.:: مقارنة تفصيلية مبين تويوتا كورولا 2014 و هوندا سيفيك 2014 ::.

بسم الله الرحمن الرحيم

زملائي الاعزاء بمنتدي نايل موتورز السلام عليكم ,,,
استكمالا لسلسلة المقارنات السابقة :
http://www.nilemotors.net/Nile/404031-2014-2014-a.html
http://www.nilemotors.net/Nile/406085-2014-2014-a.html

جمعتلكم علي مدار الاسبوع اللي فات معلومات للمقارنة مبين السيارتين الرائعتين تويوتا كورولا 2014 وهوندا سيفيك 2014 .

ملحوظة:

تم كتابة الفروق مبين العربيتين بلون ازرق مختلف للسهولة .

نبدأ بأمان الله بالتويوتا :

http://www.m5zn.com/image.php?img=15198915.jpg

http://www.m5zn.com/image.php?img=15198916.jpg

صناعة او تجميع تركي

مزودة بمحرك 1600 سي سي , 154/5200 نيوتن و 122/6000 حصان و بها زرار سبورت موود و ناقل حركة CVT و ستيبترونيك

متوفر منها فئة مانيوال 165 الف و ثلاث فئات اوتوماتيك 178 الف , 189 الف و 215 الف

المواصفات القياسية

الابعاد 4620X1775X1465
قاعدة العجلات 2700 ملم
نصف قطر الدوران 5.4 م
وزن السيارة 1300 كج
وزن كلي 1760 كج
الخلوص الارضي 15 سم
سعة خزان الوقود 55 لتر
مانع سرقة
مدخل USB AUX
حجم الشنطة 470 لتر
مقاس الجنط 205/55R16
نظام الفرامل ABS + EBD +BAS
الوسائد الهوائية 2
7 في الهاي لاين
زجاج كهرباء 4
مرايات كهربائية
سنتر لوك و ريموت متوفر
عدادات اوبتيترون معدلة
مخادع اذرع خلفية متوفر
عجلة قيادة 4 اجزاء جلد و تحكم بالصوت قابل للتعديل و الامالة
مرايات جانبية كهربائية ملونة وقابلة للطى
نظام الثبات الالكتروني ESP
أضاءة نهارية ليد متوفر
خاصية trc
اشارات بالمرايات
فتح الشنطة من الريموت
تابلوه لونين اسود في بيج
حليات من النيكل كروم
زرارسبورت موود
نظام ايكو لتوفير البنزين قراءة فقط
خاصية hill assist
خاصية follow me home
خاصية اضاءة انوار emergency بعد الفرملة القوية لتنبيه السائق الخلفي
التحكم في ارتفاع المصابيح الامامية
راديو سي دي 4 سماعات

تزيد تاني فئة :

1. مثبت سرعة
2. تكييف أوتوماتيكي Dual Zone
3. تحكم بالنظام الصوتي والتليفون من عجلة القيادة
4. Bluetooth Telephone
5. راديو 6CD سماعات + مدخل USB+AUX
6. ضبط مستوى الاضاءة الامامية مانيوال
7. جنوط سبور مقاس 55/16 205 R
8. حساسات ركن امامية وخلفية و جانبية
9.خاصية الركن التلقائى Park Assist
10.فوانيس شبورة أمامية وخلفية
11. مرايا كهرباء قابله للطى بها سخانات شبورة
12. درج تخريد تحت مسند اليد متحرك
13. حامل اكواب خلفي
14. Voice recognition + Microphone

تزيد الهاي لاين :

مفتاح ذكى
مرآة خافتة للاضاءه أوتوماتيك
ضبط مستوى الاضاءة الامامية أوتوماتيك
7 ايرباج
كاميرا خلفية
حساسات مطر
حساست ضوء
رشاشات فوانيس امامية
كاسيت تاتش بنافيجيشن
خاصية الاوامر الصوتية
خط ضوء ازرق تحت الدرج الامامي
فرش جلد

الهوندا :

