ايه هيه الطريقه الصح لاستخدام نقلة ال d- فى الفتيس الاوتوماتيك و هل ممكن النقل منها و ل
d+ خلال سير العربيه و لا لازم وضع ثبات ؟ انا عارف انها بتستخدم فى المطالع العنيفه و الكبارى . ارجو التوضيح
عرض للطباعة
ايه هيه الطريقه الصح لاستخدام نقلة ال d- فى الفتيس الاوتوماتيك و هل ممكن النقل منها و ل
d+ خلال سير العربيه و لا لازم وضع ثبات ؟ انا عارف انها بتستخدم فى المطالع العنيفه و الكبارى . ارجو التوضيح
مبدئيا لما بتبقى واقف بتجيب D و تتحرك
بعد كده بتجيب الفتيس على وضع الستيبترونيك و تلاحظ ان الشاشة قدامك كتبت رقم الغيار (في الميجان مثلا يا بتكتب رقم الغيار يا بتكتب d او r او n )
و تبدأ تنقل بقى بالصورة اللي تشوفها
و العربية عموما لما الRPM ينزل او يطلع عن الحد المسموح بيه برده بتنقل للغيار الاقل او الاعلى حتى لو في المانيوال مود
زى ما الاخوة الاعضاء قالو و دى تستخدمها عاوز تشد مع حد تسقط نقلة مطلع جامد عاوز تطلع من عربية نقل و عايز تجيب اخر النقلة
هو هدفه في الحقيقة انك تتحكم في النقلات كأنك سايق مانيوال , سواء عايز تاخد مطلع او عايز تحرق و تتسارع جامد مثلا
بالنسبة للمطالع , لو طالع من جراج مثلا , فالقصة انك بعد ما تجيب d هاتجيب المانيوال مود , هاتلاقي العربية عالاولاني و هاتطلع بيه و الميزة هنا ان لو رجلك رفعتها من على الدواسةللحظة , الفتيس مش هايجيب التاني زي ما بيعمل في الاتوماتيك مود , هاتفضل اولاني لحد ما تنقل بنفسك
اما الكباري مثلا فانا باطلع و انزل عادي خالص على الd
لا مش محتاج , انقل من الاوتو مود للمانيوال مود اثناء السير براحتك خالص
أنا عن نفسى لا أستخدمه ولا أرى منه فائدة حقيقية ....لأن نظام التحكم بالفتيس ذكى ويفهم ما تريد
مثلا لو أنا بدأت القيادة وضغطت على دواسة البنزين بسرعة سيفهم أنى أريد النمط الرياضى ويؤخر النقل إلى حد ممكن يصل إلى 5500 لفة للمحرك تبعاً لسرعة ضغط القدم على دواسة التسارع
وعلى فكرة السيارة لو فى مطلع جاراج لن يكون فارق بين المانيوال والأوتو مود فى هذه الحالة والفتيس لن ينقل على الثانى حتى لو وصل لفات المحرك 5500
وحتى لو طالع كوبرى تجد الفتيس يفهم مدى العناء الذى تواجهه السيارة وفرضاً إنك على الغيار الثالث تجد السيارة تؤخر النقل للغيار الرابع حتى تقل المقاومة عند استواء الطريق
أنا أتحدث عن فتيس الميجان dp0 بصراحة نظام التحكم به راااائع وبرمجة تعطى أفضل استخدام لقدرات الفتيس الميكانيكية المحدودة
ومع ذلك فهو فتيس لكع ونظام المانيوال بالفتيس الأوتو العادى أو ال cvt بصراحة أشعر بأن لا قيمة له فى ظل وجود برمجة وكنترول ذكى يلبى رغباتك قدر المستطاع ولن يعطيك إحساس المانيوال نهائى خصوصاً أنك أثناء النقل بيدك لا ترفع قدمك من على دواسة التسارع
وستلاحظ أيضاً أثناء السير على نظام المانيوال أنك مثلاً إذا كنت تسير على الغيار الخامس وقمت بالتهدئة من أجل مطب فلا داعى أن تقوم بإرجاع النقلات بيدك من الخامس للرابع فالثالث .... كنترول الفتيس يخفض النقلات أوتوماتيكياً
ولن يعطل هذا النظام عمل الكيك داون ..... وإذا كنت على الغيار السادس على سرعة 90 مثلا وأردت تسارع بعزم أفضل فى هذه الحالة يمكنك استخدام عصا الفتيس لتخفيض نقلة باختيارك أو تعمل كيك داون بالطريقة المعتادة وهى الضغط المفاجئ وبسرعة على دواسة التسارع
Press ENTER to look up in Wiktionary or CTRL+ENTER to look up in Wikipedia