حد لاحظ ان باور الامجراند بيبقى كويس لما تكون العربيه بارده و لما تتضرب مشوار خاصه فالركن تلاقيه تقل جدا انا شاكك فزيت الباور انه مش اد كده
عرض للطباعة
حد لاحظ ان باور الامجراند بيبقى كويس لما تكون العربيه بارده و لما تتضرب مشوار خاصه فالركن تلاقيه تقل جدا انا شاكك فزيت الباور انه مش اد كده
بصراحة مركزتش في حاجة زي دي بس اوقات فعلا بلاقية سلس جدا و اوقات بحس انة تقيل بس قليل ومركزتش بيتقل امتي ..
عموما هتابعها بعد بكرة ان شاء الله في سفرية واقول الوضع اية عندي وربنا يسترها علينا جميعا
زيت الباور فستك يا باشوات و قررت اغيرة بعد صيانة ال 10000 ان شاء الله
حسب معلوماتى انهم بيتعاملوا مع شل - بس هل فى زيت الموتور فقط ام فى جميع الزيوت - زيت الباور و فتيس و باكم
الله اعلم
انا اعتقد لا و فيه ناس لما غيرت زيت الفتيس بقى احسن و العضه راحت
طيب هنغير الفتيس و الباور باية يا جدعان يعني محدش عمل بحث كدة وجاب افضل انواع
مشكلة زيت جنك انه ابيض بخلاف باقي زيوت البور الحمراء ، لو حصل حاجة في طلمبه البور التوكيل هيقولك انك غيرت نوع زيت البور وكده بره الضمان ،، غير كده هو اقوى زيت بور
امبارح غيرت زيت الباور بزيت المانى اللتر ب75 جنيه بس لسه ماطلعتش مشوار بعد ماغيرته لكن فيه فرق ملحوظ للاحسن و جارى التجربه على مسافات طويلة و هقلكوا النتيجة
حاضر انا هقول بالتفصيل ... انا اشتريته من شارع دمشق و العلبة اللتر ب75 جنيه خدت علبتين و روحت لبتاع زيوت فعين شمس نزل الى فيها و حط تلات اربع العلبه الى جيبتها و اديته 25 جنيه ... النهارده طلعت مشوار بيها ماشاء الله الباور حلو اوى و مش بيفرق العربيه بارده او لأ عكس الى كان فيها الزيت لونه احمر عادى زى الى موجود و سالت بتاع الزيوت على الى حطيته قالى ده محترم جداوفعلا اداء حلو اوى
الزيت المانى و منقوش عالعلبه انه صنع المانيا و دى صورة للعلبة
http://upload.mmnon.com/uploads/mmno...9837618981.jpg
طيب وهو سحب الزيت القديم ازاي؟ وهل سحب اللي في العلبة فقط ولا اللي في الخط كله بما فيها الاسكاترا؟
هو فضى العلبة و بعين هزيت الدركسيون يمين و شمال والعربيه مطفيه بعدين حط الزيت الجديد و برضه قعدت اهز الدركسيون و العربيه مطفية و بعدين دورنا العربية و راح مزود الزيت
الف مبروك تغيير الزيت
شكله نظيف جداً بس انا لفت نظرى انه مكتوب عليه automatic transmission fluid
يعنى زيت للفتيس الأتوماتيك
يا ترى هل ممكن وضع زيت فتيس مكان زيت الباور؟
انا شخصياً أشك فى هذا....برجاء التأكد من هذه النقطة مرة أخرى
و ده وصفه على الانترنت:
HIGHTEC ATF 9006
High-performance ATF fluid with lowered viscosity for improved fuel efficiency. Specifically developed for use in state-of-the-art multi-speed automatic transmissions as per manufacturer's instructions. HIGHTEC technology: saves fuel and minimizes wear.
Additionally this product is recommended when the following filling instructions are required:
MERCON SP
MERCON LV
BMW 8322 0 142 516 (BMW 1375.4)
Hyundai SP-IV
Jaguar Fluid 8432
Land Rover TYK5000050
Nissan Matic S
Toyota Type WS
VW/Audi G 055 005
Art. No.: 25051
تحياتى
فك الخرطوم وسابها تصفى
زيت الباور هو هو زيت الفتيس الاتوماتيك دى حاجه معروفة ودى صورة علبه باور موبيل مكتوب عليها انها للفتيس الاتوماتيك
http://upload.mmnon.com/uploads/mmno...8517333931.jpg
بعد المشى عالزيت الجديد اكتر من 150 كم احب اقلكوا ان فيه اختلاف كبير اوى بين الزيتين و نصيحه بجد غيروا زيت الباور و شوفوا نعومه الدركسيون
ربنا يسهل و ان شاء الله ناوى اغيرة بما انك لاحظت فعلا فرق ملحوظ
طيب انا لقيت مكتوب على العلبة ما معناة انة زيت تخليقى صح كدة ؟
انا كمان النهاردة غيرت زيت الباور بنوع اسمه GM DEXEON III automatic plus شركة MANNOL اللتر ب60 جنيه مكتوب عليها Made in EU Sct Lubricants انا قلت ده احس نوع قال ده أحسن الأنواع كلها و كان يوجد زيت موبيل و زيوت اخرى كثيرة عنده و قولت له ميهمش السعر انا عاوز احسن حاجة قال لى ده احسن حاجة فى السوق. و الله اعلم
اين الرد..........
المهم الاداء اخباره ايه
باور ميه....................
يس كنت عاوز اعرف فى حد يعرف الزيت ده و لا غيره قبل كده.............
معلش يا ميدو انا لاحظت على خزان زيت الباور وجدت اربع مقاسات و هم Cold Min و cold Max فى اسفل الخزان و ايضا Hot Min و Hot Max فى أعلى الخزان ممكن التوضيح للأهمية
بعد تجربه تقريبا 4 شهور احب اقول الباور ناعم جدا و جميل للى عنده مشكله فالباور ده حلها
معلش ممكن تقولنا على نوع الزيت تانى اللى استخدمته وجربته اربع شهور وسعره كان كام وممكن كمان اعرف بيتجاب منين ؟
استفسار معلش,
ايه لازمة زيت الباور ده اصلا ؟
و هاحس بفرق في ايه بالظبط ؟
انا بامشي بالعربية علي خفيف, طريق حوالي 20 كم رايح و 20 كم جاي , تقريبا 4 مرات اسبوعيا,
ومش ملاحظ ان في مشكلة الحمد لله في العربية
طاب انا عندي زيت الباور ده قليل, اقل من الـ Min,
ولسة ماخلصتش الـ 1000 كم,
فيها مشكلة ؟ ولا استني لما اروح للتوكيل بعد الألف ان شاء الله؟
حدث بالفعل
امبارح والدى كان فى مركز الصيانة فى دفرة هنا فى طنطا بيعمل صيانة الألف ... واكتشف ان مكنة الباور مخرومة وبتجيب زيت وسيتم استبدالها كمان يومين بمكنة جديدة
غير كدا العربية تمام مفيهاش مشكلة