السلام عليكم
انا كنت كتبت موضوع عن الكاسيت بتاع ال 301 قبل كدة وانه مش بيشغل اسطوانات اوديو لازم MP3 والاعضاء الكرام افادونى فى الموضوع دة عشان كنت فاكر ان الكاسيت بايظ بس من ضمن الموضوع كنت قولت ان لما حطيت الاسطوانه فى مره من المرات الكاسيت فصل كهربا مره واحده وماشتغلش الا لما دورت العربية
والموضوع القديم اهو http://www.nilemotors.net/Nile/414593-301.html
انا المفروض كنت هستلم العربية يوم الاربعاء الماضى والورق جاهز وكل حاجة تمام بس فى يوم الاستلام الحاج الوالد تعب الصبح قبل ما ننزل ووقع وراح المستشفى اتحجز وعمل قسطره فى القلب وكانت شغلانه الحمد لله على كل حال وطلع من كام يوم بس سايبه يريح الاسبوع دة وبعدين نروح نستلم على الاسبوع اللى جاى
المهم اتصلت بمدير المبيعات اللى مظبط معاه وقولتله انا هاجى اتفرج على العربيه بعد ما اتغسلت عشان روحت المره اللى فاتت كانت مليانه تراب ومعرفتش اتفرج كويس
روحت اتفرجت وعملت حسابى على اسطوانه MP3 فيها قرأن
وروحت واخدت منه المفتاح وفتحت الكونتاكت (بس ما دورتش)
وحطيت الاسطوانه واشتغلت قرأن عادى وقعدت ارغى مع الراجل حوالى تقريبا 3 دقايق والقرأن شغال ولاقيت مره واحده الكاسيت فصل كهربا تانى وماشتغلش الا لما دورت العربيه اشتغل معنى كدة ان الكاسيت مايشتغلش الا لو دورت العربية يعنى كل لما احب اشغل الكاسيت لازم اسيب العربية دايره حتى لو مش ماشى بيها
انا كنت فاكر ان الفرنساوى كدة
بس سألت الاستاذ هيما باشا ربنا يكرمه كله ذوق واحترام قالى انه معاه نفس العربية والكاسيت بيشتغل من غير تدوير
اتصلت بمدير المبيعات وقولتله ان فى استاذ معاه نفس العربيه وقالى ان مش لازم ادور قالى لا هى كدة عادى وماتقلقش ولو فى حاجة روح التوكيل يعملها قولتله وانا ليه اشترى عربيه بالمبلغ دة وفيها عيب قالى مش عيب هى كدة وعادى وقعد يتوه عن الموضوع قولتله جربها انا سيبلك السى دى فى العربية قالى ماشى وجربها واتصل بيا قالى مافيهاش اى مشاكل ومابتفصلش
بس الكاسيت بيفصل لو شغلت الراديو عشان العربية فى الجراج ومش مركب الاريال انما السى دى لا قولتله خلاص تمام وهاجى الاسبوع الجاى استلم بس لو لاقيت فى حاجة عربيتك وكدة
قالى بالله عليك ما تعقد الدنيا والكلام اللى بيتقال كدة
بس انا مش عارف اعمل اية اعدى الموضوع دة واعمله فى التوكيل ولا المفروض اية اللى يحصل وانا والله مش بخوف الناس من العربية بس انا حظى كدة بقى ومش لاقى غيركوا اسأل
واسف جداااا على الاطاااله