صناعة او تجميع تركي ايضا

http://nileup.com/up/uploads/nilemotors_13975850091.jpg

http://nileup.com/up/uploads/nilemotors_13975850092.jpg

مزودة بمحرك 1600 سي سي , 154/4300 نيوتن و 123/6500 حصان ناقل حركة5سرعات

متوفر منها فئتين اوتو بيزلاين 190 الف واوتو هاي لاين 210 الف

المواصفات القياسية

الابعاد 4528X1755X1451
قاعدة العجلات 2668 ملم
وزن السيارة 1250 كج
الخلوص الارضي 16.6 سم
سعة خزان الوقود 50 لتر
عفشة خلفية مالتي لينك
مانع سرقة
مدخل AUX بدون USB
حجم الشنطة 430 لتر
مقاس الكاوتش 195/65R15
نظام الفرامل ABS + EBD +BAS
الوسائد الهوائية 2
زجاج كهرباء 4
مرايات كهربائية ملونة بدون ضم
سنتر لوك و ريموت متوفر
عدادات ديجيتال
مخادع اذرع خلفية متوفر
عجلة قيادة 4 اجزاء
نظام الثبات الالكتروني ESP
أضاءة نهارية هالوجين متوفر
خاصية TRC
اشارات بالمرايات
تابلوه لونين اسود في بيج
حليات من النيكل كروم
نظام ايكو لتوفير البنزين نظام فعال
التحكم في ارتفاع المصابيح الامامية فوانيس عدسات
اغلاق السنتر اوتوماتيك بعد تحرك السيارة
راديو سي دي 4 سماعات

تزيد الهاي لاين :

1. مثبت سرعة
2. تكييف أوتوماتيكي بدون Dual Zone
3. تحكم بالنظام الصوتي والتليفون من عجلة القيادة الجلد

4. Bluetooth Telephone

5. راديو 6CD سماعات + مدخل USB+AUX
6. ضبط مستوى الاضاءة الامامية
7. جنوط سبور مقاس 55/16 205 R
8. كاميرا خلفية

9.فتحة سقف كهربائية

10.فوانيس شبورة خلفية فقط
11. مرايا كهرباء ليست قابله للطى
12. درج تخريد تحت مسند اليد متحرك
13. حامل اكواب خلفي
14. شاشة معلومات I-MID
15. عدد 4 ايرباج

يتبع

يعم انت وجعتلنا دماغنا ايه كل الكلام ده ؟؟

طيب يا سيدي متزعلش انا حضرت تجميعة و مقارنة كل فئة بتتفوق في ايه :

**الهوندا هاي لاين ب ٢١٠ ال تتفوق علي الكورولا الفئة التانية ١٨٩ الف في :

1.عدد 4 ايرباج مقابل 2
2. كاميرا خلفية
3. فتحة سقف كهربا قابلة للامالة
4. عفشة مالتي لينك
5. شياكة التابوله الداخلي
6. نظام ECO
7.فوانيس عدسات
8. شاشة معلومات I-MID
9.اغلاق السنتر مع تحرك العربية

**الهوندا هاي لاين ب ٢١٠ ال تتفوق علي الكورولا الهاي لاين ب 215 الف في :

1. فتحة سقف كهربا قابلة للامالة
2. عفشة مالتي لينك
3. شياكة التابوله الداخلي
4.نظام ECO
5.فوانيس عدسات
6. شاشة معلومات I-MID
7.اغلاق السنتر مع تحرك العربية

**الهوند بيز لاين ب 190 الف تتفوق علي كورولا تاني فية ب 189 الف والهاي لاين ب 215 الف في :

1.عفشة مالتي لينك
2. شياكة التابوله الداخلي
3. نظام ECO
4.اغلاق السنتر مع تحرك العربية

**الكورولا الفئة التانية ١٨٩ الف تتفوق علي الهوندا الفئة التانية ب ١٩٠ الف في :

1. بلوتوث
2. سعة خزان الوقود 55 مقابل 50 لتر
3. حجم الشنطة 470 مقابل 430 لتر
4. نظام اضاءة نهارى (ليد)
5.حساسات ركن امامية وخلفية و جانبية
6. خاصية الركن التلقائي auto park.
7. نظام hac المساعدة في المرتفعات
8. نظام ebs. التنبيه مع الفرامل
9. نظام follow me home
10. مرايات ضم مش موجودة في الهوندا
11. دركسيون جلد
12. ٦ سماعات مقابل ٤
13. مدخل usb
14. جنوط سبور مقاس 16 مقابل جنوط حديد مقاس 15
15. تكييف اوتوماتيك ديوال زون
16. طول قاعدة العجلات
17. فوج لايت

