تقرير (2) (( بالصور )) عن تويوتا يارس 2014 من الداخل ×× الفرش بيج ××
https://encrypted-tbn2.gstatic.com/i...ZtCsxqMM5Yor2d
تقرير (2) (( بالصور ))
عن تويوتا يارس 2014 من الداخل
×× الفرش بيج ××
ونستمر في دراسة العربية التويوتا اليارس لكن المره دي هندخل على عربية فاضية خالص فرش بيج .... بس طبعاً متتخضوش وتقولوا أيه ده يا عم دي فاضية لا مش فاضية وهبين لكم أنشاء الله في التقرير التالي أنها مش فاضية ولا حاجة ونقول بسم الله الرحمن الرحيم ... ونفتح العربية الشنبين الي معانا النهرده ونقول ألووو
https://scontent-b-ams.xx.fbcdn.net/...78218581_n.jpg
ممكن نخوش لو سمحتي يا يروسة نتفرج عليكي يا حبيبتي
بسم الله مشاء الله والله أكبر الله أكبر
بأناقت الصانع الياباني وباللمسه اليابانية الجميلة المستمدة والمغشوشة من عربيات البي أم ... فتحت باب التويوتا من هنا وأزبهليت من حلاوت وجمال الصالون الياباني البيج
https://fbcdn-sphotos-e-a.akamaihd.n...47519220_n.jpg
طيب نلاحظ هنا في الصورة أعلاه 1- أن الاوكرة مش نيكل زي الفل أوبشن في الموضوع الي عملتوا بتاع أمبارح ... ولا كمان فيه باكيته بلون سيلفر مطعم فيها الباب وحتى باكيتات تنزيل القزاز معمولة بلون الفرش عادي مش مدهونه سيلفر زي اليارس الهاي لاين ... على فكرة يا جماعه كل الحاجات دي بتفرق زي ما قلتلكم بين لمسة الفخامة وبين العربيات العادية ... دي نقطة ... والنقطة التانية ان الحجات دي بتعد فلوووس لو حبيت تعملها وعمرك ما هتزبطها 100/100 نهائي زي ماهيا متزبطه جاهزة من الياباني قصدي من تايلاند لأن العربية تايلاندي زي ما قلتلكم .
https://fbcdn-sphotos-b-a.akamaihd.n...90822793_n.jpg
طيب لاحظ كمان نقطة مهمة ... صديق عزيز وغالي في الموضوع السابق سئل عنها لمن قالي أخبار العزل بتاع المقصورة أيه أنا بس معليش هستعين بالصورة دي علشان أعرف أرد
https://fbcdn-sphotos-e-a.akamaihd.n...47519220_n.jpg
حضرتك بص كويس في الصورة دي وأعمل زوم كده وكبر وخد راحتك ... أذا عندك كمبيوتر عادي دوس Ctrl ودوس في نفس الوقت على علامت (+) وكبر وأذا كمبيوترك ماك دوس كومند + علامت الاقواص أكبر من أو أصغر وكبر كده ... شوف حضرتك هتلاقي بخلاف باقي العربيات ... وبخلاف البيجو ال 301 العربية اليارس الأروبة مركبين لها أتنين ربل باب ... ومش أي ربل لا ده ربل مصنع خصيصاً لتلجات ناشونال بتاعت زمان وتلجات توشيبا وسامسونج ... ليييييييييه قولي ليه ... علشان تحتفظ بالبرودة لمن تشغل التكيف بسم الله مشاء الله والله أكبر .... يعني حضرتك وأنتا بتفتح باب العربية فأنتا هنا بتفتح باب تلاجه ستاشر أو تسعتاشر قدم بسم الله مشاء الله والله أكبر .
https://fbcdn-sphotos-f-a.akamaihd.n...93121695_n.jpg
طيب ندخل جوا العربية وطبعاً العربية منيول فاضية ... بس زي ما أحنا ملاحظين الفاضي منها شبابيك كهربا ... ومرايات كهربا وأير باج عدد أتنين .... بس طبعاً زي ما أحنا شايفين مفيش في التابلوة اللمسات الجميلة بتاعت الهاي لاين (( والتاتتش بتاع النواكل )) والحجات الي بتلمع وتزغلل العين وتخلي الواحد يقول دي ليكزيس دي ولا أيه يا ولاد .... مفيش الكلام ده في الفاضية .
