محتار ومش عارف أخذ القرار

**eng_ah_xxxx** · 12-04-2014 08:26 PM

السلام عليكم أنا بعد ما كنت ناوي علي البروتون جين ٢ زيرو قلت أجي علي نفسى وأكمل الباقي قسط وأشتري التحفة رينو فلوينس ٢٠١٤ بس أنا الان خائف بعد ما سمعت عن مشكلة نقص الزيت فى الموتور ومش عارف اعمل آيه ياريت لو حد عرف ان التوكيل وصل للمشكلة وحلها يقول لنا الأخبار لإنها مشكلة كفيلة بالقضاء علي سمعه السيارة والرينو تماماً وشكرا لكم

**eng_ah_xxxx** · 12-04-2014 08:41 PM

يارب اي رد من التوكيل يريح الواحد

**M R. Z E C O** · 12-04-2014 08:55 PM

صديقي العضو

انا حاسس ان الموضوع مش منتشر وخصوصا ان الماتور متجرب قبل كده ولو طلع عيب عام اكيد التوكيل هيضطر يصلحة في الضمان والا ساعتها رد الناس مش هيسرهم فاكيد يا باشا هات الفلوانس ملاحظة حلو الجناس الفي العنوان

تقبل مروري

**miceg** · 12-04-2014 08:55 PM

أخي الكريم
الموضوع بالظبط حصل مع 3 أفراد
وليست مشكلة عامة

مع العلم ان المشكلة بتحدث من الزيرو ف وارد يكون الزيت بتاع الفابريكة فيه مشكلة زي مثلا انه يكون سريع البخر
او اختلاف خصائصه الكيميائية نتيجة ظروف التخزين وخلافه

في انتظار رد التوكيل
وهنكتب هنا كالعاده بحيادية تامة

**Hany Saad** · 12-04-2014 09:01 PM

منورنا فى قسم الرينو يا بشمهندس
خبرتى مع التوكيل تمتد لفوق 13 سنة من أيام ما جبت الكليو سنة 2001 و أقدر أكدلك أنه توكيل محترم جداً و مش هيسيب حد عنده مشكلة حتى لو وصلت لتبديل عربية كاملة

أنا قلبت الأنترنت على المشكلة دى علنى أجد مثيل ليها: طبعاً دورت فى النيسان فرسا، قشقاى، جوك، فلوانس لأن كلهم فيهم نفس المنظومة كفتيس و موتور

و الحمدلله ملقتش حد أشتكى من أى مشكلة زيت قبل كده و ده شىء مطمئن أنها مش مشكلة وبائية

أنا بحاول أجد حل من ناحيتى و أن شاء الله دكتور مصطفى يطمنا غداً بعد زيارة التوكيل

نصحتى لحضرتك توكل على الله و أحجز مع االتوكيل و قدامك شهرين على ما تستلم.....لو المشكلة أتفهمت و اتحلت على خير يبقى كان بها و لو لا قدر الله طلع الموضوع كبير يبقى تسحب الألف جنيه مقدمة الحجز و يا دار ما دخلك شر

تحياتى

**Hany Saad** · 12-04-2014 09:05 PM

المشاركة الأصلية كتبت بواسطة miceg

أخي الكريم
الموضوع بالظبط حصل مع 3 أفراد
وليست مشكلة عامة

مع العلم ان المشكلة بتحدث من الزيرو ف وارد يكون الزيت بتاع الفابريكة فيه مشكلة زي مثلا انه يكون سريع البخر
او اختلاف خصائصه الكيميائية نتيجة ظروف التخزين وخلافه

في انتظار رد التوكيل
وهنكتب هنا كالعاده بحيادية تامة

خالد بيه
طمنى على حضرتك
حضرتك بتقول 3 عندهم المشكلة......دكتور مصطفى، Sadkooi و هل حضرتك التالت؟

أنا قريت أن المستوى نزل عندك بس أنت بتقول المقياش الديجيتال منزلش....يا ريت تطمنى عليك

تحياتى

**miceg** · 12-04-2014 09:42 PM

المشاركة الأصلية كتبت بواسطة hany saad

خالد بيه
طمنى على حضرتك
حضرتك بتقول 3 عندهم المشكلة......دكتور مصطفى، sadkooi و هل حضرتك التالت؟

أنا قريت أن المستوى نزل عندك بس أنت بتقول المقياش الديجيتال منزلش....يا ريت تطمنى عليك

تحياتى

حبيبي ياهاني بك
الثالث هو استاذ علي أبو بكر
بالنسبة ليا انا المقاس الدييجتال مافيهوش مشكلة
لما قست من الزيرو كان الزيت عند بداية النقطة المشرشرة
بقيسه من كام يوم ليلا والعربية باردة
كان تحت بداية العلامة المشرشرة بمثلثين او ثلاثه
قسته النهارده بس العربية كانت فالشمس السخنة فوقت الظهيرة

كان المقاس فوق حرف ال h وبداية البروز اللي هي علامة u
قولت يمكن عشان السخونة او يمكن طبيعه الارض غير مستوية
بكرة هقيس تاني وأشوف
وهروح مع اخونا مصطفى ونشوف موضوع الموتور والزيت
مع العلم ان كان مع واحد صاحبي نيسان جوك ونفس الموتور بتاع الفلوانس
وكانت الموتور بياكل زيت وباع العربية بهذا العيب بعد فترة طويلة