حاول تبص علي البيجو ٣٠٠٨ في نفس الفئة
حاول تبص علي البيجو ٣٠٠٨ في نفس الفئة
أنصحك بالابتعاد تماما عن كيا. فى الحالة دى مناسبين جدا لغرضك لأن الاتنين عائليين أوى بس صدقنى هتعانى طول ما أنت راكب كيا لأنها شركة زبالة و عربياتها كلها زبالة فى رأيي, و ده رأى ناس كتييييير جدا تانية على فكرة.
القاشقاى برضه فيها مشاكل و فى ناس بتشتكى منها و مالهاش سوق و هتعانى يوم ما تفكر تبيعها, الكارينز ليها سوق أكبر أوى و لو عايز تاخد فكرة أنزل سوق السيارات فى مدينة نصر الجمعة أو الأحد.
أنا عن نفسى أفضل الفورد أكتر واحدة و لكنها مش عائلية أوى زى التانيين, بس أنا أضمنلك و ما أظنش أن حد هيعترض أنها هتريحك جدا و تبسطك أوى و مش هتعانى منها فى حاجة. أنت محتاج عربية لعيلتك بس فى نفس الوقت ما تضحيش براحتك على المدى الطويل و متعتك فى السواقة و أهم حاجة الأمان و فعلا الفورد هيا أعلى معدل أمان فيهم.
أنت ممكن تفكر فى 3008 زى ما الناس أقترحت و ساعتها تبقى اختيار أفضل بكتير أوى طبعا و تتوكل على الله و أنت مغمض.
ممكن برضه مستعمل, و ما تفترضش أن بدام مستعمل هتبقى حالتها وحشة, أنا بشوف عربيات فى سوق السيارات حالتها كأنها لسا مشرية جديد, جوا و برا.
أهم حاجة أنك قبل ما تشترى تدور على النت و تشوف ريفيوز و فيديوهات على يوتيوب و يفضل فى أسواق عربية و حاول تشوف فى برامج زى دريفن مثلا علشان اللى بينزل فى السوق الأوروبى و الأمريكى بيبقى مختلف عن اللى بينزل عندنا و فى الخليج طبعا.
أنا لا أفضّل السيارات الكورية، ولكن وصفها بالزبالة مبالغ فيه جدا على ما أعتقد، وخصوصا مع نجاحاتها العالمية قبل المحلية!! عموما أنا أرى القاشقاي اختيارا محترما جدا، يعيب هذه السيارة فقط أن صالونها ضيق إلى حد ما، وعلى حد علمي أن موديلها الجديد نزل بالخارج فعلا على أنه موديل 2014، وحصل على تقييم 5 نجوم باختبارات الاتحاد الأوروبي، وهو موديل مختلف تماما عن الحالي من حيث الشكل والأبعاد وكذلك المحرك.. البيجو 3008 صراحةً لا أعرف عنها شيئا، وإن كانت الماركة غنية عن التعريف وبدأت تحصد نجاحات كبيرة بمصر بموديلاتها المتنوعة في الآونة الأخيرة، وخصوصا 301 ..
هذا، والله أعلى وأعلم.
المسألة فى الكيا مش مسألة تصنيع فين و كورية ولا لأ, المسألة مسألة أن الشركة سمعتها سيئة لأن ببساطة عملوا عربيات كتير أوى سيئة. على فكرة الكيا فى العالم كله سمعتها زى هيونداى بالضبط, ما حدش بيركبها حتى لو دفعتله. و فعلا الموديلات الجديدة فيها تقدم و نجاح و بدأوا أخيرا يفهموا بس أنا عن نفسى يعنى رأيي أن ده لا يغير أى شئ عن سمعتهم و أن لسا الكيا جودة نص نص. القاشقاى مشكلتها أن مالهاش سوق و مش منتشرة أوى و صعب تتوقع هتمسك سعر ولا لأ, الكارينز هى أكتر واحدة فى دول ماسكة سعر و تتباع ساعة ما صاحبها يفكر يبيعها.
مقارنة
أعتقد معظم الناس مايلة للسبورتج و ممكن نستبعد القاشقاى.
تقييم حضرتك لكيا و هيونداي في منتهي القسوة و مش بدافع لسبب مما لاني راكب تيوتا بس الواقع مخالف تماما
كيا بتحتل المركز التامن لمبيعات السيارات باوروبا و انا هنا لا اتكلم عن الخليج كمان الي كان في الاول لا يعرف الا الامريكي و تويتا و الان الشوارع ممتلئة بالكيا و الهيونداي
كيا و هيونداي فرضت نفسها بالكفأة علي كل اسواق العالم بلا شك و الدليل ان اسعارها مقارنة باي ماركة اخري في اي فئة هي اسعار مرتفعة و دة دليل ان الناس بتقبل عليها رغم ارتفاع سعرها
كون ان الوكيل بمصر سمعتة مش كويسة و انا معنديش فكرة عن الموضوع دة,, فدة مش معناة ان كيا كسيارة وحشة
يا صديقي العزيز برافو برافو عليك.
قلت كل ما يدور بنفسي. وأحب أزيدك من الشعر بيتا إن هونداي مركزها متقدم جدا وكنت ناقل موضوع بخصوص الترتيب العالمي وكان موضوع حيادي ومفرح.
وفعلا كما ذكرت معاليك ان أسعار الكوري متقارب جدا مع الأوربي والياباني وقطع الغيار كذلك ورغم ذالك وكلما ارتفعت اسعاره ازدادت منافسته وقوية.
وأخير لا أحد يكابر علي الكوري.
ومازلت أنصح صاحب الموضوع بالسبورتاج وبقوه.
واتحمل مسئولية نصيحتي لسيادته أمام الجميع
وفقك الله
السبورتاج رائعة طبعا ... بس موضوع الكارينز ال7 راكب مديها أفضلية شوية ... عشان زي ما قلت عربية عائلية يعني الطبيعي إن فيه 6 بيركبوا في العربية
طب هل الجراند تيريوس تقدر تخش في المنافسة ولا لاء ... أصلها عالية عن الأرض زي الإسبورتاج و7 راكب زي الكارينز وياباني زي النيسان ؟