يا جماعة لو حد يقدر يساعدنى ويقولى على مشروع ممكن انفذه على رووف فوق شقتى يبقى جزاه الله خير
والرووف بمساحة 140 متر صافى
عرض للطباعة
يا جماعة لو حد يقدر يساعدنى ويقولى على مشروع ممكن انفذه على رووف فوق شقتى يبقى جزاه الله خير
والرووف بمساحة 140 متر صافى
حاجات كتير ممكن تعملها بس دة بيرجع لاكتر من حاجة
1 - انت عايش فين
2 - انت بتفهم فى اية
3 - الرووف فى الدور رقم كام
4 - متفرغ ولا شغال
5 - راس المال المتاح معاك اد اية
شويه كتاكيت وبط وحمام :-)
اولا شكرا لرد حضرتك على موضوعى
ثانيا هجاوب حضرتك بالظبط
1- عايش فى حدائق الاهرام
2-مليش خبرة فى اى حاجة غير فى ادارة الفنادق وكنت شغال فى دبى مش فى مصر وكان ليا هوايات تربية الحيوانات والطيور بس ما اظنش انها ممكن تحققلى مكسب كويس
3-الرووف يعتبر الدور السادس وشقتى اللى تحته فى الدور الخامس
4-حاليا متفرغ تماما
5-راس المال عربية ممكن ابيعها وازاود عليها وساعتها هيبقى معايا فى حدود 80 الف
بالامانة احلي مشروع تقدر تعمله - هو عربية فول مودرن شوية مش بلدي - غطيها بالزجاج زي عربات تركيا واقف في حتة كويسة واهم حاجة النظافه - اعتقد لو متوسط الناس اي حتاكل عندك ١٠٠ واحد يوميا يبقي ٤٠٠ جنية يوميا وصافي ربحك حيبقي متين جنية يوميا - بس مش عايزة كسوف وتقول انا خريج جامعه - انت لو سافرت برة ممكن تغسل صحون ليه ماتبقاش صاحب مشروع جوه بلدك وحاول تبتكر وتطور وده الجديد - لانك متعلم وبتفهم احسن من الي واخدين بشله وواقفين علي عربية فول
وابقي اعزمني علي العربية لما تفتحها - ،،،،،،،
Facebook.com/wshoman
وائل شومان ١١١١١١٧٠٧٧
شكرا يا جماعة للرد والمساعدة ويارب اوصل لمشروع كويس
مزرعة جمبرى مكسب ممتازززززززززز
واظن انته عارف اسعار الجمبرى
اسمع عن ناس عملتها وماشيه معاهم كويس
وانا نفسى اعملها بس مش عارف ازاى
انا بس عايز احزرك من حاجه انتا و شقتك و الروف بتاعك اصلن مخلفين لان الحدايق ٤ ادوار
انا على فكره شارى فى الخامس بس بالارضى
و صديق ليا عمل تجربتك و عمل الروف مشروع
و خلى الحى و الكهربا و الميه و كل الجهات الحكوميه خدت بالها من العماره دى اولا
تانى حاجه حلبوه فلوس انتا عارف بقى الشاى
و فى الاخر قفلها و باع شقه و رجع سعوديه
احزر لان هما بيسكتو على مخلفات المبانى لاكن يشوف مشروع تلقيه فى ثانيه عندك عايز الاتاوه
وولاد الحلال كتير
لو المكان كويس .. ممكن يبقي Cafe كويس أوي .. و في كافيه في المهندسين نفس الحكايه و شغال زي الفل ما شاء الله .. و ربنا يوسع عليك ..
متابع باهتمام وجزيل الشكر لكل من يشاركنا بافكار قد تفيد وتكون سبباً في خير ورزق لبعض مننا
متااااااااابع بإهتمام ..