**.الكورولا الفئة التانية ١٨٩ الف تتفوق علي الهوندا هاي لاين ب ٢١٠ الف في :

1. طول قاعدة العجلات
2. سعة خزان الوقود 55 مقابل 50 لتر
3. حجم الشنطة 470 مقابل 430 لتر
4. نظام اضاءة نهارى (ليد)
5. حساسات ركن امامية وخلفية و جانبية
6. خاصية الركن التلقائي auto park.
7. نظام hac المساعدة في المرتفعات
8. نظام ebs. التنبيه مع الفرامل
9. نظام follow me home
10. مرايات ضم مش موجودة في الهوندا
11.فوج لايت

**الكورولا الهاي لاين ب ٢١٥ الف تتفوق علي الهوندا بيز لاين ب ١٩٠ الف في :

1. ٧ ايرباج مقابل 2
2. نظام الدخول الذكي
3. Start stop engine
4. كاسيت تاتش بكاميرا خلفية
5. مرايات تعتيم
6. بخاخات فوانيس
7. ضبط المصابيح الامامية اوتوماتيكيا
8. اضاءة ليد زرقاء بالدرج الامامي
9. فرش جلد
10. اوامر صوتية و التعرف علي الصوت voice recognition
11.حساسات ضوء
12. طول قاعدة العجلات
13.سعة خزان الوقود 55 مقابل 50 لتر
14. حجم الشنطة 470 مقابل 430 لتر
15.بلوتوث
16. نظام اضاءة نهارى (ليد)
17. حساسات ركن امامية وخلفية و جانبية
18. خاصية الركن التلقائي auto park.
19. نظام hac المساعدة في المرتفعات
20. نظام ebs. التنبيه مع الفرامل
21. نظام follow me home
22. مرايات ضم
23.دركسيون جلد
24. ٦ سماعات مقابل ٤
25. مدخل usb
26. جنوط سبور مقاس 16 مقابل جنوط حديد مقاس 15
27. تكييف اوتوماتيك ديوال زون
28.فوج لايت
29.حساسات مطر

**الكورولا الهاي لاين ب ٢١٥ الف تتفوق علي الهوندان هاي لاين ب ٢١٠ الف في :

1. ٧ ايرباج مقابل ٤
2. نظام الدخول الذكي
3. Start stop engine
4. كاسيت تاتش بكاميرا خلفية
5. مرايات تعتيم
6. بخاخات فوانيس
7. ضبط المصابيح الامامية اوتوماتيكيا
8. اضاءة ليد زرقاء بالدرج الامامي
9. فرش جلد
10. اوامر صوتية و التعرف علي الصوت voice recognition
11.حساسات ضوء
12. طول قاعدة العجلات
13. سعة خزان الوقود 55 مقابل 50 لتر
14. حجم الشنطة 470 مقابل 430 لتر
15. حساسات مطر
16. نظام اضاءة نهارى (ليد)
17. حساسات ركن امامية وخلفية و جانبية
18. خاصية الركن التلقائي auto park.
19. نظام hac المساعدة في المرتفعات
20. نظام ebs. التنبيه مع الفرامل
21. نظام follow me home
22. مرايات ضم


في النهاية اتمني يكون التقرير عجبكم.
وياريت لو في اي حد شايف معلومة مش دقيقة , غير صحيحة او ناقصة يزودها لافادتنا جميعا.

المعلومات دي كلها مجمعة من موقع تويوتا و هوندا ايجيب ومن التوكيل في زيارة و شرح مع مندوبي المبيعات للشركتين .

تجميع المعلومات اخد مني وقت جامد جدا و من مجهودي الخاص, بس كله يهون عشان خاطر زوار المنتدي الكرام , ولو عجبك التقرير متنساناش بدعوة حلوة .

