بدون تعصب لاى علامة محتاج رايكم بصراحة

**shifoo68** · 14-04-2014 11:17 AM

اية رايكم انا من فترة كنت بقارن بين الكورولا الجديدة تانى فئة والسيراتو الجديدة جنط 17 سمارت كى وكيل بس لالاسف الشكاوى من الكورولا بتزيد وكمان وضوع التعديل دة محدش فاهمة مرة يقولوا كاوتش على السوست ومرة 4 مساعدين و4 سوست 4 كبالن ودة موضوع تانى ,,,, بالصدفة امبارح كنت فى المهندسين واتفرجت على الهوندا سيفيك اعلى فئة ايى الحلاوة دى والشياكة والتابلوة الشيك دة اشيك من الكورولا ميت مرة ومن برة كمان وفيها عوامل امان كتيرة بس اعلى فئة مفيهاش مرايات ضم و مفيهاش كشافات شبورة ومافيهاش مثلا حساس ركن وحاجات دلع مثلا زى السيراتو بس هيا شيك قوى وعليها تخفيض 10000 جنية علشان موديل 2013 و موديل 2014 حينزل على شهر 7 وطبعا سعرها حيغلى ,,,,رايكم اية فى التلات عربيات دول كورولا والهوندا و السيراتو مفارنة فى كل حاجة وسعر اعادة البيع

**simon659** · 14-04-2014 12:06 PM

انا مع السيراتو قلبا وقالبا عن الكرولا مع التجربه للاتنين ارتحت فيها كتير عن الكرولا
انما الهوندا ماجربتهاش

**Ahmed TRAVCO** · 14-04-2014 02:24 PM

يعني حضرتك تفضل الجنط الـ17 مع الحساسات ومرايات الضم؟؟ ولا تضحي بشوية الحبشتكانات دي ومقابل كده تاخد عربية عفشتها دبل ويشبون مع نظام ثبات vsa مع بعض هيدولك ثبات خرافي؟؟ زائد طبعا ان جودة تقفيل الهوندا وشياكة الصالون اعلى من الكورولا والسيراتو في نظري...

من الاخر التلاتة حلوين بس انا هروح للسيفيك بدون نقاش...

**تامر.محمد** · 14-04-2014 02:33 PM

اعلى فئة مافيهاش فوج لايتس فعلا ؟
يعني السيفيك كلها بقى نازلة من غير فوج لايتس ؟

متأكد ان دي اعلى فئة ؟

**hanyyacot** · 14-04-2014 03:37 PM

يا باشا رأيى المتواضع ان حرام نقارن الهوندا سيفيك ب السيراتو . لا يختلط الزيت بالماء مع كل احترامى للسيراتو و هى عربية محترمة . بس السيفيك حاجة تانى فعلا . الحاجة الوحيدة اللى فى صالح السيراتو هو اعادة البيع

**mac os** · 14-04-2014 05:43 PM

سيفيك طبعا اولا ثم كورولا ثم سيراتو وانا لو مكانك هختار كورولا تجمع بين الاتنين اعتماديه السيفيك واعاده بيع السراتو وكمان فيها اوتو بارك وكماليتها مش وحشه قوى يعنى مش فاضيه وفيها انظمه امان اعلى بمراحل من السيراتو بجمع فئاتها

**Mohamed.Hany** · 14-04-2014 07:12 PM

المشاركة الأصلية كتبت بواسطة shifoo68

اية رايكم انا من فترة كنت بقارن بين الكورولا الجديدة تانى فئة والسيراتو الجديدة جنط 17 سمارت كى وكيل بس لالاسف الشكاوى من الكورولا بتزيد وكمان وضوع التعديل دة محدش فاهمة مرة يقولوا كاوتش على السوست ومرة 4 مساعدين و4 سوست 4 كبالن ودة موضوع تانى ,,,, بالصدفة امبارح كنت فى المهندسين واتفرجت على الهوندا سيفيك اعلى فئة ايى الحلاوة دى والشياكة والتابلوة الشيك دة اشيك من الكورولا ميت مرة ومن برة كمان وفيها عوامل امان كتيرة بس اعلى فئة مفيهاش مرايات ضم و مفيهاش كشافات شبورة ومافيهاش مثلا حساس ركن وحاجات دلع مثلا زى السيراتو بس هيا شيك قوى وعليها تخفيض 10000 جنية علشان موديل 2013 و موديل 2014 حينزل على شهر 7 وطبعا سعرها حيغلى ,,,,رايكم اية فى التلات عربيات دول كورولا والهوندا و السيراتو مفارنة فى كل حاجة وسعر اعادة البيع

