خبطة سقف

**التقية النقية** · 15-04-2014 04:15 PM

السلام عليكم
كنت مسافرة ورجعت وجدت السيارة بها نقرة فى السقف
العربية ماروتي فضي زيرو بقالها كام شهر كده مش عارفة اعمل ايه بحيث النقرة لاتصدأ وفي نفس الوقت ميبنش ان حصل فيها حاجة كبيرة
جزاكم الله خيراً

**J A G U A R** · 15-04-2014 05:26 PM

عليكم السلام ..

لو النقره كبيره ممكت تترد من جوه باليد لو صغيره فرش السقف هايتحل وتترد

وياريت لو فى صوره ليها

**التقية النقية** · 15-04-2014 06:48 PM

هي النقرة صغيرة قطرها 3 سم تقريبا

بالنسبة لفك السقف والرد مش كده ممكن يقلل من قيمة السيارة خصوصا انها زيرو مفيش حل تاني غير فك السقف

**J A G U A R** · 15-04-2014 07:07 PM

المشاركة الأصلية كتبت بواسطة التقية النقية

هي النقرة صغيرة قطرها 3 سم تقريبا

بالنسبة لفك السقف والرد مش كده ممكن يقلل من قيمة السيارة خصوصا انها زيرو مفيش حل تاني غير فك السقف

حضرتك انا شايف مفيش داعى لاصلاحها يعنى هيا مش هاتزعل العربيه فى حاجه .. بس لو حضرتك عايزه تصلحيها ضرورى ممكن سمكرى كويس بشاكوش من جوه وتترد ده اذا مش هايحل الفرش .
غير كدا سيبيها زى ما هيا .

**التقية النقية** · 23-04-2014 12:48 PM

السلام عليكم
أنا نسيت أقول لحضرتك أن عمق الحفرة ديه كبير يكاد يكون حيخرم السقف إن مكنش خرم فعلا
ثانيا أنا فعلا سبتها ومعملتش حاجة فيها بس ملاحظة أنها بدأت تصدأ وأنا خايفة من الموضوع ده خصوصا العربية زيرو

فهل أسبها بردوه ولا أعمل إيه بالضبط؟

جزاك الله خيراً

**J A G U A R** · 24-04-2014 12:24 AM

المشاركة الأصلية كتبت بواسطة التقية النقية

السلام عليكم
أنا نسيت أقول لحضرتك أن عمق الحفرة ديه كبير يكاد يكون حيخرم السقف إن مكنش خرم فعلا
ثانيا أنا فعلا سبتها ومعملتش حاجة فيها بس ملاحظة أنها بدأت تصدأ وأنا خايفة من الموضوع ده خصوصا العربية زيرو

فهل أسبها بردوه ولا أعمل إيه بالضبط؟

جزاك الله خيراً

عليكم السلام ..

يعنى هيا اتحولت من نقره لحفره .. ! !
بس انا مستغرب ازاى نقره خلت يبقى فى صدا الا بقا لو كانت خرمت السقف ..
على العموم هي طالما بتصدى يبقى لازم حضرتك تشوفيلها حل .. حضرتك انا رأيي لو سمكرى شاطر يعرف يرد النقره دى او الحفره ولو هيا كل مدى بتصدى اكتر يبقى لازم يتحط عليها معجون على قد المكان اللى بيصدى علشان يمنع الصدا

ملحوظه انا كلامى ده على اساس فهمى من كلام حضرتك يعنى ممكن الكلام يتغير لو شوفتها فى الواقع فعايز حضرتك قبل ما تعملى اى حاجه تسألى حد كويس يشوفها وفى اسرع وقت علشان الصدى ده بيكتر مع مرور الوقت .