افضل شاشات التليفزيون (سوني - سامسونج - ال جي -باناسونيك ) مقاس 46 بوصة من حيث جودة الصورة و الضمان و كل التفاصيل ... في انتظار خبراتكم وا ارؤكم
افضل شاشات التليفزيون (سوني - سامسونج - ال جي -باناسونيك ) مقاس 46 بوصة من حيث جودة الصورة و الضمان و كل التفاصيل ... في انتظار خبراتكم وا ارؤكم
إل جى عن تجربة هى الأفضل سعرا و إمكانيات و صورة فى الكورى و سونى الأفضل فى اليابانى بس سعر السونى عالى جدا مع العلم إن عندى الثلاث ماركات سونى و سامسونج و إل جى و كلهم سمارت و فول إتش دى و ال إل جى 3 دى كمان و هو بسم الله ما شاء الله أفضلهم كما ذكرت
بدون تفكير سامسونج سعرها معقول
السوني ممتازة ولكن سعرها غالي كتير عن السامسونج بالرغم اني خط انتاج شاشات السوني في مصانع سامسونج
ابعد عن ال lg
ممكن الاسعار يا جماعة وتفاصيل اكتر واماكن الوكيل لكل منهم وخدمة ما بعد البيع
السونى اعلاهم لكن فى الكورى ال lg أحسن من السامسونج السامسونج مشاكلها كتير وبتجيب دايرة باور بسرعة
عن تجربه سنوات سامسونج رقم1
يليه ال جى
سوني الغالى تمنة فية
انا عندى ال جى محترم جدااااا
ازاى بس المعلومه دى جديده على فعلا
على فكره كنت شارى سامسونج ايام ماكان ال 32 بوصه ب 12 الف
وبعته بعد فتره واشتريت سامسونج سيريس 6 وموجود عندى من فتره كبيره وعندى ال جى 47 موديل 6610 ثرى دى يعنى زى ماتقول خبره وبنصح بسامسونج اولا للى هيشترى
وبالنسبه لتلفزيون سونى الغالى ........... حضرتك سامسونج هى اللى بتعمل للسونى الشاشه لان سونى مكنتش بتقدر تعمل شاشه اكبر من 29 بوصه بدون مشاكل فلجأت لسامسونج لتكبير شاشاتها فسامسونج عملت معاها شراكه وهى اللى بتعمل لهم الشاشه المعلومه دى كنت عارفها من ايام ماكنت بشترى اول تلفزيون ومكنتش لاقى حد يعطينى خبره عنه لانه مكنش منتشر اصلا وكان حاجه جديده
انا احترت بصراحة لاني في نفس موقف صاحب الموضوع
ال جي ولا سامسونج
انا عندى ال جى 47 بوصه شغال معايا تمام وصورته ممتازه.
نصيحه ....انزل كارفور مثلا واتفرج على التلاته وشوف امكانيتهم و اسعارهم واللى تدخل مزاجكك اشتريها.
ياجماعه الموضوع مش محير ولا حاجه هى المشكله ان اللى عنده شاشه يظنها الافضل بس خلاص
كان ردى على موضوع ان السامسونج بيضرب باور ودى اول مره اسمع عنها
وعندى من فضل الله السامسونج وال ال جى والاثنين اكثر من رائعين ومن تجارب ناس كتيره جدا
الفاهم فى الشاشات بيكون اختياره محصور بينهم وفيه شركات كان لها سمعه طيبه جدا فى التلفزيون العادى ومقدرتش تدخل منافسه مع العملاقين دول زى توشيبا مثلا
وكل واحد بينقل تجربته
والافضل روح كارفور فعلا واتفرج على الشاشات وشوف النتيجه وان شاء الله اختيارك مش هيطلع غير من الاتنين دول سامسونج وال جى
يا جماعة يعني تفضلوا مين وايه الاسعار وايه اهم حاجة اخد بالي منها وانا بشتري ... يعني انا قريت عن الترو موشن للشاشة وده بيفرق في جودة الصورة نفسها ولا حظت ان اعلي ترو موشن في ال جي و سوني وطبعا كل ما زاد الترو موشن كل ما السعر زاد .. فياريت اللي عنده شاشة يقوللي مواصفاتها وسعرها وايه رايه فيها
عن تجربه ال lg تليفزيون قوى وامكانيات عاليه ان عندى lg 3d سمارت وبصراحه صورته فى 2d , 3d نقيه جدا بس برضه زى ما الناس قالتلك انزل كارفور وقارن بنفسك
على فكرة الفروقات بتبان وهما جنب بعض يعنى اللى هيشترى سامسونج او LG مش هتفرق عشان مش هيحس بالفرق فى البيت والفروقات بسيطة اساسا
انا عندى LG 47 3D و LG 50 بلازما والاتنين تحفة الصراحة
