أرجو المساعدة من الجميع اانسجنيا او سى 180

**Abdo Taha** · 16-04-2014 08:12 PM

المشاركة الأصلية كتبت بواسطة sherif shaheen

أنا عملت الموضوع ده فى قسم المقارنات و أسف جدا ليكم بس ده علشان حبيت أخد رأى الجميع و متشكر جدا على كل إلى رد عليا و أتمنى مشركتكم فى الموضوع هناك و شكرا

بص هو طبعا حوالي 80 % من الناس هيقلولك مرسيدس ميزة المرسيدس انه مش بيخسر في بيعه و النقطة دي انت وضحتها انها مهمة ليك يبقى افضلك مرسيدس طبعا بس الدلع اللي في الانسجنيا و شكلها ده برضه في حد ذاته يحيرك والله انا شايف تعمل استخارة و تركب العربيتين و شوف قلبك اذا كان مستريح للانسجنيا و لا لأ و في كلا الحالتين العربيتين كويسين بس خوفي ان زي ما قلت لو الشكل الجديد نزل هل ممكن يأثر على اعادة بيع ال c180 ؟

**احمد فهمى** · 16-04-2014 08:47 PM

المشاركة الأصلية كتبت بواسطة sherif shaheen

ألف شكر و كلام حضرتك مقنع جدا بس المشكلة عندى إنى مشعاوز cla سببين
الأول سبب عام و هو طول مدة الحجز و معنديش إستعداد أستنى سنة حاجز عربية لأنى هكون زهقت منها من قبل مأجيبها
السبب الثانى إنها جر أمامى و بكدة فقدت أهم ميزة تميزها عن السيارات الأخرى بالإضافة إنى قرأت فى مواقع أجنبية إن ground clerance 10 سنتى وده بالنسبالى كارثة لأنى بسافر إسبوعيا و فى طرق كتير منها مطبات مش هتنفع فيها
أما 316 لا غبار عليها بس أنا عاوز عربية مجربتوش من قبل

مشكلة الcla فعلا الحجز او تدفعلك 20 فوق سعرها وتشتري وده فى نظري سرقه ولو بتغير بسرعه ابعد عن اوبل وعن الزيرو وخليك فى المرسيدس لكن لو هتقتنى عربيه يبقى زيرو وبي ام يا مرسيدس للأسف كما وضحت وكيل اوبل هيكرهك فى العربيه

**د.عماد صلاح** · 17-04-2014 12:15 AM

مرسيدس

**Abdo Taha** · 17-04-2014 11:03 AM

المشاركة الأصلية كتبت بواسطة sherif shaheen

طيب لو جبت الإنسجنيا و حبيت أبعها بعد سنتين تخسر كام تقريبا أو تتباع بكام يعنى أنا مثلا لو تتباع 230 أو 240 فدى خساره أستحملها بس لو أكتر هيبقى كتير
و تانى حاجة علشان مليش فى الأوبل هى لسه فيها عيب إنها تسخن و الكلام ده و لا خلاص إتحلت الموضيع دى أصل معلوماتى عن الأوبل كانت مودلات 1996 و دى أخر أعرفها عن الأوبل

لو خايف من موضوع الخسارة مرجحلكش الانسجنيا لأنها لسة مخدتش وضعها في السوق زي ال 508 و ال 316 و انا شايف تروح للمرسيدس افضل عشان متخسرش في البيع و موضوع السخونة ده الله اعلم المحرك الجديد اخباره ايه بس محدش اشتكى منه الى الان و هما بقوا بينزلوها للخليج فممكن يكونوا تفادوا الموضوع ده

**haisam ali** · 17-04-2014 12:25 PM

جيلى ام جراند ........ بس من غير شتيمه ههههههههههه
والله يامعالى الباشا انا شايف كأنك بتقارن مابين شقه على النيل فى الدور التانى وشقه على النيل فى الدور الثالث ..... فأنا برضه بضم رأيي لاستاذنا احمد فهمى وبقول تشترى الشقه اللى فى الدور الرابع اللى هيا العربيات يامرسيدس زيرو يا BMW زيرو ...... انا بيذكرنى موقف ان جه واحد صاحب واحد صاحبى ولاقيته راكب عربيه مرسيدس c وانا عمرى ماركبت العربيات دى فبينى وبينكم انا اتباجحت وقولتله عايز ( خطوه ) الواد ضحك وقالى خد ياعم وركب معايا وطلعت ومشيت ههههههههههههههه وقولتله اومال العربيه دى كام cc ( كنت عايز اتمنظر عليه بان عربيتى ٢٠٠٠cc ) لقيته بيقولى العربيه دى ٦ سلندر ٤ شغالين واتنين انت بتناديهم قولتله اذاى قالى اعمل kick down كده وعملت ال kick down وعينكم ماتشوف الا النور لاقيت العربيه اتهزت هزه غريبه كده وزى مايكون جالها موتور تانى انا لقيت العربيه بتطيرررررررررررر وبسم الله ماشاء الله ثبات ايه وخامات ايه حاجه اخر عظمه ...... فأنا شايف ان الموضوع كبير جدا ومحير وكان الله فى العون