حابب اسأل حضرتك سؤال , ايه هي الشكاوي اللي في الكورولا اللي بتزيد ؟
بالنسبة للتعديل انا اول مرة اسمع من حضرتك ان التعديل كاوتش علي سوست , الكلام غير صحيح بالمرة و مسمعتوش في اي مكان غير من حضرتك !!! تويوتا اليابان لن تسمح بكدة ابدا .
التعديل يشمل تغيير 4 مساعدين و 4 سوست وكوبلن واحد واجمالي التكلفة 12 الف جنيه يتحملها التوكيل كاملة بدون دفع مليم من المستهلك.
بس اللي انا مستغربه , ليه حضرتك بتسأل عن النقطة دي مدام هتشتري زيرو ؟؟؟؟؟ حضرتك متعرفش ان الكورولا من شهر 1 بتنزل من برة معدلة الي 15 سم !!!
التعديل سيتم للعربيات المباعة من 8/2013 الي 12/2013 اما من 1/2014 كله جاي من المصنع معدل فلا داعي للقلق .
حابب برضو حضرتك تقولي ماهي الشكاوي الاخري من الكورولا للتوضيح ؟
الهوندا تابلوه اشيك بكتير من الكورولا اتفق معاك , بس العربية فقيرة جدا في الاوبشنز مقارنة بالكورولا و عوامل الامان فيها اقل من الكورولا . لو حضرتك عندك اي استفسار في العربيتين دول انا دارسهم كويس جدا .
خد بالك التخفيض عشان موديل 2013 !!! هل واحنا في 2014 هتشتري موديل 2013 ولا تستني 2014 انا رأي ونصيحة من اخ استني 2014 ولونها هبقي نفس العربية بالضبط مفيش اي فرق.

في النهاية لو حضرتك حابب افصصلك كل عربية منهم بالمللي كورولا سيراتو هوندا انا تحت امرك .

المشاركة الأصلية كتبت بواسطة تامر.محمد

اعلى فئة مافيهاش فوج لايتس فعلا ؟
يعني السيفيك كلها بقى نازلة من غير فوج لايتس ؟

متأكد ان دي اعلى فئة ؟

للاسف ايوة ,
مش عارف ليه بيعملو كدة عربية ب 210 الف مفيهاش مرايات ضم و لا حتي بزرار ولا باركينج سنسور ولا مرايات تعتيم ولا سمارت كي ..... وحاجات تانية كتير مش هقعد اعيد و ازيد عشان في ناس بتزعل .

المشاركة الأصلية كتبت بواسطة ahmed travco

يعني حضرتك تفضل الجنط الـ17 مع الحساسات ومرايات الضم؟؟ ولا تضحي بشوية الحبشتكانات دي ومقابل كده تاخد عربية عفشتها دبل ويشبون مع نظام ثبات vsa مع بعض هيدولك ثبات خرافي؟؟ زائد طبعا ان جودة تقفيل الهوندا وشياكة الصالون اعلى من الكورولا والسيراتو في نظري...

من الاخر التلاتة حلوين بس انا هروح للسيفيك بدون نقاش...

اتفق مع حضرتك جدا الvsa وال دبل ويش بون رائعين بس برضو لا يمنع ان العربية يكون فيها شوية اوبشنز متبقاش فاضية كدة خصوصا انها مش رخيصة.
تحياتي لحضرتك

**ahmzd** · 14-04-2014 11:10 PM

المشاركة الأصلية كتبت بواسطة dr.a.osman

هوندا أفضلهم بالتأكيد من حيث الجودة. لكن خليك فى الأكثر انتشارا و الأفضل من حيث التوكيل و توافر قطع الغيار و اعاده البيع و موديل السنه ﻷنه هيفرق معاك في البيع بعد كده. انا من 4 أيام كنت محتار نفس الحيرة بتاعت حضرتك بالضبط لكن حجزت السيراتو الهاي لاين لأنى ارتحت فى قعدتها و سواقتها اكتر من الكورولا ( مع خالص التقدير للكورولا ). للأسف مفيش عربية كاملة 100 % لذلك الراحة النفسية و الاقتناع و تقبل الشكل أهم حاجة في اختيار العربية و أهم فى رأي المتواضع من ال اعتمادية و الكماليات و وسائل الأمان. ﻷن لو حضرتك راكب مرسيدس و بتهينها العربية مش هتعمر معاك و لو كنت راكب عربية الأمان فيها عالى بس مش حاببها برضه هتبقى مضايق و هتفضل طول الوقت تحاول تقنع نفسك انك اخترت صح بس برضه مش هتبقى مرتاح نفسيا . الفلوانس كانت معايا ( الأسبيشيال أوردر) جميلة طبعا بس سواقة الفتيس ال cvt بتاعها مش هتعجب كل الناس وأنا واحد من اللى محبهوش 100% فلازم تجربتها الأول لو هتحطها في الحسبان.
خلاصة القول خليك فى الكورولا أو السيراتو و جرب الفلوانس برضه و اللى ترتحلها خلص فيها.
شكرا

أتفق مع حضرتك في كل كلامك ما عدا موضوع متعة قيادة الفتيس ال cvt !!
أنا عن نفسي لم أجرب الأنواع الأخرى ولكن هذا الفتيس ال cvt في البومة أعجبني جدا !!
ولهذا فأنا أوصي بالفلوينس على طول الخط .. سيارة فيها كل شيء تريده تقريبا ( والكمال لله وحده ) .. وبسعر معقول جدا .