سامسونج تحفة أكيد بس اللى خلانى مجبهاش اولا أغلى من ال LG بفارق محترم + تقنية ال 3D فى ال LG أفضل من سامسونج وانا جربت الاتنين :)
نصيحتى بقه للى مقبل على شراء تليفزيون جديد :) حاول حاول حاول تجيب شاشة كبيرة مش أقل من 47 بوصة ولو تعرف تجيب ال 55 أو أكتر كمان تبقى فل الفل ليه بقه؟؟
انا لما جبت ال47 بوصة وحاططها فى قوضة 3.5x3.5 متر كنت مفكرها كبيييييييييييرة لكن فى جو الافلام وانت طافى النور وبالأخص لو بتتفرج على فيلم 3D حسيت انها صغيرة وكنت بتمنى انها تكون 55 أو 60 بوصة كمان :)
فى حاجة كمان عايز اقولها لو مش عايز 3D متجبش التليفزيون سمارت ووفر الفلوس احسن ليه بقه؟؟ أقولك ليه :)
اولا ولا ليها اى لازمة ولو جربته مرة وفتحت النت هتكره حياتك :) ومش هتستخدمه تانى
ثانيا بطييييىء والسوفت رخمممم يمكن فى الموديلات الجديدة عدلوا الموضوع ده معرفش بس هو عموما حوار فاشل السمارت ده
وريموت الماجيك اختراع برده وحلو وبتتحكم فى الشاشة زى الماوس لكن برده اللى مرخم الموضوع السوفت البطيىء :(
هديكوا كده شوية خيارات من اول ميزانية 10 ألاف واحنا نازلين والترتيب هيكون من الاعلى سعرا ومواصفات طبعا للأقل
فئة ال 55 بوصة 3D
1- 55LA6600 ب 9490 جنيه ودى عليها خصم محترم جداا ومعاها شوية هدايا حلوة
ال جى شاشة ال اى دى 55 بوصة 3 دى سمارت 400 ام سى اى و هدايا رسيفر فول أتش دى و كابل و كيبورد ماوس ويرليس TV 55LA6600 – القاهرة للمبيعات – LG مصر
2- 55LA6210 ب 8990 جنيه واللى يخلينى أجيب دى لآ أزود شوية وأجيب اللى فوقها :))
ال جى 55 بوصة ال اى دى فول اتش دى سمارت ثلاثى الابعاد TV 55LA6210 – القاهرة للمبيعات – LG مصر
3- 55LM6610 ب 8400 جنيه انا عندى الموديل ده بس ال47 وبلاش الموديل ده تجيبه مش عشان هو وحش لآ عشان يعتبر قدم واللى فوق أحدث منه
شاشة ال جى 55 بوصة البعد الثالث ال اى دى Model: 55LM6610 – القاهرة للمبيعات – LG مصر
فئة ال 50 بوصة 3D
تقريبا هى فئة واحدة اللى لقيتها 50LA6210 ب 7500 جنيه ونفس موديل ال55 لكن 50 وسعر اقل أكيد
ال جى 50 بوصة ال اى دى فول اتش دى سمارت ثلاثى الابعاد TV 50LA6210 – القاهرة للمبيعات – LG مصر
فئة ال47 بوصة 3D
فى موديلات كتير 47 بوصة بتلعب فى رينج ال10و9 و8 الاف طبعا بتبقى موديلات أعلى لكن معلش الفئة السعرية دى تجبر أى حد انه يجيب ال55 بوصة من اللى انا قولت عليهم فوق :)
لذالك لو عايز تجيب 47 بوصة عشان توفر فلوس او مش عايز أكبر من كده يبقى مفيش قدامك غير الموديل ده
47LA6210 ب 6490 جنيه وسعره كويس على فكرة مقابل امكانياته انا كنت جايب بتاعتى ب 9000 جند :) بس ده من سنة ونص تقريبا
ال جى 47 بوصة ال اى دى فول اتش دى سمارت ثلاثى الابعاد TV 47LA6210 – القاهرة للمبيعات – LG مصر
كده بالنسبة لل 3D وهتقول فى بالك طب انا متكلمتش عن ال 42 بوصة و ال 32 ليه؟؟ أقولك خسارة فيهم الفلوس
عشان ال3D بالذات مينفعش غير مع الشاشات الكبيرة والصغيرة دى لعب عيال :)
نيجى بقه للشاشات ال LED بس مش 3D ولا حتى سمارت
1- 47LN5400 دى ب 4890 جنيه سعرها حلو جداا وشاشة Led محترمة لو انت مش محتاج ال3D
ال جى شاشة 47 بوصة ال اى دى فول اتش دى TV 47LN5400 – القاهرة للمبيعات – LG مصر
2- 42LN5400 ب 3890 جنيه لو عايز حجم أقل شوية
ال جى شاشة 42 بوصة ال اى دى فول اتش دى TV 42LN5400 – القاهرة للمبيعات – LG مصر
أقل من كده هيبقى كله شبه بعض
أى خدمة ياشباب :)
Lg 47 3d
تحفههه عالم تانى خالص
لو ميزانيتك تسمح هات اكبر 50 او 55 بوصه
