هل التامين اجباااااارى

**eng/muhamad** · 14-07-2007 06:13 PM

هل التامين على السياره اجبارى عند الشراء بالقسط او كاش

**sokasoon** · 14-07-2007 06:50 PM

مافيش تأمين اجبارى غير التأمين اللى بتدفعو و انت بترخص العربية

هو ده التأمين الاجبارى

**eng/muhamad** · 14-07-2007 06:53 PM

كااااااااااام التامين ده
و كمان ان سمعت ان التامين اجبارى على السيارات اللى بالتقسيط

**sokasoon** · 14-07-2007 07:10 PM

بالنسبة للسيارات اللى بالتقسيط معرفش

لاكن الكاش تأمين اجبارى بس اللى بيتدفع وانت بترخص

التأمين الاجبارى ب125 جنية تقريباا

**د.أحمد سمير** · 14-07-2007 09:49 PM

التأمين الإجباري في المرور يختلف عن التأمين على السيارة .. التأمين على السيارة إجباري في أغلب الحالات لمن يشتري بالتقسيط ، هناك بعض المعارض التي لا تشترط التأمين الشامل على السيارة ، ولكنها نادرة جداً ، وفائدة القسط فيها مرتفعة بطريقة رهيبة .. نصيحتي حاول تشتري كاش وتريح دماغك

**محمدايهاب** · 14-07-2007 10:39 PM

أيوة التأمين أجباري في حالة التقسيط

**ahmed_moslem** · 15-07-2007 01:57 AM

دكتور سمير وكل من عنده معلومات عن المعارض اللى مبتأمنش, ممكن اساميها وعناوينها :lol: وياريت لو ينفع تليفونتها .

**مهندس محمد صلاح** · 15-07-2007 11:29 AM

على فكرة فيه حاجه مهمة غايبة عن 99% من الناس ولا يستفيدوا منها .. الا وهى .. ان التأمين الاجبارى اللى بتدفعه سيادتك وسيادتى فى المرور من الاهليه او الشرق للتأمين وغيرهم هو تأمين شرعى وسليم على العربية ضد الحوادث والحريق والسرقة وخلافه لكننا عمرنا ما بنلجأ للاستفاده منه ابدا لاقتناعنا اننا مش حنطول منهم حاجة .. لكن قانونا وشرعا انت لك كل الحق فى مطالبة شركة التأمين اللى انت دافع لها فلوس فى المرور بتعويضك عن اى ضرر فى العربية زى الشركات الخاصة تماما لكن احنا علشان عارفين اللى فيها واننا مش حناخد منهم حاجة سوى وجع الدماغ فمابنسألهمش ابدا .. وهما بدورهم فرحانين جدا بينا وبالعبط بتاعنا وسايقين الهبل على الشيطنه وعمالين يلموا ملايين من اصحاب العربيات السذج امثالنا وخلاص .. بالله عليكم حد عمره شاف فى اوربا مثلا حد بيدفع فلوس لشركتين تأمين على نفس العربية ..

**Nader** · 15-07-2007 11:32 AM

كمان ان سمعت ان التامين اجبارى على السيارات اللى بالتقسيط

هو اجباري في معظم المعارض بس حسب المقدم، يعني لو انت دفعت 40% وهتقسط الباقي علي سنتين او ثلاثة ممكن ميطلبوش منك تامن على العربية.

عموما التامين بيبقى في حدود 1.5%لـ 2% "وممكن يتقسط برضة" من سعر السيارة، حسب شركة التامين.

التامين بتاع المرور دة بيبقى حسب الترخيص ومدة يعني انا افتكر ان الثلاث سنوات كانوا ب90 جنية.