مياه على البوجيه ؟؟؟!!!!

**ahmed_su** · 14-04-2014 09:12 PM

افتونى يا اهل المنتدى
النهاردة رحت مشوار بالعربية و بادور لقيتها بترتل كده و سحبها غريب كأنها متلتة المهم كملت بيها

حوالى تلت ساعة و ركنت و فكيت الكويلات اللى فوق البوجيهات و احد و را التانى لحد ما حددت البوجيه القاطع

فكيته لاقيت رأس البوجيه (الصامولة ) مصدية و السن الداخلى مبلول عليه مياه غيرت البوجيه والعربية دارات زى الفل ...

المشكلة بقى المياه جت منين لسن البوجيه اللى فى غرفة الاحتراق كده جوان و لا ايه - ربنا يستر - و اذا كان كدا ايه اللى يخلى صامولة البوجيه تصدى ؟؟؟

علما ان كل بوجيه له كويل مستقل و حواليه كاوتش
مايسمحش لاى ميه تخش للبوجيه من الخارج + انى مش بغسل الموتور بالمياه

البوجيهات ما كملتش 8 الف كم - البوجيه القاطع هو الرابع على الطرف - مياة التبريد مش بتنقص - الزيت تمام - العربية سيراتو 2008

**aw2100** · 15-04-2014 01:35 AM

هل باقى البوجيهات مصدية ولا ده بس؟؟؟

**chiko** · 15-04-2014 02:06 AM

هتلقيها من الجوان .. او مجر الوش فيها تاكل و بتسرب علي البستم او الصباب

**ahmed_su** · 16-04-2014 02:15 AM

هو البوجيه ده فقط

**فادى محمد** · 16-04-2014 05:15 PM

تاكل داخلي في مجاري ميه التبريد وصل للغرفه رقم 4 وبيطفي البوجيه علشان كده بتتلت ويقطع.
هتفك الوش وتملاه وتفرزه وتمسحه..

**aw2100** · 16-04-2014 10:50 PM

المشاركة الأصلية كتبت بواسطة ahmed_su

هو البوجيه ده فقط

بس ممكن نعرف السبب اية حضرتك بتستعمل مية تبريد نوعها ايه؟؟
خصوصا العربية موديل 2008 اعتقد مية التبريد السبب فى التأكل ده ولا انت عملت فلاش لدورة التبريد بمواد كاوية ؟؟؟
يبقى كده اكيد فية تسريب مية للسلندر ممكن تحط مادة البلوك سيل وده علاج دائم لمده سنين مش مؤقت بيسد اى فراغات فى البلوك او وش السلندر او جوان وش السلندر بديل للحل والفك ووجع القلب ودى صورته