يا ريت يا شباب لو في حد عارف معلومات عن اناره العربيه من الاسفل زي اللي في نيد فور سبيد يعرفهاني عشان انا هموت و اركبهم
يعني مثلا بكام و ايه الانواع و هل بتأثر عالعربيه و ظروفها مع المرور و هكذا
و شكرا لكم مقدما
عرض للطباعة
يا ريت يا شباب لو في حد عارف معلومات عن اناره العربيه من الاسفل زي اللي في نيد فور سبيد يعرفهاني عشان انا هموت و اركبهم
يعني مثلا بكام و ايه الانواع و هل بتأثر عالعربيه و ظروفها مع المرور و هكذا
و شكرا لكم مقدما
مش عارف والله
بس هى شكلها بيبقى حلو جدااا بلذات فى الاماكن المضلمه
و معتقدس يبقى فى مشاكل مع المرور لانه مش هيشوفها و هتكون انت طافيها
بص انا سالت عنها قبل كده كنت برضوا هموت واركبها
وسعرها مش غالى خالص
بس الكارثه بقى لو خدت مطب بسرعه ولا مطب عالى هيبوظ كل شى كا ن فيه هنا موضوع شامل عنه هدور لك عليه
موجودة عند اربكوم
انا اسمع انها تعمل 350 جنيه و هتلاقيها عند محل انزو اللى فى مدينة نصر
بص هيه شكلها بيبقى جميل و كل حاجه بس بتتكسر مع مطباط مصر الحلوه اه طبعا بتبقى محميه بس مطباطنا لا يستعصي عليها شيء :pissedoff:
احنا مركبنها في الانسر بس كل شويه تتكسر و نغير اللمبه اللي تتكسر حاجه تخنق يعني
لان لو سيبناها ومغيرنهاش بيبقى شكل النور مش لذيذ :shifty:
و احنا بنجبيها من دبي مش من مصر ... بس موجوده هنا عند ارابكوم في مدينة نصر
شكرا للاخوة اللي اهتموا بالرد blazer & MiMo & badblood & theking2690
وكذلك الاخوات دموع الثلج & katkootaya
بس يا ريت تفاصيل اكتر يعني هي عباره عن كام لمبه و بيتركبوا فين و ازاي يعني ليهم اماكن مخصصه و لا بلعب في العربيه و بتبقى نازله عن العربيه كام سنتيمترو هل ليهم اضرار عالعربيه و هل بتخرج العربيه من الضمان ؟
معلش على الاسئله الكتير بس عشان الواحد يعمل حساب كل حاجه
يا خبر :nerd4: لو اعرف ان المهندس شريف مركبها في اللانسر كنت اديت بصه عليهم يوم العين السخنهاقتباس:
بص هيه شكلها بيبقى جميل و كل حاجه بس بتتكسر مع مطباط مصر الحلوه اه طبعا بتبقى محميه بس مطباطنا لا يستعصي عليها شيء http://www.nilemotors.net/Nile/image.../pissedoff.gif
احنا مركبنها في الانسر بس كل شويه تتكسر و نغير اللمبه اللي تتكسر حاجه تخنق يعني
لان لو سيبناها ومغيرنهاش بيبقى شكل النور مش لذيذ :shifty:
و احنا بنجبيها من دبي مش من مصر ... بس موجوده هنا عند ارابكوم في مدينة نصر
معلش بقى 3 اسئله سؤال غبي و سؤال تطفل و سؤال للمعرفه على الترتيب !