**احمد فهمى** · 17-04-2014 09:58 PM

المشاركة الأصلية كتبت بواسطة sherif shaheen

طيب لو جبت الإنسجنيا و حبيت أبعها بعد سنتين تخسر كام تقريبا أو تتباع بكام يعنى أنا مثلا لو تتباع 230 أو 240 فدى خساره أستحملها بس لو أكتر هيبقى كتير
و تانى حاجة علشان مليش فى الأوبل هى لسه فيها عيب إنها تسخن و الكلام ده و لا خلاص إتحلت الموضيع دى أصل معلوماتى عن الأوبل كانت مودلات 1996 و دى أخر أعرفها عن الأوبل

موضوع السخونه انتهى من زمان ده كان عيب فى موديل ال2000 سي سي اوتوماتيك فقط وهتخسر اكتر من كده زى الفيكترا سي كانت توب لاين ب230 الف وبعد كده عملو عليها عروض سعرها نزل زيرو ل185 الف وحاليا المستعمل السليم بيوصل ل120 الف بالعافيه فلو نسبه وتناسب مع السعر الانسيجنيا بعد سنتين لو مظهرش عيب مثلاً ضيع سوقها فهتتباع فى حدود 190 الف ال 200 ده لو حد بيدور عليها وتكون عملتلك 60 الف كيلو مثلا لأن كل سوق اوبل فى اعادة البيع ضايع

**Abdo Taha** · 17-04-2014 10:41 PM

المشاركة الأصلية كتبت بواسطة احمد فهمى

موضوع السخونه انتهى من زمان ده كان عيب فى موديل ال2000 سي سي اوتوماتيك فقط وهتخسر اكتر من كده زى الفيكترا سي كانت توب لاين ب230 الف وبعد كده عملو عليها عروض سعرها نزل زيرو ل185 الف وحاليا المستعمل السليم بيوصل ل120 الف بالعافيه فلو نسبه وتناسب مع السعر الانسيجنيا بعد سنتين لو مظهرش عيب مثلاً ضيع سوقها فهتتباع فى حدود 190 الف ال 200 ده لو حد بيدور عليها وتكون عملتلك 60 الف كيلو مثلا لأن كل سوق اوبل فى اعادة البيع ضايع

هو معروف ان الاوبل بينزل في سعره بس اللي حصل في الفيكترا سي صعب يحصل للانسجنيا ليه لأن اولا الفيكترا سي نزلت بالايزي ترونك اللي الناس متقبلتوش دي نقطة و تاني نقطة انها كانت اخر سنة للفيكترا تنزل فيها فدي نقطة تانية و منصور كان بيبعها يعتبر عشان يخلص من اللي عنده و سعتها كان منزل قسطها بدون فوايد و ثالث نقطة ان سعرها نزل جامد بعد الازمة المالية و اللي gm اتضررت فيها جامد و سعر التوب لاين وصل من 220 الف الى 180 الف فكل دي عوامل ضربت العربية في سعرها اما الانسجنيا فسعرها زاد عن الاول والله اعلم مستقبلها هيبقى عامل ازاي هل هتنتشر جامد و لا ايه النظام خصوصا ان الشكل ده هيقعد حبة محترمين بتاع 4 سنين كمان فالناس هتشتري زيرو الفترة دي و بكده العربية اختلفت عن الفيكترا بس هنرجع نقول ان عمر ما في عربية الماني افضل بيعا من المرسيدس

-

الموضوع: أرجو المساعدة من الجميع اانسجنيا او سى 180

LinkBack

أدوات الموضوع

عرض

-

-

-

-

-

-

المواضيع المتشابهه

أرجو من الجميع حل لي هذة المشكلة

أرجو المرور من الجميع

أرجو من الجميع المشاركه

بخصوص الأسعار أرجو من الجميع عمل خطوة ايجابية

أرجو من الجميع الدعاء لجد زميلنا تربو

الكلمات الدلالية لهذا الموضوع

المفضلات

المفضلات

ضوابط المشاركة