عندي غضروف مجنني ... عايز تمارين ومساند طبية ونظام تخسيس

السلام عليكم ورحمة الله وبركاته

عندي غضروف في الفقرة الخامسة القطنية وضاغط على عصب الرجل اليمين وللأسف عندي زيادة في الوزن حوالي 20 كيلو ومش عارف اعمل تخسيس لانه محتاج رياضة وجربت ادوية تخسيس بس تعبتني جدا وكانت هتأثر على الكلى لولا ستر ربنا وجربت الشاي الاخضر اللي بيقولو عليه وطى الضغط ... وشغلي اغلبه جلوس ده غير العربية

وكنت عايز تمارين بسيطة تنفع لحالتي - مع العلم ان عندي جهاز اب روكيت ومشاية كهرباء - عشان اشد عضلات الظهر والبطن فالغضروف يرتاح شوية وياريت نظام اكل لأني تعبت من الدكاترة اللي روحتلهم مش عايزين غير الفلوس وبس

كمان عايز مساند ظهر طبية وقاعدة طبية عشان احطها على كرسي العربية وكرسي المكتب اللي بقعد عليهم ... بس سألت في القصر العيني واحترت لقيت 3 انواع : فوم - هواء - جيل ومش عارف ايهم افضل ( وللأسف مش كل المساند من الانواع دي ومش كل القواعد منهم برضو يعني لو هجيب منهم هاعمل كوكتيل ) ولو حد عنده مكان تاني وأنواع تاني يقولي بس يكون مجربهم عشان اتأكد اني هاجيب حاجة تريحني

معلش طولت عليكم بس انا تعبان جدا من الغضروف ده وقرفت منه وعايز حل :banzai:

اقتباس:

---

المشاركة الأصلية كتبت بواسطة محمد عمر 2014

السلام عليكم ورحمة الله وبركاته

عندي غضروف في الفقرة الخامسة القطنية وضاغط على عصب الرجل اليمين وللأسف عندي زيادة في الوزن حوالي 20 كيلو ومش عارف اعمل تخسيس لانه محتاج رياضة وجربت ادوية تخسيس بس تعبتني جدا وكانت هتأثر على الكلى لولا ستر ربنا وجربت الشاي الاخضر اللي بيقولو عليه وطى الضغط ... وشغلي اغلبه جلوس ده غير العربية

وكنت عايز تمارين بسيطة تنفع لحالتي - مع العلم ان عندي جهاز اب روكيت ومشاية كهرباء - عشان اشد عضلات الظهر والبطن فالغضروف يرتاح شوية وياريت نظام اكل لأني تعبت من الدكاترة اللي روحتلهم مش عايزين غير الفلوس وبس

كمان عايز مساند ظهر طبية وقاعدة طبية عشان احطها على كرسي العربية وكرسي المكتب اللي بقعد عليهم ... بس سألت في القصر العيني واحترت لقيت 3 انواع : فوم - هواء - جيل ومش عارف ايهم افضل ( وللأسف مش كل المساند من الانواع دي ومش كل القواعد منهم برضو يعني لو هجيب منهم هاعمل كوكتيل ) ولو حد عنده مكان تاني وأنواع تاني يقولي بس يكون مجربهم عشان اتأكد اني هاجيب حاجة تريحني

معلش طولت عليكم بس انا تعبان جدا من الغضروف ده وقرفت منه وعايز حل :banzai:

---

اولا علشان تخس لازم تنظم اكلك وتقدر تخس 50 كيلو بنظام الاكل فقط
ثانيا انا ممكن ابعتلك رسالة باسم علاج على الخاص
ثالثا متعملش رياضة عامة على اجهزتك الا لما تعالج ظهرك
ممكن ابعتلك تمرينات علاجية لو حبيت
د/محمد

اقتباس:

---

المشاركة الأصلية كتبت بواسطة drcobra

اولا علشان تخس لازم تنظم اكلك وتقدر تخس 50 كيلو بنظام الاكل فقط
ثانيا انا ممكن ابعتلك رسالة باسم علاج على الخاص
ثالثا متعملش رياضة عامة على اجهزتك الا لما تعالج ظهرك
ممكن ابعتلك تمرينات علاجية لو حبيت
د/محمد

---

اشكرك جدا على الاهتمام وسرعة الرد يا دكتور محمد

بداية انا حاليا بحاول انظم الاكل على قد ما اقدر وده النظام اللي ماشي عليه :

باكل نصف رغيف بلدي على الفطار مع الجبن القريش وبيضة او الجبن القريش والفول
والغذاء 6 ملاعق ارز بسمتي مع خضار سوتيه او مطبوخ ني في ني مع قطعة لحم او ربع فرخة
والعشاء ثمرتين فاكهة وعلبة زبادي
وبين الوجبات ثمرة فاكهة واحدة
وبالنسبة للسكر في المشروبات الساخنة في حدود اربع او خمس ملاعق يوميا
وبالنسبة للشاي الاخضر فلا استطيع تناوله لاني من طبيعة ضغطي منخفط والشاي الاخضر بيعمللي هبوط شديد في الضغط

وهذا النظام ماشي عليه من شهر وخسيت 2 كيلو فقط

ياريت لو في ملاحظات على النظام ده تقولي وانا اظبطه ... وبالنسبة للعلاج اللي حضرتك بتقول عليه ياريت تبعتهولي ان كان لا يوجد له اعراض جانبية (لاني كنت باخذ دواء تخسيس وتعبني جدا مش هقدر اقول على اسمه عشان ما يبقاش اعلان بس ممكن ابعتهولك على الخاص)

ثانيا : انا حاليا لا اقوم بأي تمارين على الاجهزة اللي عندي

ثالثا : بالنسبة لظهري عملت علاج طبيعي فترة طويلة والنتائج كانت عكسية
فعلى حسب كلام دكتور العمود الفقري لازم اشتغل على عضلات الظهر والبطن عشان تتشد وترفع ضغط العمود الفقري عن الغضروف وده اللي كنت باعمله في العلاج الطبيعي والغضروف ارتاح بس العصب كان بيتعبني لأنه بيتشد مع التمارين فأمرني دكتور الأعصاب بالتوقف عن العلاج الطبيعي لترييح العصب واعطاني ادوية ترخي العصب فقامت الادوية بارخاء العضلات ايضا فاصبح العلاجين ضد بعض ...

والنتيجة اني توقفت عن كل شيء لا ادوية (لأنها في الآخر مسكنات) ولا علاج طبيعي - لأن في الاخر المشكلة دي ملهاش علاج ... ولي زملاء واقارب عندهم غضروف ونفس المشكلة مفيش علاج كله مسكنات

ياريت لو في تمارين تنفع لحالتي تبعتهالي اكون شاكر جدا جدا جدا

اسف للاطالة ... ولكن حاولت احكي كل حاجة باعملها عشان لو في غلط اصلحه ولو في اي اقتراحات انفذها فورا

وجزاكم الله كل الخير

محدش عنده اي نصيحة بخصوص المساند الطبية ؟؟؟؟؟؟؟؟؟؟؟؟؟؟؟؟؟؟؟