-
اخوكم / هيثم على فهمى حموده ..... مركز مطوبس - كفر الشيخ ..... بينى وبين مدينه رشيد حوالى ٧ دقايق بالعربيه ومنها للاسكندريه باذن الله
السياره :- اوبل فيكترا b2 موديل ٢٠٠٣ موتور ٢٠٠٠cc ايكوتك اوتوماتيك ( منصور )
الصيانه :- مبداءيا كده الحمد لله انا واخد العربيه اللى معايا دى فابريكا كده من صاحبها لكن طبعا متهانه اخر ٦٠ حاجه فالحمد لله فورتها كلها وشدتها من الألف للياء ( سمكره - دوكو - صيانه موتور - عفشه )
اعتمادى الكلى فى الصيانات هنا فى المنتدى من آراء الاساتذه بتوعنا بجد
الميكانيكى بتاعى فى البلد على قده شويه بعمل عنده الحاجه اللى نقدر نعملها كده بالعافية على قد قدراته
اول مابحس ان فيه حاجه عويصه بروح لمهندس فى دمنهور حافظ العربيه صم زى اساتذتنا هنا كده بس هوه حراق شويتين فبخليه اخر سبيل ليا
قطع الغيار الجديد اللى بجيبها بسال عليها الاول فى التوكيل لو رخيصه او فرق بسيط بجيبها عالطول او بجيب من اسكندريه من صلاح الدين من عند خميس رويدا يعنى بحسه ضميره صاحى شويه ..... والاستيراد بجيبها من عند عصام اوبل السيوف او عصفور اوبل الفراهده او أى تاجر استيراد فى الفراهده بلاقى حاجته نظيفه ومحترمه
وشاكر جداً للأستاذ احمد فهمى على الفكره الهايله دى وبجد شكرًا ليكم كلكم انتم اكتر من الأخوات
هذا وبالله التوفيق
-
أنا أحمد غمرى 01111850251
مهندس كهرباء
وزاره الكهرباء
معايا فيكترا b1 97 أوتوماتيك 2000 سى سى
الصيانات عند هانى أوبل (شبرا مصر)
قطع الغيار جديده من شارع شامبليون ومتوفره باسعار تزيد عن الكورى شويه
قطع غيار إستيراد من الحرفيين بأسعار معقوله
من أجمل السيارات اللى ركبتها كان من ضمنهم فيات وهيونداى ودايو
تتميز بالثبات وقوه الشاسيه والامان وأوبشن سابق عصره وشكل متميز
وموتور قوى وعمره طويل مع الصيانات الصحيحه
وتكييف عملى مثل الكورى تماما مع عدم التعديلات والإفتائات
-
انا فى قمة الحيرة
"]عربيتى عمود الكرنك باظ بمعني اخر جابت موتور وكان راكب فيها الموتور الاسود عربيتى 97 مانيوال المفروض اغير الموتور ومش لاقى الموتور الكامة الواحدة خالص وعلشان اغير للايكوتك يبقي اغير الضفيرة الكهرباء بالاضافه لان مشاكله اكتر من الموتور الاسود ال 75 حصان محتار ومش عارف اعمل ايه بالاضافه انا مشوار من اكتوبر وللملك الصالح كل يوم نرجو منكم الافادة وشكراl
-
روح لاسلام عبد الشافي في الحرفيين هتلاقي عنده موتور اسود كامه واحده , خلع .حالته ممتازه
-
نسعد بإنضمامكم لجروب رابطة ملاك اوبل استرا وانسجينا
-
او ممكن تغير الموتور بالضفيره ل2000 ايكوتيك وسقطه مانيوال بحوالى 6 7 تلاف وافضل من الخلع فى رايى .. ومش هتحتاج تعديل فى الردياتير او البدالات او الكنسوله ...
-
الشكر كل الشكر استاذ فادي على الافادة وشكرا الى كل من ساعدني
-
ايه رايكم فى عمرة الموتور الاسود بتاعي لو مش مخروط قبل كده
-
عمره ولا نص عمره؟؟
يعني ,,
اي شغل في وش السلندر ماشي..
في البلوك اخرك تغير طقم شنبر وخلي بالك مش رخيص 450ج !!
اكتر من كده . شكرا..موتور تاني,
طبعا بشرط الفني اللي يشتغل يكون متميز .
-
اخونا العزيز فادي لا أقصد عمرة كاملة بمعني عمود الكرنك يتخرط وخلافه انا بتعامل مع محمد الامين ميكانيكا فى صقر قريش وقلي ده احسن فرايك ايه
Content Relevant URLs by
vBSEO 3.6.0 PL2