عن تجربة فعلية (12شهر/9000كم) ارشحلك بقوة الهيونداى IX35 تجهيزات الفئة الثانية لانها فى حدود السعر الحضرتك بتقول علية (225الف جم) -التوكيل محترم - والصيانة مشفتش اى مشاكل معاها.
العربية باختصار من وجهة نظرى وتجربتى الشخصية فخمة وبرستيج وكمالياتها كافية جداً ،وسحبها واستجابة الموتور والثبات ممتازة - انا مجربها على طرق سفر وداخل البلد ، وموديل 2014 اضافوا فية الليدات امامى وخلفى وتعديلات بسيطة فى الفوجات.
من سنة تقريباً كنت فى موقف حضرتك وكان الاختيار ما بين الاسبورتاج والقشقاى والIX35 والحمد لله ربنا كرمنى واستقريت على الهيونداى ، والحمد لله موش ندمان وحاسس انة كان قرار فى الجوووووووووووووووووووووو ن.
انا كنت عامل تقرير مصور عن العربية ، اتمنى يفيدك
http://www.nilemotors.net/Nile/345973-ix35-1600-a.html
ملحوظة: مع احترامى لكل الاعضاء الافاضل مينفعش واحنا فى عام 2014 ولسة بنعيب على صناعة السيارات الكورى ، ونفضل اليابانى او الاوربى عنة، موضوع السيارات الكورى اتحسم خلاص ، الناس دلوقتى اتنقلت على مرحلة تقييم السيارات الصينى.
السيارات الكورى وخاصة الكيا والهيونداى بيمثلوا حصة محترمة فى مبيعات السوق الاوربى والامريكى (محدش يقول لى البينزل اوربا وامريكا غير البينزل عندنا والشرق الاوسط) الجودة واحدة لان المصدر واحد، والاختلاف بيكون فى اشتراطات الحد الادنى من الموصفات والتجهيزات.
وعوامل الامان (يعنى لما العربية تاخد 5 نجوم مثلاً فى اختبارات التصادم فى اوربا - فهل العربية ال اتعمل عليها الاختبار - سيبك من التجهيزات والمواصفات - بتكون غير العربية البتنزل فى الشرق الاوسط /الصاج التصفيح الشاسية)