الموضوع: أعتذار رسمى للوكيل جيت موتورز و شركة وولفر و ادارة المنتدى

ثالثا انا كل الاعضاء تعودوا منى انى باسال كتييييير بدون جرح او ذم لكرامة و سمعة احد يمكن لو استاذ كريم فاكر ساعة ما كتب ان جريدة الشروق عملت مقال عن منتدانا الغالى انا اول واحد سئلت " هو ده مش اعلان ؟ " من غير ما قول " يا نصاب يا كريم ده اعلان " بعد كده ا كريم رد و وضح اللبس و لم اعلق عليه و عملتله لايك

كل اللى كان فى دماغى ان اصحاب المنتج يردوا على استفسارى و يوضح لينا كلنا كاعضاء للمصلحة العامة
انا كان ممكن ابعت رسالة قصيرة للعضوية التجارية تجاوبنى بس انا حبيت ان كلنا نستفيد
و للاسف حدث ما حدث ووصل للشركة - عندها حق - شئ عكس نيتى تماما
و رغم ان انا الجانى هنا لكن انا حسيت ان كرامتى و سمعتى اتهانت كما الشركة لان عمرى فى حياتى ارضى ان شخص يصيبه منى مكروه بقول او فعل حتى ولو هو الغلطان
فانا نفسى بكون متضايق من ما اصاب غيرى و على راى احد اقاربى " انت عبيط مفيش حد كده الايام دى "
عامة اللى عايز يكدب فهذا رايه انما دى حقيقتى

انا عضويتى فى شهر 6 تقريبا هتكمل سنة كنت فرحان جدا و كنت هححتفل بيها مع انى مبحتفلش بعيد ميلادى حتى و بنساه
ده لانى بقول على نايل موتورز بيتى التانى لانى فى الحقيقة انا معنديش اصحاب غير واحد بيدرس بالقاهرة و يروح الاجازة بالسعودية عشان عمل اهله
و طول اليوم محبوس فى البيت
اتقهرت نفسيا لما لقيت أ كريم وانا بحترمه جدا بيقول انى من النوعية اللى بتشهر من الكيبورد , طبعا عنده حق يقول كده و اكتر بس وصله كما الجميع انى مجرم ووصلهم عكس نيتى
للعلم انا طالب حقوق اينعم انا لسه مدرستش كلام السب و القذف و التشويه و التشهير انما انا عارفها و متربى على احترام الاخرين و لو اخطؤا هم فى حقى

انا و الله لوكنت فى القاهرة كنت روحت للشركة ووضحت كل شئ واعتذرت عن ما حدث عكس نيتى
انا بعتذر كمان مليون مرة لسياق الاحداث و لأستاذ كريم على اللى حصل و تعبه معايا من دون حتى سؤال منى
حضراتكم مش هتصدقوا اللى هقولوا دلوقتى " كل اللى حصل ده نتيجة انا كنت ناوى اغير للولفر عشان انا بستخدم نوعية اجمع عليها الاعضاء بالرداءة بسبب ان المالك الاول كان بيستخدمه فبعد ملقيت الكل بيشكر فيه اقولت اشوف الشهرة دى خاصة ان الشركة مشكورة بتبعتوا مجانا بارامكس"

ارجو حذف الموضوع الفقرى ولو حد عنده سؤال هرد عليه بعد فترة كده مش علطول لانى محتاج اتنفس الصعداء
بقالى يومين عندى هبوط و مأكلتش حاجة والى شربتوا رجعتوا كله ولسه كنت فى المستشفى امبارح اخدت مهدئات ومعرفتش انام برضه انا نميت بتاع اقل من 4 ساعات و مش قادر اقول لاهلى انا تعبان ليه ولا روحت كلية ولا ذاكرت حاجة و الامتحانات اتقدمت شهر كامل

المشاركة الأصلية كتبت بواسطة J A G U A R

الاكونتات بتاعتك دى اتوقفت ولا ايه ..

ايوه اتوقفت

المشاركة الأصلية كتبت بواسطة insurancebroke

ياترى سبب الاعتذار ايه
كلامك غلط
زلا ايه السبب
اكيد من حقنا نعرف
وعرفت منين ان كلامك غلط
ممكن تقول الاسباب اللي خلتك ترجع عن كلامك
زي ماكان عندك 3 اسباب لكلامك اكيد فيه اسباب لرجوعك عن كلامى والاعتذار
واظن ان من حقنا نعرف

انا كتبت التوضيحات لو فى حاجة لسه مبهمة قولى

المشاركة الأصلية كتبت بواسطة m i d o

حضرتك ليك كذا اكونت ودة في حد ذاتة ضد قوانين المنتدي بس ما علينا انت عامل اكونت جديد لسة لية هوة حضرتك معمول ليك ايقاف ؟؟

استاذ ميدو ليك وحشة , بالفعل انا اتوقفت موقتا و انا عملت ده عشان ابين و اوضح الاحداث والنويا