هي دي التقارير فعلا للي عايز يشتري و محتار .. يبقى اللي فاضل ان الواحد يركب الاتنين و يشوف اي واحدة مريحة وسواقتها ممتعة عن التانية

شكرا جزيلا على تعبك .. و جازاك الله به خيرا

تسلم على مجهودك ياباشا

السيفيك محتاجه شوية حاجات عشان تقدر تنافس

أولا ال FaceLift الأمريكي ينزل للتركى ولو إن الشكل دا أذواق بس معظم الناس أجمعت إن الشكل الحالى سئ , والخامات مش اد كدا على عربيه بالسعر دا والمفروض انها التوب في الفئه دى

ثانيا التوكيل ينزل موديلات السنه في ميعادها مينفعش يبقى بيدلل على موديل 2013 وباقى التوكيلات بتتكلم في تسليم موديل 2015

ثالثا سعرها مايزدش أكتر من كدا وياريت يرخص :)

محتاجه معجزه صح

اقتباس:

---

المشاركة الأصلية كتبت بواسطة hunting_eagle

هي دي التقارير فعلا للي عايز يشتري و محتار .. يبقى اللي فاضل ان الواحد يركب الاتنين و يشوف اي واحدة مريحة وسواقتها ممتعة عن التانية

شكرا جزيلا على تعبك .. و جازاك الله به خيرا

---

اشكرك يا فندم علي زوقك،
التفصيصة قدام الناس و الاهم هي الراحة النفسية في العربية زي محضرتك قولت

اقتباس:

---

المشاركة الأصلية كتبت بواسطة hosam_optrawy

تسلم على مجهودك ياباشا

السيفيك محتاجه شوية حاجات عشان تقدر تنافس

أولا ال facelift الأمريكي ينزل للتركى ولو إن الشكل دا أذواق بس معظم الناس أجمعت إن الشكل الحالى سئ , والخامات مش اد كدا على عربيه بالسعر دا والمفروض انها التوب في الفئه دى

ثانيا التوكيل ينزل موديلات السنه في ميعادها مينفعش يبقى بيدلل على موديل 2013 وباقى التوكيلات بتتكلم في تسليم موديل 2015

ثالثا سعرها مايزدش أكتر من كدا وياريت يرخص :)

محتاجه معجزه صح

---

اشكرك علي كلامك الجميل
فعلا السيفيك مش عارف ليه قليلية الاوبشنز في النسخة دي بالذات! هل الموضوع يوصل ان مفيش فوج لايت و لا مرايات ضم ولا سنسورز ،،،، وانا دافع ٢١٠ الف!
و تأكيدا لكلام حضرتك ، هما لسة بيبيعو موديل ٢٠١٣ حتي الان مفيش موديل ٢٠١٤ و متوقع نزوله في شهر ٧ بدون تغيير نهائي غير الشبكة الامامية فقط لاغير و بزيادة في السعر عن السعر الحالي.
غير منطقي ان شهر ٧ ينزل موديل ٢٠١٤ لان العربيات التانية بتبدا تنزل ٢٠١٥ بعديها بشهر تقريبا

اقتباس:

---

المشاركة الأصلية كتبت بواسطة mohamed.hany

اشكرك علي كلامك الجميل
فعلا السيفيك مش عارف ليه قليلية الاوبشنز في النسخة دي بالذات! هل الموضوع يوصل ان مفيش فوج لايت و لا مرايات ضم ولا سنسورز ،،،، وانا دافع ٢١٠ الف!
و تأكيدا لكلام حضرتك ، هما لسة بيبيعو موديل ٢٠١٣ حتي الان مفيش موديل ٢٠١٤ و متوقع نزوله في شهر ٧ بدون تغيير نهائي غير الشبكة الامامية فقط لاغير و بزيادة في السعر عن السعر الحالي.
غير منطقي ان شهر ٧ ينزل موديل ٢٠١٤ لان العربيات التانية بتبدا تنزل ٢٠١٥ بعديها بشهر تقريبا

---

لا كتر خيره والله :)

خليه عايش كدا في عالم لوحده

والكلام دا من زمان من الشكل اللى قبل الحالي قبل زيادة الدولار وقبل الثوره وقبل اى حاجه

السيفيك مانزلش منها موديل 2011 وقعد فتره طويله يبيع في موديل 2010 وبعدها نزل الشكل بتاع 2012 الحالي

وكذلك الهوندا سيتى اللى من 2009 ماعتقدش انها باعت 500 عربيه على بعض في ال 5-6 سنين دول