1- هما بيتكسروا كل قد ايه مثلا ؟يعني لو الواحد هيضحي ب 350 جنيه كل 5 او 6 شهور مش مشكله ؟
2- اشممعنى دبي عشان نوعيه احسن و لا اوفر يعني لو الحاجه اللي هناك تستاهل الواحد يتصرف ؟
3- هيا ليها زرار جوا العربيه و لا بتشتغل ازاي ؟
أسف على الازعاج
اسأل براحتك و انا او شريف نجاوبك على اي سؤال :thinking:
1- همه ملهمش مده محدده لكسرهم هوه زي ما دموع قالت لو اخذت مطب بسرعه او لو ربنا رزقك بعد الشر بمطب عالي و ما اخذتهوش بورب ده في حالة لو عربيتك واطيه زي لانسرتنا ممكن في الحاله ديه يتكسر .. يعني التحكم في عمره تحت سيطرتك انت ... وطبعا كله بأمر الله
2- شريف بيجيبه من دبي اولا لأنه بالتأكيييد نوعه انظف من اللي موجود هنا بكثير .. ثانيا ارخص من هنا .. ثالثا بقه و ديه الاهم ان ضوءه غير اللي هناا خااالص يعني بيديك هاله واسعه من الضوء تحت العربيه مش محدده زي اللي موجود هنا
3- ملهمش زرار محدد همه متوصلين على نور العربيه يعني لما بتشغل انوارك بيشتغلوا بس كده
4- عددهم 4 اتنين طوال بيركبوا في الجمب اليمين والجمب الشمال و اتنين قصيرين بيركبوا قدام تحت الكبوت و ورا تحت الشنطه
ده اللي انا اقدر اجاوبك عليه علشان ما افتيش في اي حاجه تانيه :shifty: وشريف بقه يقولك على طريقة التركيب وبيبقوا نازلين عن العربيه كام سنتيميتر
واي استفسار احنا في الخدمه :iagree:
http://www.nilemotors.net/Nile/showt...DA%D1%C8%ED%E5
اللينك ده هيفيدك ان شاء الله و هتلاقي شريف مشارك فيه ... اي خدمه :D
والله مش غاليين
انا كنت فاكر انى هسمع ارقام من فئه ال 3 اصفار 000
انا فعلا كنت بقرا في التوبيك ده دلوقتي بس برضه مستفدتش منه اوي لو مفيهاش تعب انا كنت عايز اعرف اجابه ال3 اسئله عشان هيفرقوا معايا جامد في التركيب عشان الموضوع ده مفادنيش اوي معلش انا طلباتي كتيره انا اسف بس الفلوس في ايدي :k6: و عايز انجز قبل ما تطير :k24:
انا رديت على الثلاث اسئله راجع الصفحه الاولى يا استاذ Oskar
سوري انا مخدتش بالي من رد حضرتك انا شاكر جدا ليكي تعبتك معايا بس يا ريت بقى تدي فكره للمهندس شريف و ينور الموضوع بتاعي باراءه الحاسمه
على فكره انا ضحكت اوي من كلمه استاذ اوسكار حاسسهم كده مش راكبين على بعض مستر اوسكار احسن :k18:
بس عموما انا اسمي احمد ده غير ان عمر ما حد قالي استاذ قبل كده يمكن 3 او 4 مرات اصل انا 20 سنه و لسه بدرس
الموضوع مش بالمده الزمنيه زى ما الاخت كتكوتاية قالت
حسب طريقة التركيب وحسب الطريق
كل ما تركبها فى حته اعلى احتمال انها تتكسر اقل
عشان كده انا برنكبها فوق العتب او عالى من المصفحه(لو موجوده عندك) اللى تحت العربيه عشان اى خبطه تيجى فى العربيه مش فى اللمبة
دبى فيها مركات اعلى وانظف من هنا
واللى هنا نظيف غالى وطبعا فى فرق فى قوة الاضاءة
بس العادى شغال برده وانصح بيه خصوصا انك مش ضامن هيقعوا معاك قد ايه
فى طريقتين
الطريقه الاولى انك تشغلهم مع نور التابلوه مجرد ما تنور نور التبلوه هينور معاك
