احلي سلام لاجدع ناس في المنتدي
عايز اطلب منكم لو سمحتوا تقيم لاداء التكيف لان انا بصراحه تقيمي ليه انه مرضي فقط و مقدرش اقول عليه ممتاز و بالتالي عايز اعرف هل فيه مشكله عندي و لا دا الطبيعي ؟
عرض للطباعة
احلي سلام لاجدع ناس في المنتدي
عايز اطلب منكم لو سمحتوا تقيم لاداء التكيف لان انا بصراحه تقيمي ليه انه مرضي فقط و مقدرش اقول عليه ممتاز و بالتالي عايز اعرف هل فيه مشكله عندي و لا دا الطبيعي ؟
نفس الاحساس ده عندي
متابع
حضراتكم جربتوا تدوسوا على Auto و تنزلوا الحرارة لغاية 21 مثلاً....أنا دى أقل درجة بقدر أستحملها حالياً و بيكون الحرارة خارجياً 34 درجة.... أقل من كده بيبقى بارد جداً عليا...لآحظ أنى مش عامل تدوير هوا و بعد شويه برفع الحرارة ل 21.5 أو 22 لأن أيدى بتبرد جامد على الدريكسيون....انا عربيتى سودا على فكرة
طبعاً ممكن تنزل بالحرارة لغاية 16 درجة كمان و لسه فيه تدوير هوا و كمان فيه أوبشن FAST لو عايز تبريد سريع....و كمان ممكن تخلى الهوا يطلع من فتحات الهوا الأمامية فقط......و ممكن تقفل المخرج الخلفى
أعتقد لو عملتوا كل الظبط ده و ما زال الأداء غير مرضى يبقى بالتأكيد التكييف عايز يتبص على شحن الفريون بتاعه....
أنا بصراحة مبهور بأداء التكييف و سرعة تبريده........
تحياتى
العيب الأساسى بميجان 2 هو خلط الهواء الساقع بالساخن ويظهر ذلك حين قلة كمية الفريون داخل الدورة تجد هواء ساخن يخرج من فتحات التكييف فهى تخلط الهواء الساقع مع الساخن فى كل الأحوال حتى لو اخترت أقصى درجة للبرودة
والعيب الثانى عدم وجود مروحة مستقلة للتكييف تعمل بجانب المروحة الرئيسية أما السربنتينة حجمها معقول والكباس أداؤه جيد من وجهة نظرى
فى الفلوانس فيس ليفت قرأت أن الكباس تغير بالكامل مع تغيير المحرك لكباس يابانى ولكن لا أعرف ما إذا كانت زودت بمروحة أضافية وتم تغيير نظام عمل التكييف للنظام المعزول مثل السيارات اليابانية والكورية أم لا
لو اختلف هذا النظام مع الفيس ليفت هذا ضمان لتبريد أفضل
التكييف تلااااااااااااجة بمعنى الكلمة بخلى المروحة على 3 واهم حاجة بقفل تدوير الهوا ... الزرار التانى من تحت جنب المروحة بخليه منور ... انا خارج من الغردقة درجة الحرارة 33 درجة ومشغل التكييف وظابطه على 23 وكنت ببعد الفتحات عنى عشان ايدى تلجت بالإضافة اننا كنا 3 بالغين وطفلين فالعربية
والنهاردة خرجت بيها الظهر وشغلت التكييف على Fast والعربية كانت مركونة فالشمس فترة طويلة كنت بعمل صيانة العشر آلاف وظابطه على 24 والعربية سقعت فى دقيقتين بالعدد
باشمهندس رامى....أنت بتوصفنى بالظبط....:) :)
أنا لون أسود....و ببقى فى التجمع راكن العربية فى الشمس من الصبح و بتحرك للأسكندرية الساعة 2:30 بعد الظهر
بفتح الشبابيك و فتحة السقف و بشغل Auto مش Fast حتى على درجة 21 و بعدين بقفل و أعيش....مش مشغل تدوير هوا و لا معلى المروحة على الأخر....شوية و لازم أرفع الحرارة ل 21.5 أو 22 لأن أيدى بتلج على الدريكسيون.....
الحرارة الخارجية كانت 34
طبعاً أنا نازل من ميجان II فحاسس بفرق مهوووووووووووووول فى التكيف كسقوعية و سرعة تبريد....عمر ما أيدى سقعت فى الميجان حتى.....
كمقارنة تكييف الميجان عند درجة 34 هو مروحة مقارنة بالفلوانس II
تحياتى
بتيجى التجمع ومش بتقول مااااااااااشى