الموضوع: تعملوا ايه لو حصل معاكوا زي اللى حصل معايا النهرده !!!

المشاركة الأصلية كتبت بواسطة Omar Elgezeiry

بتفكرني بنفس اللي حصل مع احمد حلمي في 1000 مبروك بس التاني مكنش بيتكلم
اللي ممكن اعمله ساعتها اني حتغابي علي الناس اللي جاية تقوللي انت خابطه و بعدين خبطة الراجل بتاع العرقسوس ده مش حتسيب اي اثر علي الكبوت؟؟

بالظبط , لو كنت خبطته كان هيبقى فيه اثر , ده حتى لما القزاز وقع واتكسر مفيش حاجة جت ناحية العربية الحمدلله

المشاركة الأصلية كتبت بواسطة eslam atia

متزعلش نفسك
ابتلاء من الله
تصبر ام لا ؟
والمنظر اللي حصل فعلا يدل علي تسرع الناس في الحكم علي المواقف
الحمد لله لعله خير

الحمدلله انا صابر بس مستغرب من هبل الناس

المشاركة الأصلية كتبت بواسطة ZARIF

طيب مش ممكن تكون العربية ريحت منك من غير ما تاخد بالك

لا انا كنت واقف ودايس على الفرامل

المشاركة الأصلية كتبت بواسطة rotanamasoud

فى اعتقادى انه فيلم بتاع العرقسوس يتكعبل مع كام واحد تبعه يتلمو ووسط الدوشه العربيه تتقلب مثلا او يكمل الفيلم وتقوله اللى انت عايزه لاكن تصرفك بثقه خلى الفيلم يفشل والراجل لما فهم ان الفيلم فشل قالك انا مسامح وحصل خير والله اعلم

انا كنت حاسس انها اشتغالة بس احسنت الظن ان الراجل بتاع العرقسوس وقع ومش هيمثل ويقع على القزاز وكمان الناس اللى كانت بتتكلم مش تبعه , خارجين من اشغالهم

المشاركة الأصلية كتبت بواسطة ahmed12345678

الحمدلله انك متقبتش وسط الفيلم الهندى ده
ومتسرقش منك حاجة

الحمدلله اول ما حصل كده مسكت الموبايل فايدي بعد ما قفلت المكالمة عشان محدش يسرقه

المشاركة الأصلية كتبت بواسطة amrelsaqqa

هحاول اتكلم وابين انى عايز اتكلم ومش عاارف وبعدين ادخل العربية واضرب كلاكس مستمر لحد ما يسكتوا وبعدين اقول اللى عندى وامشى
ما اقتنعوش يبقى اه خلاص انا اللى وقعته وانا راجل مفتري حد له شوق في حاجة ؟ سلام عليكم واعيش دور المفتري بجد واطلع وامرك بالعربية هرجلة بهرجلة بقى

ماهو الفكرة ان محدش اداني فرصة اتكلم وكانوا بيعلوا صوتهم وبيزيطوا فالزيطة وخلاص وعايزين يستفزوني اني اعلي صوتي عشان يتخانقوا وفالاخر ممكن يكسروا العربية ويقولوا اني خبطته وبزعق كمان وهيصة بهيصة عالم زبالة

المشاركة الأصلية كتبت بواسطة kokowasfy

انا لو مكانك هنزل من العربية و هقول لهم يلا يا ولاد (****************) منها مش ناقصة ارافكم (****************) دا الواحد طالع(********************) بس كدا اول ما تخش فيهم شمال كلو هيسكت محدش هينطق طريقة متجربة بس خلى معاك سلاح احتياطى هههههههه

هههههههه الافكار دي جتلي بعد ما مشيت

المشاركة الأصلية كتبت بواسطة yasserwin

ايووووووووووووة انا شوفتك وانت بتخبطه بالكبووت فى كليته ...