تسلم ايدك علي التقرير الرائع

انا ركبت الكورولا تقفيل الابواب جيد جدا وخاماتها كويسة جدا .. بعدها ركبت السيفيك اعلي فئة تقفيل الباب بلاستيك شكله معفن نزلت منها مضايق الصراحة

اللة ينور عليك ويفتح عليك
انا اول مرة اعرف ان الهوندا فيها esp المهم بس
عشان كنت هانسا اة
الفرق ممكن في العفشة بس esp حل الدنيا
معلش هو اية trc
ولو في المقارنة فلوانس تبقي 100 100

اقتباس:

---

المشاركة الأصلية كتبت بواسطة zangry

تسلم ايدك علي التقرير الرائع

انا ركبت الكورولا تقفيل الابواب جيد جدا وخاماتها كويسة جدا .. بعدها ركبت السيفيك اعلي فئة تقفيل الباب بلاستيك شكله معفن نزلت منها مضايق الصراحة

---

اشكرك يا فندم , رأي حضرتك يحترم و شكرا علي مرورك الكريم.

اقتباس:

---

المشاركة الأصلية كتبت بواسطة omaranes77

الله ينور عليك ويفتح عليك
انا اول مرة اعرف ان الهوندا فيها esp المهم بس
عشان كنت هانسا اة
الفرق ممكن في العفشة بس esp حل الدنيا
معلش هو اية trc
ولو في المقارنة فلوانس تبقي 100 100

---

ال TRC هو Traction control و هو التحكم في الجر .
بيبان قوي لو لعربية نزلت في رملة او مياه او زيت ودوست بنزين عشان تطلع بكل سهولة من غير متفحر ولا تعوم .

بالنسبة للمقارنة مع الفلوانس فهي في الموضوع ده :
http://www.nilemotors.net/Nile/406186-2014.html
تحياتي لشخصك الكريم.

اقتباس:

---

المشاركة الأصلية كتبت بواسطة mohamed.hany

اشكرك يا فندم , رأي حضرتك يحترم و شكرا علي مرورك الكريم.

ال trc هو traction control و هو التحكم في الجر .
بيبان قوي لو لعربية نزلت في رملة او مياه او زيت ودوست بنزين عشان تطلع بكل سهولة من غير متفحر ولا تعوم .

بالنسبة للمقارنة مع الفلوانس فهي في الموضوع ده :
http://www.nilemotors.net/nile/406186-2014.html
تحياتي لشخصك الكريم.

---

حبيبي يا بشمهندس

اخوك الصغير

مهندسنا العبقرى محمد بيه هانى
دائما فى مقارناتك تتميز بالبساطه والتميز وتقليل الحيره
بس يبقى فى النهاية انك لو خيرت بين الاتنين
بين السيفك 2014 و الكورولا 2014 و الفلوانس 2014 و الاسترا 2014 و السيراتو 2014
فماذا تختار ولماذا ؟
علشان اسهل علية السوال اكمل النقاط التانيه بكلمه او اتنين بالكتير
السيفك 2014 : اختارتها علشان .... ولم اختارها علشان ...
الكورولا 2014 : اختارتها علشان .... ولم اختارها علشان ...
الفلوانس 2014 : اختارتها علشان .... ولم اختارها علشان ...
الاسترا 2014: اختارتها علشان .... ولم اختارها علشان ...
السيراتو 2014: اختارتها علشان .... ولم اختارها علشان ...

تقرير محترم و متكلف و مصروف عليه .. الف شكر يا باش مهندس ..
تحياتي ..

اقتباس:

---

المشاركة الأصلية كتبت بواسطة abofandy

مهندسنا العبقرى محمد بيه هانى
دائما فى مقارناتك تتميز بالبساطه والتميز وتقليل الحيره
بس يبقى فى النهاية انك لو خيرت بين الاتنين
بين السيفك 2014 و الكورولا 2014 و الفلوانس 2014 و الاسترا 2014 و السيراتو 2014
فماذا تختار ولماذا ؟
علشان اسهل علية السوال اكمل النقاط التانيه بكلمه او اتنين بالكتير
السيفك 2014 : اختارتها علشان .... ولم اختارها علشان ...
الكورولا 2014 : اختارتها علشان .... ولم اختارها علشان ...
الفلوانس 2014 : اختارتها علشان .... ولم اختارها علشان ...
الاسترا 2014: اختارتها علشان .... ولم اختارها علشان ...
السيراتو 2014: اختارتها علشان .... ولم اختارها علشان ...

