-
رابطة مالكى فيكترا b
رابطة مالكى فيكترا B http://nileup.com/up/uploads/nilemotors_13974601401.jpg رابطة مالكى فيكترا B للتعارف والافاده على مالكى فيكترا B وتوضيح تجربة كل مالك والافاده للمشاكل ان وجدت وافضل اماكن الصيانات وتجاربه وتوضيح اسعار قطع الغيار واماكن الشراء لأفادة للجميع
والله المستعان والموفق
-
يسعدنى ان أكون اول المشاركين فى الرابطة والحقيقة انها فكرة ممتازة لتبادل المعلومات عن كل ما يخص فيكترا بى والتعارف على ملاكها
شكرًا جزيلا يا أستاذ احمد
تحياتى
-
بسم الله الرحمن الرحيم
تحياتي لاخي العزيز ا احمد فهمي
يسعدني اكون اول المنضمين للرابطه
فادي محمد طاهر
فيكترا بي1 مو 99
دمياط
معظم الصيانات بتتم
هنا في دمياط بنفسي او الميكانيكي
بتاعي
قطع الغيار باشتريها من المنصوره
جديد =المصريه ( احمد خطاب)
استيراد=الدكتور-وليد حماد
-
دائما مواضيعك رائعة يابو حميد
وليد عبد العزيز
اوبل فكترا بي 97 مانوال 1600
معظم الصيانات بعملها في مقار الدقي والعفشة عند مدحت الباشا اللي في منيل شيحة
قطع الغيار الجديدة من مقار لو سعرها مناسب ومن امريكان ستار لو سعرها غالي في التوكيل
قطع الغيار الاستيراد بجيبها من عند هاني العايدي في الحرفيين او من عند محمد قشطة اللي في الحي السادس
-
ان شاء الله تكون افاده لكل ملاك فيكترا بي انا عن نفسي العربيه دى بتمثل مرحله فى حياتى من 1999 الى 2009 جبت فيهم 3 فيكترا b واحده 2000 سي سي و 2 كانو 1600 وعديت بيهم ال 500 الف كيلو وسافرت بيهم كل مصر بحرى وقبلى وعملت حوادث وفككتهم وحفظت كل مسمار فيهم وعدلت حاجات وصلحت حاجات بنفسى وجبت بعدهم وقبلهم عربيات بس هتفضل اجمل سنين بتاعت الفيكترا B
-
اكمل بقى بقية التعارف لأنى الصبح كنت فى الشغل
بسم الله الرحمن الرحيم
ايمن احمد حمدى
فيكترا بى٢ CDX
موديل ٢٠٠٢ Full option فيرانى
٢٠٠٠ سى سى ايكوتيك اوتوماتيك كود الموتور X20XEV الأوروبي
الصيانات بعضها بأعملها بنفسى وبقية الصيانات لسة معملتهاش علشان دائماً مسافر بالخارج بس ان شاء الله هعملها عند الاستاذ محمد طناني فى المركز بتاعه اوتوماستر
قطع الغيار جديد من محل العالمية فى بنها اما محطة قطار بنها
استيراد من محل خيرى امام مستشفى حميات بنها
استيراد شونة الحاج عاشور بطنطا اول طريق اخناوى
استيراد مركز حسام اوبل وأخوه بطنطا
استيراد هانى العايدى شارع المرسيدس الحرفيين
انا من بنها وعايش فى أمستردام وبنزل إجازات مرتين فى السنة
أتمنى تحصل مقابلة وانا فى الاجازة علشان نتعرف ببعض أكتر يا وحوش نايل موتورز
وشكرا للأستاذ احمد فهمى على تأسيس هذه الرابطة الرائعة
ومنتظرين بقية أعضاء ومالكى فيكترا بى ( العقرب)
تحياتى للجميع
-
أستاذ أحمد فهمي جزاك الله خير على الفكرة الجميلة دي كنا محتاجينها من زمان
محمد عبدالسميع
أوبل فيكترا b1 1996 الشكل الجديد
معلش يا جماعة مش هعرف أكمل باقي البيانات انا في الشغل بس حبيت اشارك
أشهد الله أني أحبكم في الله
-
عمرو السيسي
فيكترا بي 97 2000 سي سي اوتو
موطني الاساسي الاسكندرية
عملي العين السخنة
صيانة السيارة في صقر قريش المعادي
قطع غيار جديد (ربيع او نيو اوبل )
استيراد من عند الميكانيكي او محل حمادة
كلة في صقر قريش
في الاسكندرية العربية بتتفسح بس وبتتمشي علي البحر
الصيانات السريعة علي يدي
عمليات الرفع والعتالة محتاجة مجهود فبريح نفسي وبعملها عند الميكانيكي
وطبعا تحت اشرافي
ودة بيخليك مكره جداااااااا عند الميكانيكي
بس دائما وانا بتعامل معاهم بحثثهم اني لا افقه شيئ وهم اسياد الاوبل
وانا بتعلم منهم
ولو في حاجة مش عجباني
اقول لة اصل واحد قريب ليا عندة اوبل وبقول كدة غلط
تحياتي لكم
-
اوبل فيكترا بي فعلا عربيه محترمه ثبات خرافي امان وانت سايق
ليها ذكريات مش قديمه قوي معايا عملت بيها حادث ولا الافلام الامريكيه قلبتها طياره وهبطنا سوا
وحسبي الله ونعم الوكيل في الي بيسبب اي كوارث في مصر
وكل الي يسالني جبت اوبل فيكترا تاني المفروض تكون اتعقدت منها لاكن العكس بعد الحادث عرفت قيمه العربيه دي
وبرضه جيبت اوبل
فيكترا بي cdx ٢٠٠٠ سي سي ايكو تك ١٣٦ حصان
قطع غيار متوفره استيراد وجديد وباسعار معقوله مش غاليه قوي واحلي حاجه فيها الاستيراد
وشكرا للاستاذ احمد فهمي علي الفكره الجميله ومنتظرين منه افكار جديده
-
يا رجاله انا عملت صفحه على الفيسبوك علشان سهوله رفع الصور وهيبقى فى نظام اكتر من المنتدى بمعنى ان احنا هنقسم المواضيع بالصور هنشوف احسن ناس فى الصيانه ونحط اساميهم بعنوانيهم بارقام تليفوناتهم على هيئه صور ويبقى ده موضوع وموضع تانى عن قطع الغيار الجديد والاستيراد لما حد يصلح حاجه فى عربيته هنعملها موضوع بالصور والصور مش هتتمسح او صوره تقع فى النص زى ما بيحصل هنا
الخلاصه ان احنا هنسهل الموضوع بس شويه انا رفعت 72 صوره لفيكترا بى بكل اشكالها والوانها وكنت بفكر كمان اعمل كده فى فيكترا ايه وكورس هاتش وسيدان واسترا بس لو هنكمل فى موضوع البيج فا ايه رايكو ؟؟؟
Content Relevant URLs by
vBSEO 3.6.0 PL2