مرور العجوزة

**عمرووحيد** · 15-04-2014 02:40 PM

انهاردا صحيت روحت مرور العجوزة علشان اشوف ملف العربية متبعتش لية للمرور اكتوبر
لبست ونزلت روحت ومعايا الورقة بتاعت طلب استعجال الملف
اول مدخلت المررو كلة شوية واحدة تقولى تامين تامين
وربنا انا جاى للملف مش تامين
المهم اول مدخلت على بتاعت الملف لقيت امين شرطة
خد من الورقة وانا واقف مكلمتوش ولا قولتلو حاجة بص كدا فى الورقة وقالى ثوانى هجلك الملف
ندا على رجال كبير كدا طيب اسمة عم سعيد قالو خد هات الملف دا بسرعة
فضلت واقف مندهش هو فى اية
لقيت امين الشرطة قالى استننى على شبالك 10 وانا رايح لقيت فى طهرى عم سعيد ومعاة الملف
رضيت عم سعيد
ورحت على شبالك 10 زى ماقالى ملقوتش فضلت نص ساعة كدا واقف ارغى مع البت ال على الشبائك واتعرفت عليها
عقبال ما البية يشرف
لقيت جية قالى خلاص الملف هيتبعت مرور اكتوبر وادينى رقم الصادر
وقالى تمام كدا خدمتك قمت مديلو 20 جينة
وروحت ركبت اكتوبر وجيت
تخش بقا مرور اكتوبر تلقى امين الشرطة عامل فيها لواء وسوقين تكاتك واقفين اية يابرنس تامين
وتركن ميسبكش فى حالك يطلعو عينك
تخش على الشبائك تلقى الكل مش طايق نفسة وخناقة بقا وعلشان تشوف الملف وجيلك تقف بتاع حوالى ساعة ويقولك لسة مجاش
باختصار انا مشفتش احسن من تعامل مرور العجوزة مكان فى روح حلوة وناس تحب تخدم بجد علشان الحياة تمشى وفى ناس كتير محترمة

**adel1212** · 15-04-2014 03:44 PM

و مرور بين السريات(الدقي)
نفس الكلام ربنا يدي كل واحد علي اد عمله ويهدينا جميعا
تحياتي و مبروك مقدما على الترخيص

**عمرووحيد** · 15-04-2014 04:01 PM

المشاركة الأصلية كتبت بواسطة adel1212

و مرور بين السريات(الدقي)
نفس الكلام ربنا يدي كل واحد علي اد عمله ويهدينا جميعا
تحياتي و مبروك مقدما على الترخيص

الله يخليك اشكرك
وربنا يهدينا جميعا ويصلح الحال

**ابو لؤى** · 15-04-2014 04:51 PM

عقبال مرور فيصل اللى كله موتسيكلات

**aminyassien** · 15-04-2014 05:46 PM

المشاركة الأصلية كتبت بواسطة ابو لؤى

عقبال مرور فيصل اللى كله موتسيكلات

هههههههههه. متفكرنيش

**Omar.Shawki** · 15-04-2014 10:01 PM

امال تقولوا ايه على مرور السلام

**عمرووحيد** · 15-04-2014 10:26 PM

المشاركة الأصلية كتبت بواسطة Omar.Shawki

امال تقولوا ايه على مرور السلام

زى مرور العجوزة ولا اية

**عمرووحيد** · 15-04-2014 10:30 PM

والله كنت واقف كدا افتكر لقطة كانت فى مسلسل
فى لجنة وواحد دخل هو ومراتة والعيال على اللجنة والظابط بيقول
معلش ياباشا احنا اسفين ممكن الرخص باحترام كدا وادب
بيدلو الرخص و الظابط لقها متنهية قالو طب حضرتكو اتفضلو انزلو استريحو و5 دقايق والرخصة هتتعمل
تشربو اية انتو اول مرة تزورنا فى اللجنة اجيب للعيال ايس كريم

**hmostafaahm** · 17-04-2014 01:13 AM

أنا كنت مرور العجوزة ونقلت من سنة مرور أكتوبر وبصراحة شتان بين الاثنين مرور العجوزة نموذجى بالمقارنة بمرور أكتوبر، بالمناسبة مرور أكتوبر فى عامل واحد بس علشان يرفع بصمة الموتور والشاسية ودة مش فاكر نفسة لواء لا بجد هو شايف نفسه مساعد وزير الداخلية وبيتعصب على الناس ويقول مش شغال والناس تفضل تتحايل عليه