الموضوع: لو عندك رووف فوق شقتك تقدر تستغله فى مشروع

شويه كتاكيت وبط وحمام :-)

المشاركة الأصلية كتبت بواسطة zarif

حاجات كتير ممكن تعملها بس دة بيرجع لاكتر من حاجة
1 - انت عايش فين
2 - انت بتفهم فى اية
3 - الرووف فى الدور رقم كام
4 - متفرغ ولا شغال
5 - راس المال المتاح معاك اد اية

اولا شكرا لرد حضرتك على موضوعى
ثانيا هجاوب حضرتك بالظبط
1- عايش فى حدائق الاهرام
2-مليش خبرة فى اى حاجة غير فى ادارة الفنادق وكنت شغال فى دبى مش فى مصر وكان ليا هوايات تربية الحيوانات والطيور بس ما اظنش انها ممكن تحققلى مكسب كويس
3-الرووف يعتبر الدور السادس وشقتى اللى تحته فى الدور الخامس
4-حاليا متفرغ تماما
5-راس المال عربية ممكن ابيعها وازاود عليها وساعتها هيبقى معايا فى حدود 80 الف

المشاركة الأصلية كتبت بواسطة eng wael

شويه كتاكيت وبط وحمام :-)

شكرا لرد حضرتك على الموضوع
بس تفتكر انه ده ممكن يبقى مشروع اقدر اعيش من دخله

المشاركة الأصلية كتبت بواسطة samoreception

شكرا لرد حضرتك على الموضوع
بس تفتكر انه ده ممكن يبقى مشروع اقدر اعيش من دخله

اكيد لا طبعا الا لو عملته على مساحه كبيرة وده ممنوع طبعا واكيد الناس هتبلغ عنك
انا كنت متخيل حضرتك عايز تستغل المساحه مش اكتر
انما موضوع مشروع ليحقق مكسب تتعايش منه فده محتاج بحث وتفكير وتوجيه لامكانياتك
انتظر ردود اصحاب الخبرة
موفق ان شاء الله

المشاركة الأصلية كتبت بواسطة eng wael

اكيد لا طبعا الا لو عملته على مساحه كبيرة وده ممنوع طبعا واكيد الناس هتبلغ عنك
انا كنت متخيل حضرتك عايز تستغل المساحه مش اكتر
انما موضوع مشروع ليحقق مكسب تتعايش منه فده محتاج بحث وتفكير وتوجيه لامكانياتك
انتظر ردود اصحاب الخبرة
موفق ان شاء الله

بالامانة احلي مشروع تقدر تعمله - هو عربية فول مودرن شوية مش بلدي - غطيها بالزجاج زي عربات تركيا واقف في حتة كويسة واهم حاجة النظافه - اعتقد لو متوسط الناس اي حتاكل عندك ١٠٠ واحد يوميا يبقي ٤٠٠ جنية يوميا وصافي ربحك حيبقي متين جنية يوميا - بس مش عايزة كسوف وتقول انا خريج جامعه - انت لو سافرت برة ممكن تغسل صحون ليه ماتبقاش صاحب مشروع جوه بلدك وحاول تبتكر وتطور وده الجديد - لانك متعلم وبتفهم احسن من الي واخدين بشله وواقفين علي عربية فول
وابقي اعزمني علي العربية لما تفتحها - ،،،،،،،

Facebook.com/wshoman
وائل شومان ١١١١١١٧٠٧٧

شكرا يا جماعة للرد والمساعدة ويارب اوصل لمشروع كويس

المشاركة الأصلية كتبت بواسطة wshoman

بالامانة احلي مشروع تقدر تعمله - هو عربية فول مودرن شوية مش بلدي - غطيها بالزجاج زي عربات تركيا واقف في حتة كويسة واهم حاجة النظافه - اعتقد لو متوسط الناس اي حتاكل عندك ١٠٠ واحد يوميا يبقي ٤٠٠ جنية يوميا وصافي ربحك حيبقي متين جنية يوميا - بس مش عايزة كسوف وتقول انا خريج جامعه - انت لو سافرت برة ممكن تغسل صحون ليه ماتبقاش صاحب مشروع جوه بلدك وحاول تبتكر وتطور وده الجديد - لانك متعلم وبتفهم احسن من الي واخدين بشله وواقفين علي عربية فول
وابقي اعزمني علي العربية لما تفتحها - ،،،،،،،

facebook.com/wshoman
وائل شومان ١١١١١١٧٠٧٧

رغم انى مش صاحب السؤال بس دائما وابدا بقول انه احسن مشروع ومكسبه ممتاز ومستخبى يعنى محدش هيبصلك فيه رغم ان ذى ما حضرتك بتقول ممكن يدخل اكتر من 400 جنيه يوميا
وربنا يوسع علينا جميعا
تحياتى