الموضوع: مساعده من اهل الخبرة الله يكرمكم

المشاركة الأصلية كتبت بواسطة ahmedalaahosny

البي واي دي الجديده نازله بمكنة هوندا 1500 سي سي وتقفيل صيني يعني افضل من التقفيل المصري بمراحل وكمان العربية دي شغاله تاكسي من زمان وبص عليها لسة الي حد كبير محتفظه برونقها مابقتش مخلعه زي الشاهين مثلا مع العلم ان استخدام سيادتك استحاله يكون اسوء من استخدام سواق التاكسي يعني بيحطلها 80 او ممشيها غاز وشغاله ورديتين او تلاته ف اليوم مافيش بعد كده مرمطه

ماعلش قصد حضرتك الموجودة حاليا و لا التى سوف تنزل لسة
ازاى موتور هوندا هو موش موتور متسوبيشى وازاى تقفيل الصين موش تجميع هنا
سعرها كام لو سمحت

المشاركة الأصلية كتبت بواسطة M.Muhamady

انا ان شاء الله نويت خلاص و صليت صلاه استخاره انى هجيب ال byd 2014 ان شاع الله بس كنت بسال على كام حاجه لو ممكن تفيدونى

1- هو فعلا الموتور ميسوبيشى يعنى لو لقدر الله حصل حاجة ممكن اجيبله قطع غيار ميتشوبيشى
2- هل فعلا الفتيس الاوتوماتيك يابانى 100%
3- هل ممكن الاقى تابلوه كله اسود مش الى هو لونين
4- هل حد معاه العربيه من اى مديل قديم و ماشيه مثلا 130000 ولا حاجة و هلى عملت معاه مشاكل
5- هل العربيه دى تقدر تعيش معايا فترة كبيره وتستحمل سفر من غير ما تخستع فى النص
6- هل لو حيبت العربيه دى مش هرمى فلوسى فى الارض
7- و اخيرا فين افضل مان اجيبها منه و يكون مضمون و عنده الوان كتير منها ؟؟

والله اسف جدا على الاطاله بس محتاج مساعدتكم جدا يا اهل الخبره فى العربيه بالله عليكم الى عنده معلومه مهمه مايبخلش عليا بيها ارجوكم و شكرا للجميع

ياباشا اولا ربنا يباركلك فيها ويكفيك شرها ويديلك خيرها لو هتجيبها وثانيا انا معايا BYD 2014 هاي لاين اوتوماتيك وعامله دلوقتي 10 الاف بالظبط ومعايا من شهر 10 اللي فات تقريبا وياريت اكون اقدر اساعدك علي الاجابه
اول حاجه هي ماتور متسوبيشي فعلا مش تكنولوجيا متسوبيشي بس لا قطع الغيار حتي متسوبيشي
وتاني حاجه الفتيس بتاعها فعلا ياباني 100 % وبيستحمل جامد حرق غيارات ووقت ما بتحب تكبس فيه بيساعدك ويلبي النداء
وثالث حاجه انا لغايت دلوقتي الحمد لله معملتش معايا مشاكل ولا اي حاجه غير ان كان عندي فيشه مهزوزه ف الفتيس روشتني شويه بس الحمد لله لقيتها وعملت بيها موضوع هنا ف المنتدي
ورابع حاجه العربيه تستحمل سفر وكل حاجه ماشاء الله انا علطول بطلع بيها مشاوير وسفر بورسعيد والسويس والتكيف كمان شغال ومش بتقول لا ماشاء الله يعني وامبير الحراره دايما ع النص بس الحمد لله بسم الله ماشاء الله يعني
وخامس حاجه اللي هي المفروض الثالثه ومشوفتاهاش التابلوه بتاعها كلها لونين يعتبر فيراني وبيج والفرش بتاعها جلد طبيعي بيج ودي اكتر حاجه معصباني ف العربيه انها بتتوسخ بسرعه اوي بس هجيبلها فرش ان شاء الله قريب والتابلوه مهتم بيه علطول مش بيتوسخ الحمد لله
وسادس حاجه ان شاء الله لو جبت العربيه دي واهتميت بيها وحافظت عليها لأن اي عربيه زيرو مهما كان تمنها او نوعها لو محافظتش عليها مش هتعيش لكن مع المحافظه هتعيش ان شاء الله وربنا هيباركلك فيها ومش هتبقي رميت فلوسك ف الارض
وسابع حاجه انت تقدر تجيبها من الامل اللي ف القطاميه عنده كل الالوان ويعتبر ارخص سعر او ممكن من المتحده اللي قدام النادي الاهلي انا جايب منه وبردو عنده كل الالوان وجميع الفئات وربنا يكرمك فيها يارب
واسف جدا ع الاطاله وياريت اكون قدرت افيدك

اسمع كﻻم مسلم مسكين
ياعم انت..
احسن دة بقى
حافظ المنهج كلة.هههههههه
ماشاء الله .تبارك الله