الموضوع: ان شاء الله هكشف على العربيه فى التوكيل انهارده

والله يا جماعه موضوع الريبورت انى اجيبه ده صعب جدا

انا ممكن كده كده انزله هنا بغرض الافاده بس الراجل عاوز رد فورى بعد الكشف مباشرة

لان الراجل قبل موضوع التوكيل ده بالعافيه و اخد عربون 5000 جنيه

و قالى اكشف فى التوكيل و لو العربية طلعت سليمه و عجبتك نخلص و اعملك العقد

و لو مش عجبتك بعد الكشف مباشرة خد عربونك و هنقولك ان احنا اسفين على العطله

يعنى صعب اجيب الريبورت و انزله و بعد كده اروح اخلص معاه

الراجل ده تاجر و ما لوش فى الاسلوب ده

هوه عاوز يا تشترى يا اما ما تشتريش

و انا اسف على الاطاله

الف مبروك ويارب تكون مباركة ان شاء الله اهم شيئ هو المحرك اى شيئ يهون 1== الجيربوكس 2== الحساسات علبة البيئة بالشكمان لاتستهون بيها غالية جداااا والباقى سهل ان شاء الله

اول حاجة تاخد بالك منها هى حزام الامان بجوار الكراسى الامامية يوجد ذرعان لمسك الحزام لو المسكات دية نازلة لتحت يبقى السيارة كانت عاملة حادث واريباك الكراسى ضرب انا واحد ميكالنيكى نصاب باع لى سيارة اسمة محمد الشرقاوى فى الحرفين ومسمى نفسة الادهم سيارة بالطريقة دية

والله يا جماعه انا شاكر ليكم جدا على الاهتمام

انا رحت توكيل ابورواش و المهتدس سمع صوت الموتور و قالى واضخ ان فيه مشكله فى الموتور

و جاب الملف بتاع العربية قبل الكشف عليها و اكتشف ان اخر صيانه للعربيه عنده كانت سنة 2010 و كانت العربيه عامله 158000 كم يعنى كانت عامله 160000 كم من حوالى 3 سنوات

و صراحه المهندس مشكورا قالى ان زمان العداد الحقيقى بتاعها معدى 200000 كم

وسألنى اذا كنت عايز اعمل الكشف و الريبورت ولا بلاش و بصراحه قلت له بلاش

يعنى انا كنت هشترى عربيه على انها تقريبا مش بتمشى و هيه معديه ال 200000 كم

و الحمد لله و الشكر لله ان ربنا عافانى

الحمد لله التوكيل اصلا لم يأخذ ال 500 جنيه

لانه لم يكشف اصلا

هوه كل اللى عمله انه طلع المعلومه دى من ملف العربية

بصراحه ناس محترمين جدا