولا دكتور السنان التاني (( دراكولا الكبيررررررررررررر )) ... ولا دكترت العظاااااام الي أول ما تروحلهم يقلك أوووعه الاربطة أتمزقت والعظم أتهشهش ولازم عملية جراحيه خطيرة وبسيطة بس بعدها أنشاء الله أنتا هتبقى زي الفل ... ولا معامل التحاليل مصاصين الدماء والجيوب ... ده شكلاً بس يحط حقنة في دراعك ويسحب شوية دم لكن فعلاً علشان يحللك شوية الدم دول فهيشفط منك كل شقى عمرك بحجت أنهم متخصصين شفط ومص الدماء وتحليلها .
أنتا لو تلاحظ يا باشا أن البوابين والغفرة أو حتى السباكين جم أكتوبر لقوى الدنيا ماشية كده مص دماء فأستوطنوا أكتوبر هما كمان وقعدوا يمصوو زيهم ... ده غير المستذئبين بقه الي كل يومين تلاته نسمع عن حوادث القتل ... وبلطجة وقطاعين طرق ... وكل مستذئب بيتوا وقع في القاهرة او الجيزة يبعتوه على أكتوبر ... طبعاً ده غير (( الداااااااااااااااار )) ومشاكل الدار الي فيها بيبي ذئاب بشرية تحت الانشاء .
###########
طبعاً كل ده وعندك فئة جديدة في أكتوبر
أسمها الموتى الاحياء ... عارف قصة الفايروس الي ضرب لندن
أهو أحنا عندنا كمان زي لندن كده ... تيجي تروح المرور تلاقي الناس زحمة على الشبابيك بالمنظر ده ... زي أفران العيش أول ما تيجي عربية العيش البلدي أو الشامي تلاقي الناس بالمنظر ده
https://encrypted-tbn3.gstatic.com/i...vFddPV7j_1xwKw
لمن تيجي حتى توقف في أي حته تلاقي عيل تنح يلحقك بفوطة صفرة
وحتى لو ركبت عربيتك دورتها بسرعه وخدت بعضك وقلت يا فكيك تلاقي الواد الميت الحي ... بيلحقك بالمنظر ده وكانك حرامي وقفت في الشارع من غير ما تدفعلوا المعلووووم
http://top4ever.free.fr/film/wall/da...20dead%201.jpg
وعلى فكرة أنا ما بسخرش منهم ... لأن هما فعلاً الموتى الاحيااااء ... موجودين في الدنيا ولا أنتا عارف أذا كانوا هما عايشين ولا ميتين ... هل هما على قيد الحياة ولا فارقوا الحياة بظروفهم المنيلة ولا هما أحياء عند في وطنهم يرزقون .
حتى على الايشارات او الميادين تلاقي أطفالهم يبتدو يطاردوك ويجرووا وراك والنبي يا عمو جنية يا عمو ... وانتا تجري لأن ممعكش وهما يجروا وراك ...
http://4.bp.blogspot.com/-Y_-hJPU6dh...images+(2).jpg
ده غير أن الاحياء الميتــين دول بمجرد ما يشوفوا بنات أو ستات معدية أو حتت قطة كده لابسة شـيك وماشية قدامهم بيفتكروها أكل أو مم أو فريسة ولازم تتاكل ... وتلاقي عنيهم بتبوظ شرار بالمنظر ده ويبتدوا يجروا وراهاااااا ومش بس يلقحوا كلام لا وفي منهم الي يجري يجري وراها علشان يخبط كتفها أو يلمس - - - - ـــهـا .
http://s3.amazonaws.com/mbc_actionha...6079/large.jpg
الاحياء الميتون في كل مكان ... انا بشوفهم كده
http://2.bp.blogspot.com/-7zA59XRUiu....+21+08.25.gif
على فكرة الصورة دي معبرة جداً ... عارف لمن تكون واقف في السنترال ويقلك السيستتم واقع فجئة هتبص تلاقي الناس بقت كده ... عارف لو في مطش كورة والفريق خسران برضوا هتلاقي نفس النظرة على وجوه المشجعين كده ... عارف لمن تروح الجهاز وتوقف على شباك مهندس الحي وعمال تنده عليه بااشاااا باشاااا باشاااا باشاااا .... باشااا ... طب رد علينا ... باشاااا ... ياعم عبرناااا .... باشااااا طب سؤال وهوا مصدر للمواطنين الطرشة برضو بتتحول وشووشنا لكده ...
http://2.bp.blogspot.com/-7zA59XRUiu....+21+08.25.gif
أحياناً كتير ببص في المرايا الصبح أول ما أقوم من النوم ... وأتخض وأقول يا نهر أزرق ... يا نهار أسود هو أنا أتحولــــــــــــــــــــ ت ولا أيه مييييييييييييييييييييين ده مين ده !!
بجد أنا ما بقيتش عارف نفسي من كتر ما أنا عايش في وسط مصاصين الدماء والمستذئبـين والاحياء الأموات ... وحاسس أني بقيت ميــــــــــــكس وبقيت كل واحـد فيهم هو أنا
@@@@@@@@
وتحياتي