---

دكتورنا العزيز
فكرة جميلة جدا و تترجم بأحتياجات كل شخص من العربية وارتياحه لها هذا هو الفيصل .
ما يتم هنا هو تفصيص كل كبيرة و صغيرة في العربية من كماليات و اوبشنز بالورقة والقلم .
انا عارف الحيرة بتبقي قاتلة , وفي ناس كتير بتدور عاوزة تعرف ادق التفاصيل وربنا يكرم كل واحد في اختياره السليم و يبقي مقتنع بيع بغض النظر عن اي شئ .

اقتباس:

---

المشاركة الأصلية كتبت بواسطة mostafa magdy

تقرير محترم و متكلف و مصروف عليه .. الف شكر يا باش مهندس ..
تحياتي ..

---

الشكر ليك يا دكتور مصطفي .
عدم مشاركتك في الاستطلاع عشان مفيهوش الجميلة فلوانس ولا لسبب اخر :giveflowers:

تحياتي ليك يا كبير, ةاتمني اشوفك مرة تانية في مقابلة قسم تويوتا

تسلم أيدك يا أبو حميد .. الموضوع هايل ومبذول فيه جهد كبير .. وربنا يجعله في ميزان حسناتك .. خااااااالص تحياتي

اسمحلي ارفعلك القبعه علي المقارنة الرائعه الوافيه دي
اللي فعلا هاتكون دليل قوي لاي شخص بيقارن بين الاتنين دول
خالص تحياتي يا محمد

الله ينور يابو حميد :)

تحية جامده يا محمد باشا علي الموضوع واحب اهديك الصورتين دول يوضحو عشان في ناس بيقولو تويوتا الجديدة نفس شكل الهوندا

http://cache.zr.ru/wpfiles/uploads/2...3-bat_0044.jpg

http://cache.zr.ru/wpfiles/uploads/2...3-bat_9421.jpg


http://cache.zr.ru/wpfiles/uploads/2...opyright_7.png

جامدة الصور يا جو .. وبتقول كلام كتير

مقارنه ممتازه جدا و على درجه عاليه من الاحترافيه تسلم ايدك على المجهود الكبير

كل مقارنات المهندس هانى :
-اعدت بحرفية شديدة
-بحيادية ( دا اجمل حاجة عجبتنى )
شكرا يا باشمهندس:bravo:

اقتباس:

---

تزيد تاني فئة :

14. Voice recognition + Microphone

---

بس ليا ملحوظة صغيرة علشان الصورة تبقى واضحة تماماً .. الفئة الثانية في الكرولا مفيهاش Voice recognition

مقارنة رائعة جدا كالعادة منك
والاثنين ممتازين وحاليا علي قمة اليابانـي
خالص تحياتي ليك ..

اقتباس:

---

المشاركة الأصلية كتبت بواسطة bassem.naguib

تسلم أيدك يا أبو حميد .. الموضوع هايل ومبذول فيه جهد كبير .. وربنا يجعله في ميزان حسناتك .. خااااااالص تحياتي

---

الشكر ليك باسم باشا

اقتباس:

---

المشاركة الأصلية كتبت بواسطة karim_monir

اسمحلي ارفعلك القبعه علي المقارنة الرائعه الوافيه دي
اللي فعلا هاتكون دليل قوي لاي شخص بيقارن بين الاتنين دول
خالص تحياتي يا محمد

---

استاذ كريم شرف كبير لي تعليق حضرتك, و يارب فعلا يفيد الناس

اقتباس:

---

المشاركة الأصلية كتبت بواسطة تامر.محمد

الله ينور يابو حميد :)

---

شكرا يا تامر باشا

اقتباس:

---

المشاركة الأصلية كتبت بواسطة iusef

تحية جامده يا محمد باشا علي الموضوع واحب اهديك الصورتين دول يوضحو عشان في ناس بيقولو تويوتا الجديدة نفس شكل الهوندا

---

صور من الاخر يا جو , تسلم ايدك

اقتباس:

---

المشاركة الأصلية كتبت بواسطة silent~dream

مقارنه ممتازه جدا و على درجه عاليه من الاحترافيه تسلم ايدك على المجهود الكبير

---

اشكرك , مقارنات حضرتك اللي ملهاش حل ما شاء الله و بنتعلم منها دايما

اقتباس:

---

المشاركة الأصلية كتبت بواسطة lordkhaled

كل مقارنات المهندس هانى :
-اعدت بحرفية شديدة
-بحيادية ( دا اجمل حاجة عجبتنى )
شكرا يا باشمهندس:bravo:

---

شكرا لكلام حضرتك , انا بحاول بقدر الامكان اكون حيادي ولو في اي خطأ او حاجة نسيتها تتصلح و تتعدل .

اقتباس:

---

المشاركة الأصلية كتبت بواسطة s o p h o s

مقارنة رائعة جدا كالعادة منك
والاثنين ممتازين وحاليا علي قمة اليابانـي
خالص تحياتي ليك ..

---

اشكرك

انا شايف ان الكورولا تكسب خصوصاً لو حجيب فئة تحت الـ200 الف

المقارنه فى الجول .... الف شكر على المجهود الرائع

انا ممكن اختصر الكلام ده من اللى فهمته من المقارنه بتاعت معاليك :

الموتور تقريبا نفس الاداء على الورق
الشكل الخارجى اذواق بس التويوتا شايف انها تكسب الشكل الحالى للهوندا
الكماليات التويوتا
العفشة و الثبات الهوندا بس الفرق مش كبير
الفتيس التويوتا
المساحة الداخليه .... مش فاكر
الاداء و هوا ده مربط الفرس - لأن معظم الباحثين عن الهوندا باحثين عن الاداء - مش عارف مين يكسب خصوصا فى التسارع ؟؟؟ هل ممكن نقول التويوتا لحد 120 مثلا و بعديها السيفيك هتجمع اكتر بعد ال 120 ؟
لو حد ممكن يفيدنا يكون افضل و الله اعلم

مقارنه ممتازه

اقتباس:

---

المشاركة الأصلية كتبت بواسطة برنس الليالي

انا شايف ان الكورولا تكسب خصوصاً لو حجيب فئة تحت الـ200 الف

---

موافق تماما

اقتباس:

---

المشاركة الأصلية كتبت بواسطة japrulez

المقارنه فى الجول .... الف شكر على المجهود الرائع

انا ممكن اختصر الكلام ده من اللى فهمته من المقارنه بتاعت معاليك :

الموتور تقريبا نفس الاداء على الورق
الشكل الخارجى اذواق التويوتا شايف انها تكسب الشكل الحالى للهوندا
الكماليات التويوتا
العفشة و الثبات الهوندا بس الفرق مش كبير
الفتيس التويوتا
المساحة الداخليه .... مش فاكر
الاداء و هوا ده مربط الفرس - لأن معظم الباحثين عن الهوندا باحثين عن الاداء - مش عارف مين يكسب خصوصا فى التسارع ؟؟؟ هل ممكن نقول التويوتا لحد 120 مثلا و بعديها السيفيك هتجمع اكتر بعد ال 120 ؟
لو حد ممكن يفيدنا يكون افضل و الله اعلم

---

إذًا .. الكورلا في المُجْمل أفضل.. والله أعلم.

اقتباس:

---

المشاركة الأصلية كتبت بواسطة japrulez

المقارنه فى الجول .... الف شكر على المجهود الرائع

انا ممكن اختصر الكلام ده من اللى فهمته من المقارنه بتاعت معاليك :

الموتور تقريبا نفس الاداء على الورق
الشكل الخارجى اذواق بس التويوتا شايف انها تكسب الشكل الحالى للهوندا
الكماليات التويوتا
العفشة و الثبات الهوندا بس الفرق مش كبير
الفتيس التويوتا
المساحة الداخليه .... مش فاكر
الاداء و هوا ده مربط الفرس - لأن معظم الباحثين عن الهوندا باحثين عن الاداء - مش عارف مين يكسب خصوصا فى التسارع ؟؟؟ هل ممكن نقول التويوتا لحد 120 مثلا و بعديها السيفيك هتجمع اكتر بعد ال 120 ؟
لو حد ممكن يفيدنا يكون افضل و الله اعلم

---

الخلاصة أن الكورولا في المُجمل أفضل، والله أعلم.