الطريقه التانية انك تعملهم مفتاح خاص داخل العربيه ويبقى واخد طرف من نور التابلوه (زى مفتاح نور الشابورة) عشان لو طفيت نور التالوه يطفوا هم كمان ومش ينور الا لو منور نور التابلوه (بنعملها كده عشان ماتنساش النور منور الصبح مثلا او والعربيه مطفية)
+100000
اللى قدام واللى ورا بيركبوا بداخل االاكصدام الامامى والخلفى
شكرا يا كتكوتاية على المعلومات
بس موضوع بينزل قد ايه هتختلف من عربيه للتانيه وهتختلف فى مكان التثبيت
بقدر الامكان بنحاول نخليهم اعلى من اوطى حته فى العربيه عشان اى خبطه تيجى فى جسم العربيه ومتحصلش اللمبة
ميرسي يا ميمي على ردك و معلوماتك الهايله
طالما الواحد مش ضامن يبقى خلينا في الرخيص
انا مش فاهم موضوع المصفحه دي بس عموما انا هركبهم على لانسر بوما سبورت يعني فيها عتب ايه رأيك
بس برده محدش قادر يفهم سؤالي انا عارف ان هما بيركبوا تحت العربيه بس بيتربطوا بأيه يعني ايه اللي ماسك الاربع لمبات يا ريت يا بوب تقهمني الموضوع ده بالتفصيل معلش على الغتاته انا عارف ني متقل عليك
مفيش جديد ؟؟
اهو الرابط بتاع الموضوع اهوووووووه
شكرا يا كتكوتايه انا دخت على الرابط ده وكنت ناسيه اسم الموضوع
اضغط هنا نــــــــــــــور تحت العربيه
المصفحه دى بتبقى عباره عن سجاده صاج تحت الموتور عشان اى خبطه هى تحوشها مش تيجى فى الماتور
موضوع الربط تحت العربيه مش معضله
ممكن نربطهم بسلك او لو فى مكان ممكن تثبتهم فيه بمسمار زى مثلا داخل الاكصدام الامامى او الخلفى بنركبلهم قواعد فى الاكصدام
يعنى بنتصرف مش لازم طريقه معينه
طب يا جماعة اخبارها ايه مع المياة و غسيل العربية يعنى ممكن تدخلها مياة و تحرقها مثلا
حسب النوع اللى هتجيبه
اللمبه نفسها بيبقى حواليها بلاستك بيحميها وده شكلها
http://www.travel-inn.co.uk/products...D-Neon-Kit.jpg
وفى منه ضد المايه و الاهتزاز
شوف الرابط ده هيفيدك
http://www.solware.co.uk/customise-c...eath-car.shtml
الجديد بقى اللمبه بتبقى كذا لون زى الصوره دى
http://www.solware.co.uk/customise-c...dercar-RGB.gif
انا كنت سالت في اربكوم لقيت سعرهم 700 جنية الهيا بترعش دي
بمعني اصح بتفضل تعلي و تطوتي الاضاءة
يا محمد انت قولت من زمان انك هتركب الاندر نيون
ولا حكيت لنا عملت ايه يا ترى ركبتهم ولا صرفت نظر عن الموضوع
الكلام ده لانهى محمد؟؟؟؟ :)
انا اجلت الموضوع عشان ببيع عربيتى حاليا :(
انا مركبهم وهما بيدو لونين
ازرق وابيض وازرق في ابيض
وفيها بترعش لو عايز
يعني معاه ريموت بغير بكل ضغطة منها مرة
مرة ازرق
مرة ابيض
مرة ازرق في ابيض ثابت
مرة ازرق في ابيض متغير
مرة بيرعش ابيض
مرة بيرعش ازرق
كدة يعني
مش بيحصلهم حاجة لاني مركبهم صح وحاططهم جوة فردة الشاسية فبكدة مش بيطولهم مطبات خالص
ومن ورا حاططها في القنطرة
ومن قدام مبيتها تحت شداد الموتور
مش بشغلها كتير يعني حسب الموود
شكلها اكيد جامد ما شاء الله
طب كلفتك كام و منين
ياريت يا استاذ كريم تقول اتكلفو كام و منيين؟
متابع باهتمام
كلفوني من برة حوالي 200 وشوية
هما 4 لمبات
كل لمبة فيها ازرق وابيض
تكلفة تركيبهم حوالي 130 جنية
الصنايعية اتهبلو وفاكريننفسهم بيركبو تربو
ها ها