ياعم حراااااام عليك :d

للاسف الراجل بتاع العرق سوس كان بس بيحاول انه يجيب ثمن الكوبايات الى اتكسرت منك .. فمرديش يتكلم ويقول انك مالكش دعوة

انا قلت كده والله وخصوصا انه اول ما وقع مباشرة قال "ادي اللى خدناه من العربيات" وانا كنت هنزل لما لقيته قال كده والناس جت وبتهيص فثواني من غير ما يعرفوا فيه ايه , قلت طب والله ما انا نازل

المشاركة الأصلية كتبت بواسطة وليد مسلم

لا حول ولا قوة الا بالله
ادى اخرة العربيات اللى احنا بنركبها
جايبه لنا المشاكل
عموما انت تصرفت طبيعى جدااا
لان اغلبنا لو مكانك كان عمل برضه كده
لانها على غفله ومش مترتبه

المصريين اتغيروا للاسف الشديد
بجد يا جماعه والله اتغيرنا
للاسوأ طبعا

الحمدلله , اه والله كله اتغير , انا بعد ما مشيت قلت دي صورة مصغرة من مصر , كله بيتكلم فاي حاجة من غير ما يحكم

هههههههههههههههه
فيلم احمد حلمي

الحاله ماتت

المشاركة الأصلية كتبت بواسطة mesaharaty

الحل الأمثل لما تشوف الناس بتعمل هيصة وزعيق إنك تحسسهم إنك مابتاكلش من الكلام ده وإنك بتعرف تزعق زيهم وحاحكيلك على موقف صغير جدا حصل معايا :
كنت ماشى أنا وزميل لى ولقينا اتنين شباب ماسكين فى بعض وبيبتدوا يتخانقوا .. أنا وصاحبى حبينا نخلصهم فواحد منهم ابتدا يشتمنا ويقل أدبه ، صاحبى اللى معايا كل اللى عمله إنه حط إيده فى جيب بنطلونه الخلفى وعمل نفسه بيطلع مطوة (هو مش معاه أى حاجة خالص) فالولد إتهوش وانقلب 360 درجة ومعلش والنبى يا كابتن أنا مش قصدى أنا غلطان لكم بلاش المطوة .
الخلاصة :
للأسف كان التغيير للأسوأ ولا أعتقد إنه هيتحسن تانى أبدا .
فلنتعايش وإلا طقينا وفرقعنا من جنابنا .

ماهو الفكرة ان اتنين عمالين يزعقوا وفاكرين نفسهم جامدين والباقي بيقول امين , اتنين يزعقوا والتانيين يقولوا حرام عليييييييك

المشاركة الأصلية كتبت بواسطة s o p h o s

ايه كل ده شكله قاصد

قلت كده واحسنت الظن وكنت واحد حذري ولما لقيتهم بيهيصوا قلت خليهم يهوهو ومش نازل عشان لو كانت مقصودة متسرقش

المشاركة الأصلية كتبت بواسطة horas3000

تقريبا كده دي نصبايه جديده
و ربنا نجاك منها
عرق سوس ايه شهر 4 اصلا

انا بقي اللي لسه حاصل لي موقف طالع من نفوخي
كنت بوصل موظف عندي و هو عنده حاله زي الصرح باين و جاتله النوبه و احنا في الطريق
و انا من الخضه نزلت من العربيه و كان ورايا ميكروباص شاف اللي حصل و كل اللي فيه تقريبا نزلوا يحاولوا يفوقوه
المهم بعد فشل الجميع طلعت بيه علي مستشفي و فاق في السكه و طلب اروحه فعملت كده
تحت بيته بقي اكتشفنا ان حد من فعال الخير اللي في الميكروباص قلب موبايله
و لولا اني كنت ماسك موبايلاتي انا كمان عشان بكلم الاسعاف و ناس معايا في الشغل كان واحد فيهم اتقلب هو كمان

انا استغربت عرقسوس ايه وعند سيتي ستارز والناس بتقول حرام علييييييييك اكل عيشه رااااااح , كنت عايز اقولهم كل واحد يطلع مبلغ ونديهوله بدل ما انتو عمالين ترموا كلام وخلاص وكان وقتها مش هيدفعوا جنيه اساسا

المشاركة الأصلية كتبت بواسطة sanhory

الفيلم دا زي فيلم ازازة الدواء اللي بيعملوه النصابين

ايه موضوع ازازة الدواء ده عشان نستفيد ؟