الموضوع: مشاكل بدايو لانوس2 ارجو المساعدة

وعندك عضو مستجد داخل القسم
اسمع ضرب نار وسلام صعيدى
..........
هجاوبك على كل حاجة على قد خبرتى

المشاركة الأصلية كتبت بواسطة ادوارد

السلام عليكم اخواتى الافاضل
وعليكم السلام ورحمة الله وبركاتة
انا لسة شارى دايو لانوس2 موديل 2002
الف مبروك
لاحظت بعض الاشياء ومحتار فيها ارجو المساعدة
اتفضل
1- اسمع صوت كركرة فى الشكمان من الخلف وانا اتحرك بالسيارة
دى غالبا العلبة اللى ورا سايبة فى مكانها روح لواحد بتاع شكمانات يبص لك عليها ودى صورتها اللى انا مشاور عليها بالسهم



2- السيارة تسحب بنزين وتسخن لكن المؤشر يصل حتى قبل النصف بشرطة فقط ولكن عند فتح الكبوت احس بسخونة جامدة وكأن راجع من سفر طويل عملت مراجعة لردياتير ونظفتة وغيرت ماء القربة بماء اخضر سعودى ولكن نفس العيب
دور العربية وافتح الكبوت واقعد حنبها ربع ساعة مثلا وشوف المراوح دى بتشتغل ولا لا لو مشتغلتش خلى الكهربائى يبص لك عليها ....المرواح عليها سهم



3- صوت تكتكة فى الكومبروسر والبرودة لتكييف ضعيفة
يعنى اية تكتكة فى الكمبروسور حاول تركز مع الصوت وتتأكد هوة جاى منين وتوصفة كويس
4- صوت طقة خفيفة جدا فى الجنب اليمين اوقات موجودة واوقات لااسمعها
طقة عفشة (حديد فى حديد) ولا طقة فبر
5-السحب ضعيف فى البداية لكن بعد الثانى تبقى كويسة
موتور الانوس المارد اللى جوة بيطلع بعد الاربى بى ام 3
ارجوك طمنى اخى ودلنى على الاماكن الصح لانى دفعت 200 جنية شحن وزيت لتكييف ولكن نفس العيب ارجوك ساعدنى لكى لا اقع تحت ايدى النصابين والمحتالين
جزاك الله كل خير عنا وحفظك لاسرتك
اعمل الاول موضوع الشكمان وانا متابع معاك

المشاركة الأصلية كتبت بواسطة ادوارد

سلام كبير اوووووووى لابن عمى انا سوهاجى يابوى اتشرفت بيك
منور المنتدى ياباشا
الله يبارك فيك ويباركلك فى كل ماتملك
ربنا يعزك
نشوف بتاع شكمان دلنى ياولد عمى لبتاع شكمان كويس قريب من مصر الجديدة
للاسف انا من العاشر من رمضان فمش هعرف ادلك على حد كويس .......بس متقلقش اغبى واحد بتاع شكمانات هيعملهالك.......غالبا علبة الشكمان اللى ورا سايبة

تمام ياولد عمى المراوح شغالة بس لية بتسحب بنزين 15 لتر من العباسية لمصر الجديدة ثلاث مرات ومرتين من رمسيس الى مصر الجديدة ولا كدة عادى واكشف على اية لسبب سحب البنزين ياريت لو تعرف كهربائى وميكانيكى كويس
بص ياباشا عشان تعرف استهلاك البنزين بتاع العربية اختار اى طريق تكون عارفة ويكون فاضى مش اقل من 40 او 50 كيلو وانت طالع مون من البنزينة لحد اول تكة فى المسدس وامشى على سرعة ثابتة 90 كم/س بدون تكييف ومتحرقش على الغيارات يعنى تغير والاربى ام ما بين 2.5 و 3 وترجع تمون من نفس البنزينة لحد اول تكة فى المسدس برضو واقسم اللترات على الكيلوهات المقطوعة هتعرف العربية اللتر بيمشيها اد اية بالظبط

الصوت جى من الكمبروسور لما اشغل التكييف صوت عامل زى اللى ماسك قطعة بلاستيك وحاططها على ريشة مروحة صوت قررررررر بس المراوح سليمة صوت طالع من الكمبروسور

على الوصف اللى انت بتقولة دة الصوت دة مش من الكمبروسور الصوت دة من مروحة التكييف اللى ورا درج التابلوة


وعشان نتأكد متدوسش على زرار التكييف اللى هوة A/C وشغل المروحة بس بالتدريج على الاربع سرعات وشوف الصوت بيزيد ولا لأ


وبعدين هقولك تعمل اية بنفسك بدون صنايعية بعد ما اتاكد بس

الطقة صوت فبر فى فبر مش صاج فى صاج بحسها فى الدركسيون
رجع الكرسى بتاع السائق لورا
افرش اى حاجة تنام عليها على ضهرك ودماغك ساندة على الدواسات
خد معاك كشاف او موبايل فية كشاف
حرك الطارة يمين وشمال وشوف اية اللى بيحك
لو على وصفك فبر فى صاج فانت احتمال تلاقى الفبرة دى مكسورة


تمام اخى طب قولى على مكان كويس اعمل فية الشكمان
جاوبتك فوق

جزاك كل خير ياولد عمى
تحت امرك ياباشا ومتابع معاك واحدة واحدة بالصور والشرح التفصليلى لحد ما تخلص كل المشاكل اللى عندك بدون ما حد يشتغلك