رغم العبقرية اللى ممكن تحسها فى الكورولا 2014

الا ان عشق الثقة فى علامة هوندا خلت

السيفيك 2014 سحبت البساط من الكل بسلاسة تحسد عليها

اقتباس:

---

المشاركة الأصلية كتبت بواسطة carrier

رغم العبقرية اللى ممكن تحسها فى الكورولا 2014

الا ان عشق الثقة فى علامة هوندا خلت

السيفيك 2014 سحبت البساط من الكل بسلاسة تحسد عليها

---

اتفق مع حضرتك جدا , السيفيك عربية هايلة و عظيمة .

في وجهة نظري موديل 2014 الكورولا تتفوق و بجدارة عن الهوندا في كل شئ و تفوق ملحوظ وده باين في المقارنة و الاوبشنز .
وده اللي مخلينا نشوف الكورولا الجديدة اكتر بكتير من الهوندا الجديدة رغم انها نزلت قبل الكورولا بفترة حلوة .
اسم هوندا و سمعتها هي اللي خلاها تسحب البساط من الكل و ده اتفق فيه جدا مع حضرتك

اقتباس:

---

المشاركة الأصلية كتبت بواسطة zangry

تسلم ايدك علي التقرير الرائع

انا ركبت الكورولا تقفيل الابواب جيد جدا وخاماتها كويسة جدا .. بعدها ركبت السيفيك اعلي فئة تقفيل الباب بلاستيك شكله معفن نزلت منها مضايق الصراحة

---

ياعم براحه بس شويه والنبى علشان انتا داخل شمال
باب ايه البلاستيك ومعفن كمان وكمان نزلت مضايق
والله شكلك ماركبت الهوندا ولا الكورولا
انتا بتقول اى كلام
الهوندا يا بشمهندس من اكتر العربيات المريحه فى كراسيها وعزلها الداخلى
انا مش هتكلم عن خامات التويوتا اللى فى الباب علشان محدش يزعل بس لما تتكلم عن الهوندا تيقى عارف انتا بتتكلم عن عربيه عامله ازاى فى امكانياتها
يكفى انها مش تقفيل مصرى وبعد كده الاقى الخليجى نازل عليا زى المطر من كل معرض
ياسيدى هقولك ايه
:B4_592::_Alshmokh08[1]::B4_592:

مجهوود رااائع

مين فيهم افضل من ناحية الميكانيكا و العفشة و التقفيل؟

اقتباس:

---

المشاركة الأصلية كتبت بواسطة nyzo

مين فيهم افضل من ناحية الميكانيكا و العفشة و التقفيل؟

---

التقفيل لازم تشوفه علي الطبيعة و تقارن و انا هحتفظ برأي لنفسي عشان في ناس بتزعل.

الميكانيكا هل تقصد بيها الموتور و الفتيس ؟
موتور العربيتين زي بعض تقريبا و لكن فيتيس الكورولا افضل عشان cvt عدد لا نهائي للنقلات مقابل ٥ سرعات للهوندا بيديها تسارع افضل و استهلاك بنزين احسن.

العفشة في الكورولا تورشن بيم انعم من الهوندا مالتي لينك انشف شوية بس بيديها ثبات اعلي شوية و لكن علي حساب صعوبة و غلو الصيانة للمالتي لينك.

بالنسبة للاعتمادية فالاتنين متقاربين و لكن الكورولا تتفوق في ان سير الكاتينة جنزير مش بيتغير علي عكس الهوندا كل ٦٠ الف كم و الصيانة دي بتبقي غالية ،
كمان البوجيهات في الكورولا بتتغير بعد ال ١٢٠ الف كم بعكس الهوندا كل ٣٠ او ٤٠ الف كم.

اما الاوبشنز فزي مواضح في التقرير انها في صالح الكورولا بفرق ملحوظ.

فيه حاجه بسيطة مفيش سيفيك 2014 الموجود 2013 والمفروض التوكيل كمان فترة بسيطة هينزل 2015

Sent from my GT-S5282 using Forum Runner

والله تقاريرك دى الى بتحببنا فالتويوتا