بس كمان عجبني حاجة مهمة المصممين اليابنين كويس انهم عملوها
https://fbcdn-sphotos-f-a.akamaihd.n...93121695_n.jpg
عملين مكان صغير كده للأير باج بخلاف الموديل القديم كان لمن الاير باج بيضرب كان وش التبلوه كلو بيتفتح لكن هنا في الموديل الجديد تلافوا الموضوع ده ... دي من ناحية ... من ناحية تانية أحيانا بتبقى مركب حد معاك جمبك وتلاقي عمال يكلمك وهو متنرفز وعمال يشرحلك وهو متنرفز وعمال يخبط بأيدوا على التبلوه ويرزع وهو بيزعق وعمال يقلك انا قلتلوا كزااا كزا كزا بس هو مسمعنيش ومرضيش اساساً يديني فرصة أشرحلو .... (( وكل ده وهو عمال يخبط بأيدوا على وش التابلوه ))
طبعاً أزاي هتفهم البني أدم أن في أير باج تحت التابلوة وهو متعصب ... فتلاقيك بتسكت وتقول يارب ينفجر في وش مامتوو ... إلاهي تنكسر أيدك يا بعيد وتنشل قادر يا كريم ... فاكر نفسك بتخبط على مكتب !!
المهم هنا كويس أنهم راسمين للناس الي مبتفهمش رسمت أير باج ... مع أن أخواتنا في نيسان كانوا بيعانوا من الحكاية دي أن الحرامية بيفتحو كرش التابلوة ويسرقوا الاير باج ويجروا .... لذلك ربنا يستر
معلش يا جماعه أنا بكتبلكم التقرير وحاطط أيدي على قلبي
وبكتبوا على أعصابي بسرعه بسرعه خايف لا الكمبيوتر يعلق أو الكهربا تقطع فأعذوروني
https://fbcdn-sphotos-c-a.akamaihd.n...20786565_n.jpg
نيجي بقه لصورة نص التابلوة .
هنلاحظ أن التكيف نازل بكرات مش تاتش ... !! يعني منيول مش ديجيتال
وهنالاقي كمان أن مفيش زرار أستارت أنجن ... يعني هتشغل العربية بطريقت جدي وجدك بالمفتاح ... الطريقة البلدي بتاعت زمان ولسه هتطلع المفتاح من جيبك ولسه هتحسس جمب الدريكسيون وتدور على الفتحه ولسه هتدخل المفتاح ... وبعدين تعوج ايدك كده وانتا بتسمي وتدور العربية ... وتدور وتشيل أيدك على طول علشان ما تحرقش المارش ... بس تقول أيه بقه معليش على قد فلوسك :) زود وهات الهاي لاين ودور العربية بلمست زيرررررر.
بس هنا أنا بأستغرب كان أيام زمان في الكرسيدة كان مكان تدخيل المفتاح كان بيبقى جمبوا حلقة كده بتنور بمجرد مالمفتاح يخبط في مكان الكونتاكت أو بمجرد ما تفتح باب السواق ، فهتخسر أيه تويوتا لو عملت الحلقة المضيئة دي !!
@@@@@@@@@@
طيب نيجي لحاجة مهمة تانية
https://scontent-b-ams.xx.fbcdn.net/...07089859_n.jpg
أولاً : هنا الديريكسيون زي ما قلتلكم مفهوش أي أبتكار هو علشان الفئة فاضية مفهوش حتت الملتي بتاعت التعليه وتوطيت الكاسيت ... لكن بصوو على الصورة كويس ده مفهوش أي أبتكار مسروق من موديل BMW سيرفيس ثري أعتقد موديل 2010 ... تيبكل نفس الحجم والعرض ... ونفس رسمت الكلاكس ويمكن لو أستعنى حد خبيررررر من قسم بي أم دبليو عندنا هنا في المنتدى ويقدر يقولنا ... وحتى الباكيته السيلفرررر الي محطوطة كده والخياطة بتاعت الديريكسيون ... فهل دي ميزة أم عيب أن اليارس تنعدم شخصيتها ... فهل أفلس اليابانيين وأصبحوا يقلدو شركة BMW تقليد أعمى !!
https://scontent-b-ams.xx.fbcdn.net/...07089859_n.jpg
طيب حتى الباب وتقسيمت فرش الباب انا شايفها قبل كده في عربية تانية بس مش فاكر شفتها فيييين هل فرش باسات ياربي ولا فرش بي أم موديل 2009 او 2010 بس متاخد كوبي وباست ياريت تقلولي أيه رئيكم يا جماعه المصمم سرق تصميم الباب من أي فئة أو أي موديل ؟؟
@@@@@@@@@@
في الختام أرجو أن يكون التقرير حاذ على أعجابكم ورضاكم
وبرضو متنسوش في بصامة كده تحت أهي على اليمين بالحبر الفسفوري وانتا طالع غمز صباعك بالحبر الفسفوري يامعلم :)
وتقبلوا ... تحياتي
