الموضوع: الحكومة ترفع اسعار بنزين 92 لـ 2.85 و95 ب 6 جنيه

بأختصار كدا ،،

ضد تطبيق موضوع الشرائح مع زياده اسعار الطاقه المنزليه من كهرباء وغاز وخلافه لان الموضوع دا فااااااااااشل ومش اكتر من نصبايه لزياده الاسعار على الكل

يا ريت الحكومه ترد علينا وتعرف لنا يعنى ايه مواطن محدود الدخل ؟؟ لانى ملاحظ ان كل الحكومات من ايام مبارك مروراً بمرسى الى الحكومه الحاليه تعرف المواطن محدود الدخل الذى يستحق الدعم هو من دخله اقل من 500 جنيه شهرياً واكبر رقم سمعته من يومين من مسئول ف وزاره البترول ، محدود الدخل اللى دخله اقل من 1000 جنيه شهرياً والباقى ف نظر كل الحكومات غنى ولا يستحق الدعم وعايش رفاهيه ولازم نقلبه ف الفلوس

يا ريت كل الحكومات تتخلى عن فكره زياده الاسعار ورفع الدعم لسد عجز الموازنه وحل مشاكل انقطاع الكهرباء لان دا مش حل ، دا اسمه سرقه ومص دم الغلابه لحد ما الحكومه تخلص مدتها وتبقى ف الصوره حلت المشكله وتيجى الحكومه اللى بعدها تقع ف نفس المشكله ونفضل ف نفس الدايره ويدفع تمنها المواطن الغلبان فعلاً

مفيش مره شوفت اى حكومه من يوم ما وعيت ع الدنيا اتكلمت على طرق جديده لزياده دخل المواطن المصرى وزياده مستوى المعيشه له مع الانتقال من مستوى تحت الفقر والعشوائيه ، الى الرفاهيه على المواطن المصرى والقضاء تماماً على الفقر والعشوائيه !!! ولا هى الحكومات دى بتشتغل لمصلحه نفسها والكرسى فقط وطز ف المواطن !!!

محتاجين للاسف ثوره على نفسنا ، على فكرنا ، على اخلاقنا ، مشكلتنا ليست سياسيه بل هى مشكله فكريه اخلاقيه ف المقام الاول ، والعوض عليكى يا مصر

الكلام جميل بس بردوا مفيش حل
والناس مش مستحملة