دى الأبعاد اللى لقيتها ومش عارف مظبوطة ولا لآ بس اعتقد منطقية 124.6cm x 72.1cm x 7.72cm
وعلى فكرة لما تتعلق على الحيطة بتصغر :) ومع التعود هتحس انها عادية جدااا ومش كبيرة
فى رأيى ال LG أفضل كسعر وتقنية 3D أفضل من السامسونج والسونى
تسلم ياباشا وانت راجل ذواق برده فى عالم الصوتيات والأفلام :)
بخصوص سامسونج زى ماقولت قبل كده انا مكنتش جبت سامسونج لغلو سعرها وتقنية ال 3D فى LG أفضل وطبعا لاغبار على شاشات سامسونج
لكن ال LG بتقدم شاشات جبارة برده ومتقلش ابداااا عن سامسونج ان مكنتش افضل منها كمان
Lg lz 47 3d cinema
سواء lz او 3d lw او lA 3d
كلهم واحد بس مجرد تحديثات زي الشكل العام ..او الفريم او القاعده او سمارت تي في اللي ملوش اي لازمه
لكن جودة الشاشه وده المهم واحده فيهم ..الكلام علي ال 3d
بالنسبه ليه الاكبر افضل في ال 3d مش هعرف اشرح ليه ..بس لما تشوف علي الطبيعه هتفهم.... تقدر تقول قصه الصوره ال 3d في الحواف بتضيع الابعاد...ممكن حد هنا يشرحلك بطريقه ابسط
يجب مراعاه حجم المكان علشان تحدد حجم الشاشه لو الميزانيه تسمح
انا حاطط 47 بوصه فى صاله 8 فى 10 حاسس ان ملوش لازمه يعنى اللى ينفع كان اقله 60 بوصه
وبالنسبه لتفضيل ال جى عن السامسونج فى الثرى دى كان فرق السعر فقط نفس الموديل فى السامسونج اعلى بحوالى 4الاف جنيه لكن سامسونج رائع جدا وال جى بردو رائع
سونى رقم واحد بدون منافس
ال جى رقم واحد فى الكورى والسعر المتوسط
سامسونج عامله طفرة لكن ال جى افضل
lg افضل عن تجربه وبعد حيره نفس حيرتك بالضبط واخيرا استقريت علي lg 55 la 8600
اكثر من رائع في 3d وايضا الماجيك ماوس خطير لابعد الحدود وكمان موصل عليه هارد 2تيرا كله افلام hd و 3d وشغال بدون مشاكل ولا اي تعليق
بعد كلامك وكلام الاخوة الافاضل عملت سيرش تاني وكلمت ال جي وكده ... المهم الشاشة ال 55 اللي حضرتك حطيتها في الاول الترو موشن بتاعها ضعيف 400 ام سى اى وفيه موديل la 7400 ده بـ 13 الف الترو موشن 800 ام سى اى يعني الفرق فلوس 3000 جنيه
لما سالت علي نفس الامكانيات لقيتها في 47 بوصة ب 8000 جنيه تقريبا ... فايه رايكم في موضوع التروموشن (مؤشر وضوح الحركه) من 400 ل 800 غير ان فرق السعر
هاعدي علي ال جي واقولكم الدنيا فين وبجد شكرا ع التفاعل والتوضيح ...
نفس الموضوع بدور علي شاشة 40 وتكون سامسونج او ال جي
وتكون من مكان مضمون وكويسة
ومش عاوزها سمارت
السادة الاعضاء الافاضل
احب انقلكم المشاهدة العملية بعد زيارة توكيلات هايسنس ... ال جي .. سامسونج ... المهم ... هايسنس مستبعد تماما ...
انا اتفرجت علي موديلات كتير افضلهم من حيث السعر والجودة في ال جي
LA 7400 & LA 8600 الفرق مابين الاتنين يادوبك كاميرا و مدخل HDMI ... ده لينك المقارنة
http://www.lg.com/eg_ar/compare/comp...ar/televisions
... الاتنين 800 ميجاهيرتز كمعامل نقل الصورة ودي من اهم النقط اللي لاحظتها في جودة الصور هناك في ال جي الباقي الصورة ضلمة شوية وفيها ضل ..
قبل منسي سعر LA 7400 تسعة الاف جنيه والتاني 10000 جنيه
نيجي لسامسونج هي افضل كنقاء صورة بس اغلي حوالي 3000 جنيه اسم الشاشة Series 8 وبرضه هي 47 بوصة
http://www.samsung.com/eg/consumer/tv-audio-video/television/led-tv/UA46F8000ARXEG
في انتظار الافادة علما اني مستكتر 10000 جنيه في شاشة بس سامسونج تبان افضل بس السعر 12000 بعد الخصم
يا رجالة انا عايز lg la6210 50 بوصة و مش لاقيها خالص حد يعرف شاشة 50 و تكون فى نفس المستوى ؟