بالتوفيق ان شاء الله
هاتلك اصاري زرع وورد ورد للمحلات
[url=http://www.nourislamna.com/vb/t10146.html]
يا ريت حضرتك تشوف اللينك ده يمكن يفيدك
[url=http://www.nourislamna.com/vb/t10146.html]
فكره الورد والزرع فكره ممتازه ومش مؤذيه لجيرانك واكيد فيها مكسب حلو اعمل دراسه واسال فيها
وربنا يوفقك انشاء الله
طيب تمام
كدة هحصر لك المشاريع اللى مينفعش تتنفذ :
1 - كل المشاريع الخاصة بتربية الدواجن والارانب ......الخ لانها بتعمل ريحة فظيعة بسبب فضلات الحيوانات والكلام دة عن تجربة ومعايشة
2 - كل المشاريع اللى بتحتاج مكان متقفل كويس ونضيف زى صالة جيم او ماشابة
3 - اى مشروع انتاجى فية حاجات تقلية لانك بتقول ان الرووف فى الدور السادس فهيبقى شيل حاجة وتطليعها مشقة جامدة
4 - المزارع السمكية المصغرة عشان هتعمل ريحة زفارة جامدة
ـــــــــــــــــــــــــ ـــــــ
كدة حصرنا الحاجات اللى مينفعش تتعمل عشان متضيعش وقتك بالبحث وراها
ـــــــــــــــــــــــــ ـ
نييى للحاجات اللى تنفع:
1 - تربية عصافير زينة بكل انواعها والتجارة فيها
2 - نباتات الزينة اللى بتستخدمها المحلات بتاعة الورد بس لازم تعمل رفوف كتير فوق بعض
3 - ورشة تصنيع منتجات جلدية (محافظ - شنط حريمى - شنط هاندباج..........الخ) تقريبا منعدمة الضجيج
4 - التجارة بمعنى انك تستخدم الرووف نفسة كمخزن لو نويت تعمل اى نشاط تجارى للتوزيع يعنى يبقى معاك العربية اللى هتوزع بيها وعندك المخزن اللى هتخزن فية ودى انا برجحها
دى كدة الافكار اللى حاضرة فى ذهنى دلوقتى حالا ولو جة فى ذهنى اى افكار تانية هكتبهالك
طيب انا عندى فكرة
بدل ماتجازف بفلوسك فى مشروع......... طيب ما فية شركات بتطلب مندوبين توزيع بسيارة ودول بيكون ليهم مرتب وعمولة لانك فى الحالة دى عبارة موظف جوكر .....يعنى سائق + مندوب مبيعات + سيارة (يعنى لقطة)
دور فى جريدة الاهرام بتاعة يوم الجمعة
ودور على النت باهتمام وتركيز اكيد هتوصل لحاجة
100 100.
انا وصحابي كنا شاريين كلبين دكر. و نتاية
خلفو 6 بعناهم وبعنا الدكر والنتاية كسبنا 5000
واحنا كنا صارفين باﻷكل وكلو 2000
وعلي فكرة مشروع مربح اوي بس عايز صبر وفراغ عشان الاكل والتنضيف
شفت مشروع لاحد الاشخاص على التليفزيون
عامل على سطح بيتهم مزرعة خضروات كبيرة
مسطحات خشبية مغلفة ببلاستك عشان لما تسقي الزرع مينزلش منه المايه
بيزرع طماطم وخيار وفلفل وبصل وثوم وخلافه كل ما هوا بسيط
المسطحات الخشبية دي على استندات حديد اسال كويس في زراعة الحاجات دي وافهمها
وتوكل على الله . وبيع منتجاتك دي بالجمله لـ محلات الخضروات
المشروم او عش الغراب
ليست لدى خبره
لكن كل اللى اعرفه انه بيتم زراعته على ارفف
حضرتك ممكن تعمل بحث
واعتقد انه هيكون مشروع غذائي مربح
شكراااااااااا يا جماعة على محاوله المساعدة وربنا يجازيكوا خير ان شاء الله
اخى العزيز
رأيى الا تجازف بانفاق المبلغ اللى معاك وتحاول تحقق دخل من استغلال مجهودك الشخصى وسيارتك يعنى تخللى المبلغ الكاش امان معاك للطوارىء لا قدر الله
ولو العربية حالتها وموديلها كويس ممكن تشتغل بيها سائق لدى شركة او حاجة كده
ربنا يرزقك من وسع ان شاء الله
مجال خبرة حضرتك ايه
لو ليك خبرة فى المستلزمات الطبية ممكن تعمل شركة مستلزمات طبية يعنى بتعمل
ستوك شرائح ومسامير او عدسات الى بتركب داخل العين وممكن محاليل الغسيل الكلوى وممكن كمان الخيوط الجراحية وكمان عندك الجبس الطبى بانواعه وتحاول تتعاقد مع المستشفيات الخاصة وحتى الحكومية مع توفير علب الات لأيجار مع استغلال الرووف كمخزن لتلك المستلزمات
(مشروع مربح جدا لو ليك خبرة )
بيع الكلاب لا يجوز شرعا و فلوسها حرام اساسا ......
تحريم بيع الكلب - islamqa.info
انا من رأى استغل فراغك وسيارتك